Oseas 3
3
Oseas dawak yal as al suhlsuhl karak
1Papang yaklauwi watwi yayulna:
“Yawa yal as dalani kaltalah,
al ūk yaklauwi dalani kaltalna yalni yakat,
dawak bik al suhlsuhl muihni kat.
Papang kidika kapat dalani talwi Israel yakat,
witingna dawan dauh balna yakat wiryaklalawi,
dawak bik kidika kasnin kaupak kakaswa kauna”.
2Kaput laih yal as dunayang,
lalah dadasni salap minitkau singka minit,
dawak cebada batal andat bas minit kau muih as luih as minit kau salap.
3Kalyulnayang:
“Ma mahni laih yang diki awama;
ahal ūk karak kalpakwinih,
dawak yang bik man namang yakat barangni awaki”.#3.3 Dawak yang...barangni awaki: satuk wirlanin kat: yang bik man yaihmat yakat alangwas awaki.
4Ma mahni laih Israel balna kidika bangkarang king dis,
dawak tunan muihni dis, sakripais bik yayamwas karang,
sumalyang nunuhni balna praknina nuhni#3.4 Sumalyang nunuhni balna praknina nuhni: ispayul yulni kau laih efod. bik dis karang,
kaput bik dawan dauh bik dis karang witingna pasningna yakat.
5Adika usnit kat, Israel balna kidika nawatwi aiwarang,
dawak Papangnina wawalwarang,
kaput bik kingnina Devid bik wawalwarang.
Mani witni balna yakat,
Papangnina yakat aiwarang,
di yamni diawa bahang.
Currently Selected:
Oseas 3: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
