Jueces 9
9
Abimelec
1Abimelec Jerobaal walanibis, kiuna dai Siquem pāni yakat witing wanaihni balna karak yulbauna atnin, kidika wanaihni balna laih nanangni sulani balna dai kiwi; aput diyulna:
2—Mawanaihki balna ayangnina kau duta, Siquem muihni balna yakat kulninna wirlatanauh, kau yamni ki muih al aslah yaklauwi matakituna kawarang kat, Jerobaal walanibis balna 70 kidika bitik mataki tuna kakawa kidika yamni awaski.
3Abimelec kidika witingna wanaihnina dai bahang yulni kat dakawi uiwadai Siquem muihni balna yakat kulninna wirlalawak usnitna uina atnin. 4Kidika minit yakat Baal-berit kau minitna yuyulwa uni lalahni kaupak kaupak 70 kalalana dai Abimelec yakat, kidika lalahni kau duwi muih iyang buas minitna launa dai witing yakat usnit uina atnin. Kidika ahalni balna Abimelec usnit uina dai 5Ofra pāni yakat kidika yakat witing papangni Jerobaal yalahwadai, kipala as sakki, kidika kinipala minit yakat, Abimelec wirahni ahal 70 balna dai kidika ilwi ihina dai. Jotam manah yakmaldi yaklana, Jerobaal walanibis bin palni. 6Kidika usnit kat, Siquem muihni balna, dawak, Bel-milo muihni balna karak aslah kalududuhna dai kirah panani yaihnit yakat, dawak kipala as Papang dini yakna sakdai kidika Siquem yakat, dawak kidika yakat Abimelec king ahana.
7Jotam dakana manikat, Gerizim asangni tuna yakat kilwi, parasni sarahna dai, muih bitik dakana atnin, bahang aput yulna dai:
“¡Siquem muihni balna yamni yadakanauh! ¡Kaput bik Papang manna yakat manadakana karang!
8“Ma as manikat pan balna bik kingnina dunin kukulna dai. Olib yakat kalyuyulna witingna kingnina kana atnin. 9Kaunah olib yulwas dawi, aput diyulna: ‘Yang pan balna bitik kingnina awinik kat, salāki yaktik muih dawak Papang yakat ayangni dulautayang kidika danik karang ki.’
10“Watwi ūk wawalna, ani damni yakat king ana atnin. 11Kaunah ani damni bik yulwas dawi, aput diyulna: ‘Yang pan balna kingnina āwinik kat, yang minik damni auhni yaktayang kidika danik karangki.’
12Kidika kaupak ūk wawalna wain panani ya kat witingna kingnina kana atnin. 13Kaunah wain panan yulwas dawi aput diyulna: ‘Yang kingmana āwinik kat, wain wasni yamni yaktik muih al dawak Papang yakat alasna diatayang kidika dana atnik karang ki.’
14“Witing bat pan ukuning duwa yakat kal yuyulna witingna kingnina kana atnin. 15Pan ukuning duwa kidika diyulwi dakana, witingna rahm kaput kukulwapa, kaput kat pan balna bitik witing dinitkau sanni yakat ban atnin; kaunah witingna yuyulwa barang kat pan ukuning duwa kidika king atnin, witing kaupak kuhpau as kalahwi Líbano suhunni balna bitik busna barang.
16“Waralaih manayultik dakayang: ¿Manna yamnamana kidika rahm kulnamna yamni kau duta Abimelec kidika king ānamanah? ¿Jerobaal yamni manayamna kaput birita yamni kalyamna daih? 17Kat papangki laih sangnika kidika daunin yakat āna dai, manna kidika madianita balna tingnina kaupak manadakyakna atnin. 18Manna laih nawatni kau papangki walanibis balna niningna yakat lawanamana, dawakat walanibis 70 balna dai kidika bitik inamana kinipala aslah minit yakat ilta. Di as yamtas mana kapat Abimelec yakat king ānamana Jerobaal yalni as kaupak walanibis yakna dai kidika manna wanaihmana bahang kaput yamnamana. 19Warmani yang manayultayang: Manna Jerobaal sulani balna yakat yamni yamnamana dai kat, Abimelec karak yamni awanauh, dawakat witing manna karak yamni karang; 20kaunah kaput awas kat, ¡Abimelec kaupak kuhpau as kalahwi dibuswang, Siquem muihni balna dawak Bet-milo balna kidika bitik, dawak Siquem kaupak, Bet-milo kaupak kuhpau kalahwi witing yakat kalbuswang!”
