Oseas 12
12
1Efraín laih wing kidika kaswi, ma bitik yakat,
ma kilwa wingni kidika usnit yakat kiwi.
alas kidika baisa yulwi dawak kulnin parasni kidik baisa yamna ki,
Asiria karak pramis yamwi dawak Egipto yakat disala kalawi dauh.”
2Papang yaklauwi kalbilnin kidika Israel#12.2 Israel: kaput ulna kidika yamni ki. Hibru kau laih yulwi Judá. nining yakat yakna ki
Jacob tawanni yakat wah kalana karang ki dutni yamwa kidika yulni;
witing amput yamwa kidika kaput laih minit launa karang ki.
3Baisa batanh dawas kau, Jacob kidika wirahni#Gn 25:26. pāni duna dai,
kaput bik laih witing muihbarak kalna kat Papang karak kalbauna dai.
4Insal karak kalbabauna dawak minit bayakwak kaidi ilp yulna,
witing yakat minikun kaltalna atnin.#Gn 32:24-26.
Papang karak kalpapakna dai Betel#Gn 28:10-22. yakat
dawak witing karak yulbabauna dai.
5Papang di bitik sip kidika:
¡Witing ayangni kidika laih Papang!
6Kaput bahang Israel watta nawatta aiwah Papangma yakat;
man barangni lapakta,
dawak rahm kalkulta Papangma yakat.
7Papang yulwi:
“Canaán muihni balna kidika tingnina yakat paun duduwi,
muih tataihwa paunni kidika,
kat muih balna yakat dinina malkih diawa bahang.
8Efraín yulwi: ‘¡Di manas duyang kalnayang,
sau ritsni karak bik kalpakna yang,
kauna muih as bik yang yulki yulnin sip-awaski
yang minitkau latik dunayang kidika yulna, taihtik!’
9Yang man Papangma yang,
Egipto yakat sakman dai kidika yakaupak
wattik mayamting kat ū labanni yakat āwama,
mayang kauhmak wanilang kau kalpaknamayang dai kapat.
10“Yang prapit balna yakat yulbaunayang,
dawak amana talnin bik diating manas tatalna dai,
dawak witingna munah yul malni balna kau yuldibaunayang dai.
11Galaad yakat dawan dauh balna kidika bangki,
kidika laih dawan dauh palni ki.
Gilgal yakat turuh almuk kau sakripais yayamwi,
sakripais bubuswa pāni kidika laih kipala mahni uduhna,
asangpas kau kapat.”
12Jacob laih Aram sauni yakat kirana dai, dawak yakat witing yal as duna atnin yulni wark kalahna, sīp maintalwa dai.#Gn 29:1-20. 13Prapit as munah, Papang yaklauwi yakna dai Israel tawanni kidika;#Ex 12:50-51. ¡dawak prapit as munah mainditalna dai!
14Efraín muihni balna yaklauwi yayamwak Papang kulnin daukalna dawak tapalhni bik dakana.
Kidika bahang Papang yaklauwi yamwak dutni yayamna kidika minit lalauwarang ki,#12.14 Yaklauwi yamwak...lalauwarang ki: satuk wirlana yakat sipki aput yulnin: witing dauwarang kidika, alas salahni yakat ki.
dawak yamwak witingna minitna yakat bukna karangki dutni kidika.
Currently Selected:
Oseas 12: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
