Jueces 8
8
Gedeón yaklauwi Madián tatuna nunuhni balna yakat laihwi
1Efraín sulani balna ahanna Gedeón nining yakat, kat Gedeón Madián muihni balna kat witing yakat isningna pakwas dai kidika yulni. 2Kaunah aput nangnitna lana dai:
—¿Mana amanglatas manah yang yamnayang karak mana kauh baisa tanit yamna mana kidika? Manna binilah yamna mana kidika kau tanit nuhni kulna ki, yangna mahni yamnayangna karak. 3Papang tingnina yakat āna Oreb dawi Zeeb madián muihni balna taninatuna balna kidika. ¿Yang ais yamnayang, adika karak libitnin sip atnin kidika, manna yamnamana karak?
Efraín muihni balna Gedeón yulwak dakakana usnit kat, witing niningkau kulninna daukakalna.
4Gedeón, ahal andat bas dai yakarak uiwi Jordán wasni kidika dakyaklalana, waihninala balna uina manah disuhna bik ban kaput uiwi dakyaklalawi dai. 5Sucot pāni yakat kiwi, Gedeón di diyulna:
—Kalmana dinit yakat buktik yultayang, di apis diatanang kakaswang, yang karak aiwa muihni balna kidika, disuhlakna. Madián muihni balna tunan nunuhni Zeba dawak Zalmuna muihni balna kidika laihnin uidi mahaiwi.
6Sucot pāni kau tunan muihni balna kidika watwi biri aput yuyulna:
—¿Zeba dawi Zalmuna kidika laihnamana kat pah yangna di manaki bahang?
7Gedeón watwi biri diyulna:
—¡Dawan yaklauwi Zeba, dawi Zalmuna kidika yang tingki yakat āwak nawattik aiwaki usnit yakat manna muihmana kidika walang kau wakal ukuswa kidika kau dutik mana tirhna awaki!
8Yakaupak kalahwi Penuel yakat kiuna, sihm watwi yulna Sucot kau yulna dai kapat. Dawakat Penuel muihni balna bik sihm Sucot muihni balna yuyulna kapat yuyulna, 9Gedeón yaklauwi diyulna:
—¡Yang minit bayaktik aiwaki mani yakat, makau ilwa talamana pāni kidika tuk'lakpamki sau yakat!
10Zeba dawi Zalmuna karak bangdai Carcor pāni yakat, muih ahal kalbauyang tausin 15 balna karak kalpakna bangdai, kidika ahalni balna manah dai, bitik dadauna dai kalbauwi, bahang dadauna kidika laih tausin 120 dadauna dai Madián muihni balna. 11Gedeón awaihwi kiuna walang kung munah Noba dawi Jogbeha pāni balna makilwa nining munah, kaput laih isningna aiwas bangkat biri kalalahwi di kalbauna. 12Zeba dawi Zalmuna karak kalahwi kikirak Gedeón yaklauwi uiwi kuihwi laihna bahang kalbauyang muihni balna bitik laih yamaduduna.
13Gedeón witing kalbauwi nawatwi Heres munah#8.13 Heres munah: kaput kapat wirlana ki. Hibru kau laih puksani. bayakwi kaiwi, 14Sucot wahnimabin as laihwi yul kalyulwi dakana; kaput laih wahma bin dai kidika wauhtaya kau ulwi kalana Sucot yakat tatuna muihni balna 77 dawakat muih bararak balna ayangnina balna bitik libitwi ulwi kalana. 15Kaput laih Gedeón, Sucot muihni balna yakat aput diyulna:
—¿Manna ismangnakatwih, Zeba dawi Zalmuna yulni amput sarahni yayulnamana dai kidika? ¿Ismangnakatwih, lapakna manah yanasuhna dawak yuh daunayangna, kat di yultining yanatas data, yanayulnamana baisa laihtas mana kidika di manaki yah, yanayulnamana dai kidika? ¡Waralaih akat rauki yulna mana dai!
