Oseas 6
6
Israel yulwi watwi Papang yakat kiuna atnin
1Manna bitik aiwanang nawatdi mawanang Dawan yakat.
Witing yaklauwi dutni maiyamna,
kauna witing yaklauwi watwi yamni maiyamwarang ki
ma muihki yakat maidakna
kauna kidika witing yaklauwi yamni maiyamwarang ki.#Job 5:18.
2Sirihni mamuihki yamni maiyamwarang ki,
maidulauwarang ki witing muhni tani yakat yamni yalahna atnin.
3¡Mayang Papang karak kaltalyang malahwanang!
Papang kidika mayang akat kaina karang rahm palni,
sihm mapiris ma kilwa kapat
dawak bik diwas sau yakat bukwi suihwa kapat kurih mani kat.
Papang yaklauwi nangnitnalawi
4Papang yulwi:
“¿Efraín, man yakat ais mayamki yah?
¿Judá, man yakat ais mayamki yah?
Manna yangkau dalani yatalamana kidika laih
sihm mapiris sau kau mukus bukwa kapat ki,
dawak bik payahlawarah diwas bukwa kapat ki.
5Kidika bahang, prapit balna munah pakting ihina dai,
dawak yang yulki munah bik inayang dai.
Yang laki barangni kidika awas yaringni kidika kapat ki.
6Yang manna kaupak di as dukih yawa kidika laih
manna yang kau dalani yatalnauh,
kauna yangkau sakripais busnamna laih awaski,#Mt 9:13; 12:7.
kauna yang adika Papang kapat yakultanauh,
sakripais laih awaski.#1 Sam 15:22; Pro 21:3; Am 5:22-24; Mi 6:6-8.
7“Kauna yang tawanki kidika Adán kapat ki,
yang ais diyulnayang yakat yayamwas ki,
yang niking kauh barangni awaski witingna kidika.
8Galaad muihni balna laih dutni yamyang balna,
witingna kalnina atatakna balna kidika laih ā manah ki.
9Sumalniyang balna kidika laih di mayang balna,
muih balna yakat tanina tahahawi laihwa atnin,
dawak laihwi iwi dutni yayamwi,
Siquem tani yakat.
10Israel muihni balna yakat talnayang di yamadangni kidika:
Efraín laih la bahna,
dawak Israel laih dutni kidika bitik witing yakat kallaihna.
11Judá man laih wah manik mani kidika yaknayang sakki.
“Yang tawanki Israel suerniti kidika satuk, wirlakuh tingkat,
Currently Selected:
Oseas 6: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
