Job 17
17
1Wingkita bitik laihwatwi;
yang sangkika adika mahka witni yakat kiwi;
sau-ū kidika taki tahawi.
2Yang yaihkit yakat muih bangki kauna,
muih kau sarahni yulyang balna manah bangki;
pukta madah muih uhuswi.
3Kaunah Dawan man laih sipman yang yulki nangkitlanam;
¿man yamtasman kat wais as sipyah yamnin?
4Man lawa sinsnina kidika satuk wirlapamnaman bahang,
datangkat mikit bayaknin awaski.
5Yuh wawauhwarang#17.5 Yuh wawauhwarang: barangni yulnin kat miniknapa pukni kalwarang. walaninabis balna,
angdika muihni minit dibin dunin yulni wanaihnina yakat malnikau dutni diyayamwa kidika.
6Man yamtangkat muih bitik yang yulki dutni yuyulwi,
dawak muhki yakat bik susuih tutuhwi.
7Mikpa balna kidika mukus pihni manah kalwi dalawakat;
dawak muihki nuhni kidika laih masanni as kapat ki.
8Muih yayamni balna, adika dini di wisam as tatalwi;
kulninna daukalwi, dawak yang adika muih dutni as yakukulwi.
9Wat wat yuyulwi, witing laih dutni as bik yayamwas ki,
dawak tingnina bik maisihni yayamwas ki.
10Kauna yang akat aiwanauh, manna bitik,
dawak manna pasyakat sins duyang muihni as bik yaktas awaki.
11Yang sangkika mani balna kidika bayakkiwi,
dawak yang warkki balna, dukih yawa balna kidika bitik laih dauh kalna ki.
12Kauna manna laih pukta kidika madah yamtamana;
¡puksani karang bik yultaman yaringni kidika kaiwi!
13Yang di aslah tahanik kidika laih daunin,
dawak puksani yakat alangwik aminik.
14¡Yang papangki, nanangki dawak wirahki balna
laih babil balna sau-ū kau bangkidika!
15¿Yang tahanik kidika angkat sakyah?
¿Yang yamni atnik kidika#17.15 Yang yamni atnik kidika: Hibru kau laih yulwi yang tahanik. angkat sakyah?
16¿Yang karak daunin pāni yakat uiwarangyah,
kalpaktik sau yahamni yakat kalangna atnin?
Currently Selected:
Job 17: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