16Kaput laih Gedeón witing walang kau pan wakalni duwa kapatnah kau duwi diwisna dai Sucot muihni bararak balna yakat. 17Kaput laih Penuel kau mayak kilwi tatalwa pāni dai kidika tuk'lakpamna kaput bik kidika pāni muihni balna yakat laihwi ina. 18Usnit dawak Zeba dawi Zalmuna yakat diyulwi dakana:
—¿Tabor pāni kau muih ahal inamana kidika muih ampapatdaih?
Witingna yaklau yuyulwadai:
—Man kapapat dai dawak bik tunan nuhni as walanibis balna kapat dai bitik kau.
19Gedeón parasni sarahwi yulna:
—¡Yang wirahki balna! ¡Yang wirahki balna palni dai kidika imumukna! Rahm palni Dawan sangka sak kapat manna wanaihki balna itasmana dai kalaih, yang bik warmani manainik awasdai.
20Walanibis barakni Jeter yakat pakna:
—¡Lawa laihta imuktah!
Kaunah Jeter kidika baisa wahmabin dai kidika bahang witing isniparah yakat laihwas dai. 21Kaput dawak Zeba dawi Zalmuna karak kalyuyulwa dai Gedeón yakat:
—¡Man lawa yanaitah! ¡Muih al kidika amangnilana ki kulnin dadasni kidika manah!
Gedeón yaklauwi laihwi imukna, dawakat kianinamil balna dininamak kau alah yamni minit nuhni dai kidika kalyakwi duna. 22Kaput dawak Israel muihni balna yaklauwi yuyulna:
—Man lawa Madián muihni balna tingnina kaupak yanalaihta yaktada bahang man dawi wanaihma balna bitik yangna takina tuna awanauh.
23Kaunah Gedeón yaklauwi aput nangnitna lawadai:
—Yang dawi walakibis bik sip manna tamana tuna awas awanaki. Dawan yaklauwi tamana tuna kawarang. 24Yang di aslah manayultayang, ting-ānin balna dunamana kidika yatanauh.
Kidika gol ting-ānin balna duduwa dai waihninala balna, bahang kidika balna laih walang yakat yalalahwa dai. 25Israel balna, sau yakat asna as ripakwi, ting-ānin balna bitik asna minit yakat duwaiwi lakwi dawi Gedeón yakat kalyuyulna:
—Akat bangki.
26Gol ting-ānin balna kidika bitik kilo 19 tikini duwa dai, di ūk balna alah kapat asna pauni kapat, Madián tunan nuhni dukiwadai kidika laih libitwi kulwas dai, dawakat kiamil dinimak kau alalahna dai kidika bik kulwas dai. 27Kidika golni balna kau duwi sumalyang prakni naini kidika yamna dai Gedeón, bahang Ofra pāni yakat kana dai, witing tawanni nuhni kidika, dawak Israel balna bitik laih barangni awasdai Dawan yakat, kidika prakni yulni, kidika dini laih Gedeón niningyakat kallaihnin as dai, dawak wanaihni balna yakat bik.
28Kaput dawak Madián Israel kalni dinit yakat bubukna, dawakat watwi tunanina dulauwas dadana dai. Kurih 40 praisni Gedeón sangka dai yakat, kidika pāni kulnin aslah lani sakdai.
Gedeón dauna
29-30Jerobaal, ayangni ūk laih Gedeón, witing alas ūni duwi yalahna dawak walanibis yakna 70 duna dai yayal bik mahni duwa dai. 31Siquem pāni yak witing ialni as duwadai kidika kaupak walanibis as yakna ayangni pakna Abimelec.
32Gedeón muih barak kalwi dauwa kat papangni Joás sauni ū yakat nununa dai Ofra yakat, kidika Abiezer sulani bahna panina.
33Gedeón dauna usnit kat Baal balna yakat watwi minitna yuyulna, dawakat, witingna dawan dauh as duduna kidika ayangni laih Baal-berit. 34Papangnina Dawan kidika laih dinitna kahna dai witingna waihninala tingni kaupak didakyakna kidika muihni, 35biri dalani ditatalwasdai Jerobaal sulani balna kidika, yuldarang kat Gedeón, witingna niningna yakat yamni balna yamna dai kidika.
