Isaías 31
31
Egipto kau uiwi ilp wawalwa muihni balna niningna yakat
1¡Alakaih, kidika muihni balna uiwi Egipto yakat ilp wawalwa kidika,#Is 30:1-5.
dawak aras balna yakauh kulninna āwi duduwa kidika,
kaput bik kar duwa balna yakauh kulninna āwi duduwa kidika,
kaput bik aras mahni duduwa yakat bik kulninna āwi duduwa kidika,
kaunah Israel Papangni holi kidika yakat miniknapa wiryaklawi tatalwas ki,
Dawan yakat wawalwaski!#Pro 21:31; Is 30:16; Os 1:7.
2Kaunah witing bik kulnin sirihni ki, amanglawi amput dutni kalyamna atnin kidika,
dawak di as yulwa kidika kaupak watwi dangsawas ki.
Witing muih dutni niningna yakat yamwarang,
dawak muih dudutni balna yakat ilp diayawa balna yakat bik.
3Egipto muihni balna kidika ahal, dawan balna awaski;
dawak aninaras balna kidika muihni duwi, spirit awaski.
Dawan tingni dulauwi wah diawarang,
nanitdakyang balna dawak nanit dadakwa muihni balna bik laih bubukna karang,
witingna bitik laih dadauna karang papatni.
4Dawan yaklauwi yayulna:
“Layan as sīp īna kat
dawak bilnilalauwaski sīp maintalyang balna yaklauwi,
kalpakwi parasni sararahwarang bik,
kaput laih Dawan parasni nuhni duwa kidika kaiwarang,
witing tawanni kidika nanitdakna atnin Sayan asangni yakat.
5Uhubin askat uni minit yakat yaklauwi awaihwi nanitdakwa kapat,
Dawan bik yamna karang witing parasni nuhni duwa kidika, Jerusalén yakat;
maintalwarang, dawak laihwi yakna karang,
dawak nanitdakna karang.”
6Israel walanibis balna, manna nawatta aiwanauh,
dutni palni kalyulnamana muihni yakat.
7Manna bitik, kidika mani
ruhmta datanama kat, dawan dauh wayani
gol dawak lalah kau yamna mana kidika
manna tingmana kau,
8Asiria kidika isparah baini anan yakat bukna karang,
kaunah sau muihni tingni munah laih awaskarang.
Wār kidika yaklauwi yamwak muihni balna kidika kikirana karang,
dawak kalbauyang wawahma balna kidika laih laihwi warau lani yakat ahana karang;
9yamaduwa yulni laih, kingnina kidika kalahwi kirarang,
dawak yaihnitkau kalbauyang muihni nunuhni balna bangkidika bik witingna planinakin bik dadana karang.
Dawan yaklauwi kaput karangti,
Jerusalén kidika kuh dahlwa as duwi
witing waihnila balna kidika wah dianin.#31.9 Jerusalén kidika...wah dianin: barangni yulnin kat: Sayan kidika dahlwa yaringni as duwi dawak - horno - as duwi Jerusalén kidika.
Currently Selected:
Isaías 31: SUMU
Highlight
Share
Copy
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