21Kidika yulna usnit kat, Jotam, witing kiri kiwi Beer pāni yakat watna dai, kat wirahni Abimelec yakat yamaniduwa kidika yulni.
22Kurih bās Israel balna taninatuna balna dai Abimelec, 23Papang yaklauwi isning muih dutni as sihna dai Abimelec dawi Siquem muihni balna pasningna yakat, kidika isning-muih yaklauwi yamwak Abimelec yakat nining kauh yaklauna atnin, 24kaput Abimelec Jerobaal walanibis balna 70 ina kidika minit launa atnin, dawakat Siquem muihni balna bik tingnisut lalaihna kidika yulni minitlalauna karang. 25Siquem muihni balna buas asangpas yakat yakmaldi muih tapas yakat bayayakwak kalahwi dinina dakyayakwa dai, kaput yayamwa kidika Abimelec amanglana dai.
26Ebed walanibis Gaal, ma as wirahni balna karak kalpakwi Siquem tawanni munah bayayakna dai, dawak kidika tawanni muihni balna kulninna laihna dai, 27kaput laih witingna wain yanimak yakat uiwi wain minik dakwi wasak yamwi alasna muhni as yayamna witingna daninawan ūni yakat, kaput bik kidika mani kalududuhna yakat kalpakwi Abimelec ayangni daukakalna dai. 28Gaal aput yulna: “¿Abimelec kidika wais kaldakawi? Jerobaal walanibis awasyah, witing tingnisut laihyang kidika laih Zebul. Siquem muihni balna mayang adika, ¿ais yamdi witingna niningna yakat dinina yamyang kapat mawarang yah? Hamor warauni mawang, Siquem yamna alni, kaunah Abimelec laih awaski. 29¡Manna tamanatuna yang kat laih, tihn dawak Abimelec kidika dispamki!” Dawak baisa kalyulna: “¡Abimelec kalbauyang muihni balna bitik dutaman kidika uduhta aiwa kalbautah!”
30Zebul Siquem kabamintni dakana kat Gaal yulna kidika kulnin dutni kulna dai, 31dawakat adika yulni kalsihna dai Abimelec yakat, kidika mani balna yakat Aruma#9.31 Aruma: kaput kapat ulna ki, S.d 41 yakat. Hibru kau laih puksani. pāni yakat sakdai: “Gaal Ebed walanibis wirahni balna karak Siquem akat laihwi muih balna karak kalpakwi man namang yakat yaklaunin yamwi. 32Kaput bahang pukta alahwa malda kalbauyang muihni balna karak, asangpas yakat. 33Mapiris palni alahwa tawan nining yakat kalbauma bahang Gaal dawi witing usnit uiwa muihni balna karak kalahwi man namang yakat kalbauwak, man yamma amput yamnin kultaman kidika.”
34Kaput laih kalbauyang ahalni balna kidika uduhna arungka sahyakwi duwi Siquem yaihnit yakat yakmaldana dai. 35Gaal, witing tawan daklana dūrni yakat kalahwakat Abimelec bik yakmaldana yakaupak dawi kalalahna dai. 36Gaal talwi, Zebul yakat kalyulwadai:
—¡Talah asang kaupak kalbauyang muihni balna yaklakwi aiwa bang kidika!
Zebul yulwi:
—Muih aiwas ki. Man talma kidika laih, asang kidika puksani duwa sak bahang muih kaput talaman kaltadai.
37Kaunah Gaal witing ban tanit yakat yulna:
—¡Asang ubulni, ‘Sau uduni atwa kidika’ kaupak muih ūk yaklakwi aiwi kalbauyang muihni balna! ¡Uduhna ūk kaiwi sukia balna kirahnina kidika munah!
