Isaías 12
12
Tingkih yulwi unbauna
1Kidika mani yuyulwarang:
“Tingkih matian Dawan,
yang karak kulnam daukalnaman karang bik,
kidika laih uman bayakkiuna,
bahang watta kulnin aslah kidika yānaman.
2Papang kuduh yaklauwi yalaihwi yakwa kidika;
witing yakat kulnik ānayang, bahang yamadutasyang.
Dawan kidika laih yang maldinik pāni,
dawak bik witing kidika laih yang paraski,
dawak bik yalaihwi yakyang.”#Ex 15:2; Sal 118:14.
3manna bik sip awanama yawa alasna dina atnamna
laihwi yaknin wasni yakat,
4kaput laih yuyulwarang:
“Tingkih kalatanauh, dawak Dawan ayangni kidika yultanauh,
kaput bik laih muih balna yakat diyultanauh witing di balna yamna kidika,
kaput bik isningna paktanauh di bitik minit yakat witing kidika manah ki.
5Dawan yakat unbautanauh, kat witing laih di nuhni yamna
bahang sau muihni balna bitik amanglanin ki.#Sal 105:1-2.
6Parasni sarahta alastanauh, Sayan muihni balna,
kat Israel Papangni maisihni dis kidika manna pasmangna yakat sak
bahang parasni nuhni bitik karak.”
Currently Selected:
Isaías 12: SUMU
Highlight
Share
Copy
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
