Job 18
18
Bildad
1-2¿Adika muihni mampat dawarangyah yul bauwa kidika?
Di rahm kat, yuyulwa katlaih sipki yulbauna atnin.
3¿Amput dawak didauh kapat maiyamwih,
dawak di amangladas kapat maikulwi?
4¿Man kultaman laih kulnam daukalwakat,
kal-ista bisma kat, sau adika kauhmak wanilang manah kalwarangya,
kidika awaskat kipala nunuhni balna kidika pa ūk yaklalawarangyah?
5Muih dutni kidika witing awasni pibukwarang,
dawak kuhnipau bik dahlwas karang.
6Witing awasni pibukna karang,
dawak uni yakat yaringni dis kalwarang.
7Witing parasni lapakwa kidika bitik laih parasni dis kalna karang,
dawak witing alas dilaihnin āna sakkidika pasyakat bukna karang.
8Witing tanipas yakat laihnin dini kidika ānakarang,
bahang kidika yakat kal-laihna karang.
9Wah as lalakna karang witing kalni yakat laihna atnin,
dawakat kalni burinimak yakat suruna karang.
10Kal-laihnin dini kidika ta pasyakat lakna karang,
malnikau, bayakwakat laihna atnin yulni.
11Pa bitik yakat witing niningkauh yaklalauwa kaldakawarang;
dawak lapakwa bitik yakat laihdang atwi uiwi uiwa kapat kaldakawarang.
12Parasni kidika dis dana karang yuhdauwakat;
di dutni kidika buknin manah sakkarang witing minityakat.
13Siknis laih daunin walanibis as kidika,
witing muihni yakat tani tani kalkasna karang.
14Dawak witing uni yakat kulnin aslah lani bik dakwi yakna karang,
dawak king as yamadunin atwa muhni yakat murwi duwi kiuna karang.
15Uni yakat kuhkau buswi;#18.15 Kuhkau buswi: kaput ulna kidika yamni kapat ki. Hibru kau laih amangladas ki.
dawak dini balna minit yakat sulhpa kau rasna karang.
16Kidika laih sihm pan nuhni as rikni balna buhlana,
dawak tingni balna kusulana kapat ki.
17Witing yulni balna kidika sau akaupak uswi yakpamna karang,
dawak watwi witing ayangni kidika yuyulwas karang.#Sal 9:5; 34:16.
18Yaringni kaupak puksani yakat ruruhmna karang;
adika sauni kaupak kangwi yayakwarang.
19Tawanni yakat witing sulani balna diskarang;
dawakat ūni yakat bik muih as bik sangka awaskarang.#Sal 37:28.
20Witing yulni kidika dakakawarang kat ma kilwa kaupak ma kawakat,
muihsak dadauna karang.
21Kaput ki muih dutni sangnika diswa kidika,
al as Papang yakat dauh kulwa kidika.
Currently Selected:
Job 18: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