38Zebul yaklauwi kalyulwi:
—¡Waralaih yulta yulna parasni! ¡Man yultaman dai Abimelec di sip awas ki witing warauni maidunin! Bang yakat talah kalbauyang muihni balna man dauh kapat kalnaman dai kidika. ¡Alahwa witingna niningna yakat kalbauta!
39Gaal Siquem muihni tanitna yakat kalahwi kalbauna dai Abimelec nining yakat. 40Kaunah Abimelec Gaal yakat uiwi dukiwakat Gaal kirana dai. Tawan dūrni yakat muih manas bik dadauna dai. 41Abimelec Aruma pāni yakat watna dai dawakat Zebul kidika kang'yakpamna Siquem pāni kaupak, Gaal dawak wirahni balna bitik.
42Payahwakat Siquem muihni balna asangpas yakat kalalahna dawakat Abimelec dakawi kat, 43kalbauyang ahalni balna duwa kidika sahyakna bās yakwi asangpas yakat kiwi yakmaldana; dawakat Siquem muihni balna tawan kaupak kalahwi asangpas yakat uiwi kat, Abimelec yakmaldana kaupak dawi kalahwi niningna kiwi kalbauna dai. 44Witing dawakat kalbauyang sahyakna as kidika uiwi tawan dūrni yakat kawi duna, dawakat uduhna ūk balna kidika laih, muih asangpas kau uina balna yakat uiwi ihina; 45kidika mani mapiris masan kat Siquem niningna kalbauna, kawi duna kat. Kaput laih witing tingni yakat bukna kat Siquem pāni kidika bitik bahwi disyamna dai, dawakat muih balna bik bitik imukna dai, dawakat tawanni kidika kuma manah wauhna dai minityakat.
46Migdal-siquem muihni balna dakakana Abimelec ais yamna kidika dawakat, El-berit kau minitna yuyulwa ūni yakat uiwi yakmamaldana. 47Abimelec amanglana witingna bitik yakat yakmaldana bangkidika, 48dawakat, kiuna muih duwalik kidika balna bitik karak, dawak ki kau pan tingni as dakwi trukna, dawak as balna yakat diyulna witingna bik sihm kaput yamna atnin. 49Kaput laih witingna bitik panting dakwi trurukna dawi Abimelec usnit yakat uina, makat yulnin ūni kat, dawak panting balna dai kidika yaihnit yakat uduhwi bubusna, kaput laih Migdal-siquem muihni balna kidika bitik ihina, kidika laih 1000 dai, ahal dawak yayal bik dai.
50Kidika kaupak Abimelec Tebes pāni yakat kiwi kalbauwi dakyakwi duna 51kidika tawanni papus yakat mayak kilwi tahanin pāni as sakdai bahang Tebes muihni balna kidika bitik yakat uiwi yakmamaldana dai, ahal yayal, walabis balna bitik. Dūrni yamni putwi mayakat kikilna, 52kaunah dūrni palni yakat, Abimelec kiu'kawi kalbauna. Mahka kuhpau kau busnin yamna. 53Yal as kiwatak dulauwi ruhmna kidika Abimelec tunan kat bukna bahang tunan wakalni bitik laih ruputna dai. 54Sirihni palni Abimelec yulwak kaiwadai, witing tingnisut laihyang kidika, bahang kalyulwadai: “Ismaparah yakta yaītah, dukih yāwaski yal as yaina atwarang kidika.” Kaput laih tingnisut laihyang kidika isniparah yakwi Abimelec yakat pawi ina. 55Israel balna tatalwak Abimelec kidika dauna kat, mahka ūnina kau uina dai.
56Kaput laih Papang yaklauwi pakwak Abimelec minit lauwadai, papangni niningkau dutni yamna wirahni balna ahal 70 imukna dai kidika yulni. 57Dawakat kaput bik Papang yamna dai Siquem muihni balna bik dutni yayamna kidika minitlauna atnin yulni. Kaput laih, witingna yakat kalahna Jotam latuhna kidika, Jerobaal walanibis.