Currently Selected:
Jueces 8: SUMU
Highlight
Share
Copy
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
Jueces 8
8
Gedeón yaklauwi Madián tatuna nunuhni balna yakat laihwi
1Efraín sulani balna ahanna Gedeón nining yakat, kat Gedeón Madián muihni balna kat witing yakat isningna pakwas dai kidika yulni. 2Kaunah aput nangnitna lana dai:
—¿Mana amanglatas manah yang yamnayang karak mana kauh baisa tanit yamna mana kidika? Manna binilah yamna mana kidika kau tanit nuhni kulna ki, yangna mahni yamnayangna karak. 3Papang tingnina yakat āna Oreb dawi Zeeb madián muihni balna taninatuna balna kidika. ¿Yang ais yamnayang, adika karak libitnin sip atnin kidika, manna yamnamana karak?
Efraín muihni balna Gedeón yulwak dakakana usnit kat, witing niningkau kulninna daukakalna.
4Gedeón, ahal andat bas dai yakarak uiwi Jordán wasni kidika dakyaklalana, waihninala balna uina manah disuhna bik ban kaput uiwi dakyaklalawi dai. 5Sucot pāni yakat kiwi, Gedeón di diyulna:
—Kalmana dinit yakat buktik yultayang, di apis diatanang kakaswang, yang karak aiwa muihni balna kidika, disuhlakna. Madián muihni balna tunan nunuhni Zeba dawak Zalmuna muihni balna kidika laihnin uidi mahaiwi.
6Sucot pāni kau tunan muihni balna kidika watwi biri aput yuyulna:
—¿Zeba dawi Zalmuna kidika laihnamana kat pah yangna di manaki bahang?
7Gedeón watwi biri diyulna:
—¡Dawan yaklauwi Zeba, dawi Zalmuna kidika yang tingki yakat āwak nawattik aiwaki usnit yakat manna muihmana kidika walang kau wakal ukuswa kidika kau dutik mana tirhna awaki!
8Yakaupak kalahwi Penuel yakat kiuna, sihm watwi yulna Sucot kau yulna dai kapat. Dawakat Penuel muihni balna bik sihm Sucot muihni balna yuyulna kapat yuyulna, 9Gedeón yaklauwi diyulna:
—¡Yang minit bayaktik aiwaki mani yakat, makau ilwa talamana pāni kidika tuk'lakpamki sau yakat!
10Zeba dawi Zalmuna karak bangdai Carcor pāni yakat, muih ahal kalbauyang tausin 15 balna karak kalpakna bangdai, kidika ahalni balna manah dai, bitik dadauna dai kalbauwi, bahang dadauna kidika laih tausin 120 dadauna dai Madián muihni balna. 11Gedeón awaihwi kiuna walang kung munah Noba dawi Jogbeha pāni balna makilwa nining munah, kaput laih isningna aiwas bangkat biri kalalahwi di kalbauna. 12Zeba dawi Zalmuna karak kalahwi kikirak Gedeón yaklauwi uiwi kuihwi laihna bahang kalbauyang muihni balna bitik laih yamaduduna.
13Gedeón witing kalbauwi nawatwi Heres munah#8.13 Heres munah: kaput kapat wirlana ki. Hibru kau laih puksani. bayakwi kaiwi, 14Sucot wahnimabin as laihwi yul kalyulwi dakana; kaput laih wahma bin dai kidika wauhtaya kau ulwi kalana Sucot yakat tatuna muihni balna 77 dawakat muih bararak balna ayangnina balna bitik libitwi ulwi kalana. 15Kaput laih Gedeón, Sucot muihni balna yakat aput diyulna:
—¿Manna ismangnakatwih, Zeba dawi Zalmuna yulni amput sarahni yayulnamana dai kidika? ¿Ismangnakatwih, lapakna manah yanasuhna dawak yuh daunayangna, kat di yultining yanatas data, yanayulnamana baisa laihtas mana kidika di manaki yah, yanayulnamana dai kidika? ¡Waralaih akat rauki yulna mana dai!
