Job 11
11
Zofar
1-2Yul mahni yulwada kidika niningyakat nangnitlana as kalnin ki,
yul mahni yulda kidika yulni marahmki dudaski.
3¿Man kultaman laih yul mahni yultada yulni yangna ap datanaki,
dawak muih as bik sip-awasyah sarahni yultada kidika nangmatlanin?
4Man yultaman, lāma balna laih barangni,
dawak man alas muihma kidika kalkultamahn di dutni asbik disman.
5¡Yamni karang Papang nangmatlawarang kat!
6Sins lani tuhni balna amput amanglanin kidika namangkawitdai,
amanglanin dadasni balna kidika.#11.6 Amanglanin dadasni balna kidika: kaput wirlana kidika yamni kapat ki. Hibru kau laih amangladas ki.
Kaput dai katlaih talnamdai Papang mawiswas kidika,
kasak mawisnin dai kauna.
7¿Sip kultamahn Papang di taldas balna yamwa kidika amanglanam,
dawak witing muihni yakat bik āwinin kultamahn?
8¿Ais yamnin sip-mahn makau kisang kapat tanit maluihni kidika?
¿Man ais amanglataman, pa kudungni tuhni kapat tanit tuhni kidika?
9Sau adika karak tanit nuhni ki,
dawak kuma karak dawak tanit panuhni ki.
10Papang kaiwi laihwi dukiwi lāni yamwarangkat,
¿wais sipyah laihwi dakyaknin?
11Witing amanglawi wais alas muihni kidika;
witing di dutni balna kidika talwi,
¿kidika awaskat man kultaman witing amanglawas ki?
12Biriku wail kidika witing limahni kalwarangkat,
kidika mani tapdadas kidika yul kulwi talwarang.
13Barangni atnin kidika kulta,
dawak Papang yakat bukta kalyulta.
14Dutni kidika truktaman kat, man kaupak naikau yakpamta;
dutni kidika man ūma yakat pa kalawinih.
15Kaput laih muhma kidika maisihnidis wauhlawa talma,
dawak ismanglak yamadutas sak-awama;
16dalani wauhtaman kidika dapamtang diswarang,
sihm was murwi bayakkiwa kapat damatkahna karang.
17Man sangmaka kidika yaringni kalna karang matunak yaringni duwa kapat tanit;
man awarma balna puksani kidika ma kilkalahwa kapat kalna karang.
18Tani tahanin kidika kulnam yakat duma,
dawak ismanglak sangka awama;
Papang mainmatalwakat#11.18 Papang mainmatalwakat: kaput ulna kidika yamni kapat ki. Hibru kau laih yulwi dauma. ismanglak amama.
19Yalahda wingmata puhtang kat di asbik bilmalauwas karang.
Muih manas aiwi ilpma wawalwarang.
20Muih dudutni balna kidika laih dauh ilp wawalna karang,
yakmaldinin pāni bik yayakwas karang,
dawakat dauninna manah tanitna yakat tahana karang.
Currently Selected:
Job 11: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