Currently Selected:
Jueces 9: SUMU
Highlight
Share
Copy
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
Jueces 9
9
Abimelec
1Abimelec Jerobaal walanibis, kiuna dai Siquem pāni yakat witing wanaihni balna karak yulbauna atnin, kidika wanaihni balna laih nanangni sulani balna dai kiwi; aput diyulna:
2—Mawanaihki balna ayangnina kau duta, Siquem muihni balna yakat kulninna wirlatanauh, kau yamni ki muih al aslah yaklauwi matakituna kawarang kat, Jerobaal walanibis balna 70 kidika bitik mataki tuna kakawa kidika yamni awaski.
3Abimelec kidika witingna wanaihnina dai bahang yulni kat dakawi uiwadai Siquem muihni balna yakat kulninna wirlalawak usnitna uina atnin. 4Kidika minit yakat Baal-berit kau minitna yuyulwa uni lalahni kaupak kaupak 70 kalalana dai Abimelec yakat, kidika lalahni kau duwi muih iyang buas minitna launa dai witing yakat usnit uina atnin. Kidika ahalni balna Abimelec usnit uina dai 5Ofra pāni yakat kidika yakat witing papangni Jerobaal yalahwadai, kipala as sakki, kidika kinipala minit yakat, Abimelec wirahni ahal 70 balna dai kidika ilwi ihina dai. Jotam manah yakmaldi yaklana, Jerobaal walanibis bin palni. 6Kidika usnit kat, Siquem muihni balna, dawak, Bel-milo muihni balna karak aslah kalududuhna dai kirah panani yaihnit yakat, dawak kipala as Papang dini yakna sakdai kidika Siquem yakat, dawak kidika yakat Abimelec king ahana.
7Jotam dakana manikat, Gerizim asangni tuna yakat kilwi, parasni sarahna dai, muih bitik dakana atnin, bahang aput yulna dai:
“¡Siquem muihni balna yamni yadakanauh! ¡Kaput bik Papang manna yakat manadakana karang!
8“Ma as manikat pan balna bik kingnina dunin kukulna dai. Olib yakat kalyuyulna witingna kingnina kana atnin. 9Kaunah olib yulwas dawi, aput diyulna: ‘Yang pan balna bitik kingnina awinik kat, salāki yaktik muih dawak Papang yakat ayangni dulautayang kidika danik karang ki.’
10“Watwi ūk wawalna, ani damni yakat king ana atnin. 11Kaunah ani damni bik yulwas dawi, aput diyulna: ‘Yang pan balna kingnina āwinik kat, yang minik damni auhni yaktayang kidika danik karangki.’
12Kidika kaupak ūk wawalna wain panani ya kat witingna kingnina kana atnin. 13Kaunah wain panan yulwas dawi aput diyulna: ‘Yang kingmana āwinik kat, wain wasni yamni yaktik muih al dawak Papang yakat alasna diatayang kidika dana atnik karang ki.’
14“Witing bat pan ukuning duwa yakat kal yuyulna witingna kingnina kana atnin. 15Pan ukuning duwa kidika diyulwi dakana, witingna rahm kaput kukulwapa, kaput kat pan balna bitik witing dinitkau sanni yakat ban atnin; kaunah witingna yuyulwa barang kat pan ukuning duwa kidika king atnin, witing kaupak kuhpau as kalahwi Líbano suhunni balna bitik busna barang.
16“Waralaih manayultik dakayang: ¿Manna yamnamana kidika rahm kulnamna yamni kau duta Abimelec kidika king ānamanah? ¿Jerobaal yamni manayamna kaput birita yamni kalyamna daih? 17Kat papangki laih sangnika kidika daunin yakat āna dai, manna kidika madianita balna tingnina kaupak manadakyakna atnin. 18Manna laih nawatni kau papangki walanibis balna niningna yakat lawanamana, dawakat walanibis 70 balna dai kidika bitik inamana kinipala aslah minit yakat ilta. Di as yamtas mana kapat Abimelec yakat king ānamana Jerobaal yalni as kaupak walanibis yakna dai kidika manna wanaihmana bahang kaput yamnamana. 19Warmani yang manayultayang: Manna Jerobaal sulani balna yakat yamni yamnamana dai kat, Abimelec karak yamni awanauh, dawakat witing manna karak yamni karang; 20kaunah kaput awas kat, ¡Abimelec kaupak kuhpau as kalahwi dibuswang, Siquem muihni balna dawak Bet-milo balna kidika bitik, dawak Siquem kaupak, Bet-milo kaupak kuhpau kalahwi witing yakat kalbuswang!”