16Kaput laih Gedeón witing walang kau pan wakalni duwa kapatnah kau duwi diwisna dai Sucot muihni bararak balna yakat. 17Kaput laih Penuel kau mayak kilwi tatalwa pāni dai kidika tuk'lakpamna kaput bik kidika pāni muihni balna yakat laihwi ina. 18Usnit dawak Zeba dawi Zalmuna yakat diyulwi dakana:
—¿Tabor pāni kau muih ahal inamana kidika muih ampapatdaih?
Witingna yaklau yuyulwadai:
—Man kapapat dai dawak bik tunan nuhni as walanibis balna kapat dai bitik kau.
19Gedeón parasni sarahwi yulna:
—¡Yang wirahki balna! ¡Yang wirahki balna palni dai kidika imumukna! Rahm palni Dawan sangka sak kapat manna wanaihki balna itasmana dai kalaih, yang bik warmani manainik awasdai.
20Walanibis barakni Jeter yakat pakna:
—¡Lawa laihta imuktah!
Kaunah Jeter kidika baisa wahmabin dai kidika bahang witing isniparah yakat laihwas dai. 21Kaput dawak Zeba dawi Zalmuna karak kalyuyulwa dai Gedeón yakat:
—¡Man lawa yanaitah! ¡Muih al kidika amangnilana ki kulnin dadasni kidika manah!
Gedeón yaklauwi laihwi imukna, dawakat kianinamil balna dininamak kau alah yamni minit nuhni dai kidika kalyakwi duna. 22Kaput dawak Israel muihni balna yaklauwi yuyulna:
—Man lawa Madián muihni balna tingnina kaupak yanalaihta yaktada bahang man dawi wanaihma balna bitik yangna takina tuna awanauh.
23Kaunah Gedeón yaklauwi aput nangnitna lawadai:
—Yang dawi walakibis bik sip manna tamana tuna awas awanaki. Dawan yaklauwi tamana tuna kawarang. 24Yang di aslah manayultayang, ting-ānin balna dunamana kidika yatanauh.
Kidika gol ting-ānin balna duduwa dai waihninala balna, bahang kidika balna laih walang yakat yalalahwa dai. 25Israel balna, sau yakat asna as ripakwi, ting-ānin balna bitik asna minit yakat duwaiwi lakwi dawi Gedeón yakat kalyuyulna:
—Akat bangki.
26Gol ting-ānin balna kidika bitik kilo 19 tikini duwa dai, di ūk balna alah kapat asna pauni kapat, Madián tunan nuhni dukiwadai kidika laih libitwi kulwas dai, dawakat kiamil dinimak kau alalahna dai kidika bik kulwas dai. 27Kidika golni balna kau duwi sumalyang prakni naini kidika yamna dai Gedeón, bahang Ofra pāni yakat kana dai, witing tawanni nuhni kidika, dawak Israel balna bitik laih barangni awasdai Dawan yakat, kidika prakni yulni, kidika dini laih Gedeón niningyakat kallaihnin as dai, dawak wanaihni balna yakat bik.
28Kaput dawak Madián Israel kalni dinit yakat bubukna, dawakat watwi tunanina dulauwas dadana dai. Kurih 40 praisni Gedeón sangka dai yakat, kidika pāni kulnin aslah lani sakdai.
Gedeón dauna
29-30Jerobaal, ayangni ūk laih Gedeón, witing alas ūni duwi yalahna dawak walanibis yakna 70 duna dai yayal bik mahni duwa dai. 31Siquem pāni yak witing ialni as duwadai kidika kaupak walanibis as yakna ayangni pakna Abimelec.
32Gedeón muih barak kalwi dauwa kat papangni Joás sauni ū yakat nununa dai Ofra yakat, kidika Abiezer sulani bahna panina.
33Gedeón dauna usnit kat Baal balna yakat watwi minitna yuyulna, dawakat, witingna dawan dauh as duduna kidika ayangni laih Baal-berit. 34Papangnina Dawan kidika laih dinitna kahna dai witingna waihninala tingni kaupak didakyakna kidika muihni, 35biri dalani ditatalwasdai Jerobaal sulani balna kidika, yuldarang kat Gedeón, witingna niningna yakat yamni balna yamna dai kidika.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998