Jeremías 47
47
Prapit yulna Filisteo balna yulnina
1Adika yulni balna kuduh Papang yaklauwi prapit Jeremías munah sihna dai kidika filisteo#Is 14:29-31; Ez 25:15-17; Jl 3:4-8; Am 1:6-8; Sof 2:4-7; Zac 9:5-7. balna yulnina, Fero yaklauwi Gaza niningyakat baisa kalbauwas tanit kauh:
2“Papang yaklauwi yulna:
Tingpal niningkaupak was banghilwi kaiwi,
sihm was balna banghilwa kapat;
kidika sauni bitik yakat laih banghilna paskau di bangdai bitik yakat,
tawan nunuhni balna kau yalalahwa balna yakat.
Kidika muihni balna bitik sararahwi,
dalani kidika wauhwi.
3Aras kikira yakat dakawi,
kar wīlni balna parasni yuyulwa yaka dakawi,
papang balna kidika parasnina dis dawak walaninabis dawi kikiri.
4Kat mani kaina bang filisteo balna kidika inin,
Tiro dawak Sidón kidika dakyaknin witingna ilpni balna duduwa kidika.”
Agha, Papang yaklauwi filisteo balna yakat iwarang ki,
Creta sauni wirni yakat kalahwi uina balna kidika.
5Gaza muihni balna kidika tunanina karhwi,
Ascalón muihni balna kidika tininapas lamana.
Sara mani ahal nunuhni balna#47.5 Sara...balna: grik kau laih kaput ulna. Hibru kau laih yulwi witingna saunina langni.,#Jos 11:22. sulanina balna dai kidika.
¿Mampatkat muihma yakat dakmayah dalani wauhtaman kidika yulni?
6¡Alakaih, Papang isniparah!
¿Mampat kat laihwatma yah?
¡Ismaparah kidika uni yakat atah ismang laihwatta, dawak kus sak-awah!
7¿Kaunah amput yang kus sak-awakiyah Papang yaklauwi pakna kidika,
Ascalón dawak kuma kung bitik yakat niningkauh kalbauna atnin?
Currently Selected:
Jeremías 47: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
