Hibru 8
8
Pramis wisam kidika pasyakatJisas kana
1Di tanit nuhni yuldadika laih mayang masumalkiyang nuhni kidika laih makau kisang yakat kilwi yalahna, Papang tronni tingni palni yakat,#Sal 110:1. 2dawak sumalyang kapat warkni yamwi rahm holi pāni yakat, kidika laih Dawan yaklauwi yamna muih yamwaski.
3Sumalyang nunuhni balna bitik kidika laih pakna ki, minitdis dini dawak sakripais kidika bik yamwi kalana atnin, dawak kaput bahang Jisaskrais bik di as duwa atnin ki, duwi kiwi kalana atnin. 4Witing sau akat sakkatlaih, sumalyang bik atnin awaski, kat akat sumalyang balna bangki, Moses lāni kat minitdis dini duwi uiwa kidika. 5Kaunah adika sumalyang balna laih warknina yayamwi di balna kidika kau duwi, kidika laih wayani manah yayamwi, makau kisang kau sakkidika kaupak. Amangladi kidika laih kidika kaupak talwi yayamwi, kat Moses witing holi pāni as yamnin kulna, dawak Papang yaklauwi kalyulna: “Yamni talah, yang asang kaupak namangkaki kidika kaput yamma.”#Ex 25:40. 6Kaunah mayang masumalkiyang nuhni witing warkni balna duna kidika laih tanit yamni ki, kidika laih aslah kalahna yamni as pasyakat kana, dawak kidika kuduh pramis yamni yamna kidika.
7Tatuna aslah kalahna kidika yamni dai kat laih, watwi aslah kalahna bu kidika yamnin awasdai. 8Kaunah Papang talna dai kidika muihni balna laih barangni awasdai,#8.8 Papang talna dai kidika muihni balna laih barangni awasdai: tingkau ulna kidika laih yulwi: Papang yakna witingna niningna yakat laih barangni awasdai. (kidika pranimis). bahang yulna:
“Dawan yulwi: Mani balna kaiwarang
aslah kalahnin wisam as yamki
Israel dawak Judá kidika balna karak.
9Adika aslah kalahna laihmuihmanabararak balna yayamna kapat laih awas karang
tingnina yakat laihnayang dai
Egipto sauni kaupak yaknik yulni;
dawak witingna kidika yang aslah kalahninyamnayang yakat yamwasdadana,
bahang ruhmtik danayang, Dawan yulwi:
Yang lāki balna kidikawitingna kulninna yakat āki
dawak isningna yakat ulki.
Yang witingna Papangnina awaki
dawak witingna kidika yang tawanki balna karang.
10Aslah kalahnin Israel karak yamki kidika
kidika mani balna usnit yakat,
adika karang, Dawan yulwi:
Yang lāki balna kidikawiting kulninna yakat āki
witingna isningna yakat ulki.
Yang witingna Papangnina awaki
dawak witingna kidikayang tawanki balna karang.
11Nid awas karang biri biri,
pa aslah balna kidik awaskatkalwanaih karang bik biri birikalsumalnin
Dawan yakat talyang kalahnin kidika,
kat muih bitik amangkilalawarang bahang,
dibin kaupak nuhni kat.
12Dutnina kidika dating diswarang
dawak wattik kultas awaki, dutni kidika.”#Jr 31:31-34.
13Papang witing aslah kalahnin wisam as yulwa kidika laih, tatuna kidika umani kalna maiti, umani kalna kidika laih ting dawak dis karang.
Currently Selected:
Hibru 8: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