21Kidika yulna usnit kat, Jotam, witing kiri kiwi Beer pāni yakat watna dai, kat wirahni Abimelec yakat yamaniduwa kidika yulni.
22Kurih bās Israel balna taninatuna balna dai Abimelec, 23Papang yaklauwi isning muih dutni as sihna dai Abimelec dawi Siquem muihni balna pasningna yakat, kidika isning-muih yaklauwi yamwak Abimelec yakat nining kauh yaklauna atnin, 24kaput Abimelec Jerobaal walanibis balna 70 ina kidika minit launa atnin, dawakat Siquem muihni balna bik tingnisut lalaihna kidika yulni minitlalauna karang. 25Siquem muihni balna buas asangpas yakat yakmaldi muih tapas yakat bayayakwak kalahwi dinina dakyayakwa dai, kaput yayamwa kidika Abimelec amanglana dai.
26Ebed walanibis Gaal, ma as wirahni balna karak kalpakwi Siquem tawanni munah bayayakna dai, dawak kidika tawanni muihni balna kulninna laihna dai, 27kaput laih witingna wain yanimak yakat uiwi wain minik dakwi wasak yamwi alasna muhni as yayamna witingna daninawan ūni yakat, kaput bik kidika mani kalududuhna yakat kalpakwi Abimelec ayangni daukakalna dai. 28Gaal aput yulna: “¿Abimelec kidika wais kaldakawi? Jerobaal walanibis awasyah, witing tingnisut laihyang kidika laih Zebul. Siquem muihni balna mayang adika, ¿ais yamdi witingna niningna yakat dinina yamyang kapat mawarang yah? Hamor warauni mawang, Siquem yamna alni, kaunah Abimelec laih awaski. 29¡Manna tamanatuna yang kat laih, tihn dawak Abimelec kidika dispamki!” Dawak baisa kalyulna: “¡Abimelec kalbauyang muihni balna bitik dutaman kidika uduhta aiwa kalbautah!”
30Zebul Siquem kabamintni dakana kat Gaal yulna kidika kulnin dutni kulna dai, 31dawakat adika yulni kalsihna dai Abimelec yakat, kidika mani balna yakat Aruma#9.31 Aruma: kaput kapat ulna ki, S.d 41 yakat. Hibru kau laih puksani. pāni yakat sakdai: “Gaal Ebed walanibis wirahni balna karak Siquem akat laihwi muih balna karak kalpakwi man namang yakat yaklaunin yamwi. 32Kaput bahang pukta alahwa malda kalbauyang muihni balna karak, asangpas yakat. 33Mapiris palni alahwa tawan nining yakat kalbauma bahang Gaal dawi witing usnit uiwa muihni balna karak kalahwi man namang yakat kalbauwak, man yamma amput yamnin kultaman kidika.”
34Kaput laih kalbauyang ahalni balna kidika uduhna arungka sahyakwi duwi Siquem yaihnit yakat yakmaldana dai. 35Gaal, witing tawan daklana dūrni yakat kalahwakat Abimelec bik yakmaldana yakaupak dawi kalalahna dai. 36Gaal talwi, Zebul yakat kalyulwadai:
—¡Talah asang kaupak kalbauyang muihni balna yaklakwi aiwa bang kidika!
Zebul yulwi:
—Muih aiwas ki. Man talma kidika laih, asang kidika puksani duwa sak bahang muih kaput talaman kaltadai.
37Kaunah Gaal witing ban tanit yakat yulna:
—¡Asang ubulni, ‘Sau uduni atwa kidika’ kaupak muih ūk yaklakwi aiwi kalbauyang muihni balna! ¡Uduhna ūk kaiwi sukia balna kirahnina kidika munah!
