Ezequiel 35
35
Prapit yulni yulna, Seir asangni kidika niningkauh
1Papang yang akat kaiwi yayulna: 2“Seir#Is 34:5-17; 63:1-6; Jr 49:7-22; Ez 25:12-14; Am 1:11-12; Abd 1-14; Mal 1:2-5. asangni yakat nawatta yawah, dawak yang ayangki kau duta witing nining yakat yulta. 3Dawak kalyulta:
‘Adika Papang yulwi:
Yultayang, yang laih man waihmalayang,
Seir asangni,
wah mana awaki kauhmak wanilang mayamki dawak madaukalpamki.
4Man tawanma nunuhni balna kidika bitik daukalna awaki,
dawak man laih walang kauhnimak kalna awama.
Kaput dawak watta amangkilana awama, yang adika Papangyang.
5‘Man laih Israel balna waihninala ban man kaput, dawak man lawa war diyamnaman dai witingna kidika dutni yayamna yulni wah duduwa mani balna dai yakat. 6Kauna yang Papangyang kat, yang sangkika kau yaktik yultayang, daunin yakat mahaki, dawak daunin kidika yaklauwi mauiwarang. Man dutni yamnaman#35.6 Man dutni yamnaman: grik kau kaput yulwi. Hibru kau, waihla kaltalnaman. kidika laih dauinin dini daunin, bahang daunin kidika yaklauwi mauina karang. 7Kauhmak wanilang mayamtik madaukalpamki, Seir asangni, dawakat datingkat muih as bik bayayakwas karang man munah. 8Yamki, man asangmana balna, sauma langni balna, wasma balna, kidika bitik muih dadauna manah bahnghlwarang war kau dadauwa kidika. 9Kauhmak wanilang mayamki ki ban kaput atnin, dawak muih as bik man tawanma nunuhni balna yakat yalalahwas karang. Kaput dawak amanglalawarang yang adika Papangyang.
10‘Man yulnaman: Israel sauni kidika yang diki kalna karang; yang witing daniwan awaki, Papang kidika pasyakat yalahwakarang bik. 11Kauna, yang Papang, yang sangkika kau yaktik yultayang, sihm kulnin daukalna dutaman kidika kau mayamki ki, tumnin lani dutaman dawak waihla talnin lani dutaman kidika Israel yakat, sihm kaput mayamna awaki. Yang wah maki yakat, witingna amangkilalawarang. 12Kaput dawak man talma, yang Papangyang, man Israel asangni balna yakat dutni yulnaman balna dai kidika bitik dakanayang. Man yulnaman: ¡Adika laih kauhmak wanilang as ki; waralaih sipki mayang malawi kasna atnin! 13Tampas wakahta niking kauh lawanaman, dawak tuma kidika yang nikingkauh yulna. Dawak yang dakanayang.
14‘Yang Papangyang kat adika yulni yultayang: Sau bitik alasna kalahwarang yang madaukalpamting kat. 15Man alasna dunaman dai, Israel witing sauni duna dai kidika daukalwakat, bahang sihm man bik kaput makalahna karang: man kidika kauhmak wanilang as kalma, Seir asangni, yuldarang kat Edom sauni. Kaput dawak amangkilatanama, yang adika laih Papangyang.’
Currently Selected:
Ezequiel 35: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
