Jueces 10
10
Tola dawi Jair kabamintni
1Abimelec kaupak usnit kat, muih al ūk kalahwadai, Isacar sulani kaupak, Fúa walanibis Tola, Dodo mani, bahang adika alni yaklauna dai Israel laihwi yakna atnin. Tola yalahwa dai Samir tawanni yakat, Efraín asangni yakat, 2kurih 23 Israel kana dai, dauwakat Samir pāni kat nununa.
3Kidika usnitkat Jair yaklauna, Galaad kaupak dai kidika, kaput laih kabamint kana Israel yakat kurih 22. 4Jair walanibis 30 dai, bitik laih aras kikilwa dai, dawakat Galaad sauni yakat tawanni duduwa dai. Kidika tawanni 30 kidika warmani kat bik ban amanglawi “Jair tawanni nunuhni balna”.
5Jair dauwakat Camón pāni yakat nununa.
Amonita muihni balna Israel yakat taihwi duduna
6Kaunah Israel balna kidika watwi dutni yayamna Dawan minikpa yakat, dawak dawan dauh balna yakat minitnayuyulna, dawak Astarté yakat bik, kaput bik laih Siria daniwan, Sidón, Moab, Amón dawakat Filisteo balna daninawan dauh balna yakat bik. Dawan kidika dapapamna, witing yakat minitna yuyulwa kidika bik dadana dai 7Kidika bahang Dawan kulnin daukalwi filisteo, dawi amonita balna tingnina yakat diruhna dai. 8Kaput laih kurih 18 praisni filisteo balna dawak amonita balna bik Israel balna yakat ditataihna dai Galaad yakat yalalahwa dai kidika Jordán wasni nakas kau amorreo balna saunina yakat. 9Amonita balna kidika Jordán wasni dakyaklalana judá, Benjamín dawak Efraín niningyakat kalbauna atnin, kaput laih Israel balna kidika dutni palni kalalahna dai. 10Kaput dawakat, Israel balna Dawan yakat ilp yulna, aput yuyulna: “Papangkina, man nanang yakat dutni yamna yangna man marumhtik datik dawan dauh yakat mikitna yulnayangna.”
11Dawan biriwi aput diyulna dai: “Manna manataihwi duduna dai, egipcio muihni balna amorreo, amonita, filisteo, 12sidonio, amalecitas, dawakat madianita, kaunah manna yang akat yayultanang, manalaihtik yaknayang dai. 13Kaput dai kaunah manna yaruhmta data dawan dauh ūk balna yakat yawanamana, kaput bahang wattik manalaihtik yaktasyang. 14¡Yawanauh dawan dauh balna yakta dunamana yakat ilp yultanauh! ¡Dawak witingna manalaihwi yakwarang!”
15Israel balna yuyulwa dai Dawan yakat: “Dutni yamna yangna. Yangna akat ais yamnin kultaman kaput yanayamtah, kaunah ¡kalma dinit yakat buktik yultayangna, yanalaihta yaktah waradika!” 16Dawak Israel balna, pa ūk daniwan dauh balna kidika bitik damumukna, Dawan yakat nawatwi aiwi witing yakat minitnayulnin yulni, kaput laih Dawan witing baisa talkih kalawasdai Israel balna kidika baisa wauhna atnin.
17Amonita balna kaluduhwi, Galaad yakat uiwi wawatna. Israel balna bik kaluduhwi Mizpa yakat uiwi wawatwa dai. 18Israel balna Galaad sauni yakat yalalahwadai kidika dawakat la as yayamwadai: wais tatuna duwi kalbauwarang bat, kidika alni tunan nuhni kana karang Galaad muihni balna bitik minitna yakat.
Currently Selected:
Jueces 10: SUMU
Highlight
Share
Copy
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
Jueces 10
10
Tola dawi Jair kabamintni
1Abimelec kaupak usnit kat, muih al ūk kalahwadai, Isacar sulani kaupak, Fúa walanibis Tola, Dodo mani, bahang adika alni yaklauna dai Israel laihwi yakna atnin. Tola yalahwa dai Samir tawanni yakat, Efraín asangni yakat, 2kurih 23 Israel kana dai, dauwakat Samir pāni kat nununa.
3Kidika usnitkat Jair yaklauna, Galaad kaupak dai kidika, kaput laih kabamint kana Israel yakat kurih 22. 4Jair walanibis 30 dai, bitik laih aras kikilwa dai, dawakat Galaad sauni yakat tawanni duduwa dai. Kidika tawanni 30 kidika warmani kat bik ban amanglawi “Jair tawanni nunuhni balna”.
5Jair dauwakat Camón pāni yakat nununa.
Amonita muihni balna Israel yakat taihwi duduna
6Kaunah Israel balna kidika watwi dutni yayamna Dawan minikpa yakat, dawak dawan dauh balna yakat minitnayuyulna, dawak Astarté yakat bik, kaput bik laih Siria daniwan, Sidón, Moab, Amón dawakat Filisteo balna daninawan dauh balna yakat bik. Dawan kidika dapapamna, witing yakat minitna yuyulwa kidika bik dadana dai 7Kidika bahang Dawan kulnin daukalwi filisteo, dawi amonita balna tingnina yakat diruhna dai. 8Kaput laih kurih 18 praisni filisteo balna dawak amonita balna bik Israel balna yakat ditataihna dai Galaad yakat yalalahwa dai kidika Jordán wasni nakas kau amorreo balna saunina yakat. 9Amonita balna kidika Jordán wasni dakyaklalana judá, Benjamín dawak Efraín niningyakat kalbauna atnin, kaput laih Israel balna kidika dutni palni kalalahna dai. 10Kaput dawakat, Israel balna Dawan yakat ilp yulna, aput yuyulna: “Papangkina, man nanang yakat dutni yamna yangna man marumhtik datik dawan dauh yakat mikitna yulnayangna.”
11Dawan biriwi aput diyulna dai: “Manna manataihwi duduna dai, egipcio muihni balna amorreo, amonita, filisteo, 12sidonio, amalecitas, dawakat madianita, kaunah manna yang akat yayultanang, manalaihtik yaknayang dai. 13Kaput dai kaunah manna yaruhmta data dawan dauh ūk balna yakat yawanamana, kaput bahang wattik manalaihtik yaktasyang. 14¡Yawanauh dawan dauh balna yakta dunamana yakat ilp yultanauh! ¡Dawak witingna manalaihwi yakwarang!”
15Israel balna yuyulwa dai Dawan yakat: “Dutni yamna yangna. Yangna akat ais yamnin kultaman kaput yanayamtah, kaunah ¡kalma dinit yakat buktik yultayangna, yanalaihta yaktah waradika!” 16Dawak Israel balna, pa ūk daniwan dauh balna kidika bitik damumukna, Dawan yakat nawatwi aiwi witing yakat minitnayulnin yulni, kaput laih Dawan witing baisa talkih kalawasdai Israel balna kidika baisa wauhna atnin.
17Amonita balna kaluduhwi, Galaad yakat uiwi wawatna. Israel balna bik kaluduhwi Mizpa yakat uiwi wawatwa dai. 18Israel balna Galaad sauni yakat yalalahwadai kidika dawakat la as yayamwadai: wais tatuna duwi kalbauwarang bat, kidika alni tunan nuhni kana karang Galaad muihni balna bitik minitna yakat.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998