38Zebul yaklauwi kalyulwi:
—¡Waralaih yulta yulna parasni! ¡Man yultaman dai Abimelec di sip awas ki witing warauni maidunin! Bang yakat talah kalbauyang muihni balna man dauh kapat kalnaman dai kidika. ¡Alahwa witingna niningna yakat kalbauta!
39Gaal Siquem muihni tanitna yakat kalahwi kalbauna dai Abimelec nining yakat. 40Kaunah Abimelec Gaal yakat uiwi dukiwakat Gaal kirana dai. Tawan dūrni yakat muih manas bik dadauna dai. 41Abimelec Aruma pāni yakat watna dai dawakat Zebul kidika kang'yakpamna Siquem pāni kaupak, Gaal dawak wirahni balna bitik.
42Payahwakat Siquem muihni balna asangpas yakat kalalahna dawakat Abimelec dakawi kat, 43kalbauyang ahalni balna duwa kidika sahyakna bās yakwi asangpas yakat kiwi yakmaldana; dawakat Siquem muihni balna tawan kaupak kalahwi asangpas yakat uiwi kat, Abimelec yakmaldana kaupak dawi kalahwi niningna kiwi kalbauna dai. 44Witing dawakat kalbauyang sahyakna as kidika uiwi tawan dūrni yakat kawi duna, dawakat uduhna ūk balna kidika laih, muih asangpas kau uina balna yakat uiwi ihina; 45kidika mani mapiris masan kat Siquem niningna kalbauna, kawi duna kat. Kaput laih witing tingni yakat bukna kat Siquem pāni kidika bitik bahwi disyamna dai, dawakat muih balna bik bitik imukna dai, dawakat tawanni kidika kuma manah wauhna dai minityakat.
46Migdal-siquem muihni balna dakakana Abimelec ais yamna kidika dawakat, El-berit kau minitna yuyulwa ūni yakat uiwi yakmamaldana. 47Abimelec amanglana witingna bitik yakat yakmaldana bangkidika, 48dawakat, kiuna muih duwalik kidika balna bitik karak, dawak ki kau pan tingni as dakwi trukna, dawak as balna yakat diyulna witingna bik sihm kaput yamna atnin. 49Kaput laih witingna bitik panting dakwi trurukna dawi Abimelec usnit yakat uina, makat yulnin ūni kat, dawak panting balna dai kidika yaihnit yakat uduhwi bubusna, kaput laih Migdal-siquem muihni balna kidika bitik ihina, kidika laih 1000 dai, ahal dawak yayal bik dai.
50Kidika kaupak Abimelec Tebes pāni yakat kiwi kalbauwi dakyakwi duna 51kidika tawanni papus yakat mayak kilwi tahanin pāni as sakdai bahang Tebes muihni balna kidika bitik yakat uiwi yakmamaldana dai, ahal yayal, walabis balna bitik. Dūrni yamni putwi mayakat kikilna, 52kaunah dūrni palni yakat, Abimelec kiu'kawi kalbauna. Mahka kuhpau kau busnin yamna. 53Yal as kiwatak dulauwi ruhmna kidika Abimelec tunan kat bukna bahang tunan wakalni bitik laih ruputna dai. 54Sirihni palni Abimelec yulwak kaiwadai, witing tingnisut laihyang kidika, bahang kalyulwadai: “Ismaparah yakta yaītah, dukih yāwaski yal as yaina atwarang kidika.” Kaput laih tingnisut laihyang kidika isniparah yakwi Abimelec yakat pawi ina. 55Israel balna tatalwak Abimelec kidika dauna kat, mahka ūnina kau uina dai.
56Kaput laih Papang yaklauwi pakwak Abimelec minit lauwadai, papangni niningkau dutni yamna wirahni balna ahal 70 imukna dai kidika yulni. 57Dawakat kaput bik Papang yamna dai Siquem muihni balna bik dutni yayamna kidika minitlauna atnin yulni. Kaput laih, witingna yakat kalahna Jotam latuhna kidika, Jerobaal walanibis.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998