Ezequiel 30
30
Egipto yakat wah kalana
1Papang, yang akat kaiwi yayulna: 2“Man, muih al, yang ayangki kau duta aput yulta:
‘Adika Papang yulwi:
Madah yakat sarahtanauh 3kat mahka uliswa bahang;
¡Papang mani kidika kaiwi uliswi!
¡Kidika mani laih mukus manah karangki,
ma dutni palni as nisan balna niningna yakat!#Is 13:6; Jl 1:15; Sof 1:14-18; Mal 3:2; Rib 6:17.
4War kaina karang Egipto niningyakat.
Dawak kidika yakat muih mahni iwi dawak ritsnina kidika mamalwi,
dawak Egipto kidika daukakalna karang rikni balna kau,
dawak Etiopía laih kalyukna karang.
5War yakat bubukna karang etiopía ahalni kalbauyang balna dawak Libia muihni balna,
kaput bik Lidia muihni balna bik, dawak Arabia sauni bitik yakat bik, Cub kaupak bik,
dawak tawan ūk ūk balna bik, nisan balna aslah kalalahna balna kidika bik.
6‘Adika Papang yulwi:
Egipto yakat ilp kalalawa muihni balna kidika laih war yakat dadauna karang,
Migdol kaupak Asuán kat.
Egipto parasni witing manah kapat kaldakawa dai kidika sau yakat bukna karang.
Yang Papangyang kat, yulki manatayang.’
7“Egipto sauni kidika tanit di dis kalna karang sau ūk balna karak dawakat, dawak tawanni nunuhni balna bik tanit daukalna karang. 8Yang yamtingkat sauni kidika dahlwi buswi daukalpamwarang ilp diayawa muihni balna bitik yakat, kaput laih watwi amangkilalawarang, yang adika Papangyang.
9“Egipto kidika wah dunin mani kiwi kawakat, kuma munah muih sihki ki uswi sahmuhna atnin, Etiopía muihni balna di as bik kulwi tatalwas balna kidika, bahang witingna laih muihsak dadauna karang. Kidika mani laih kiwi kanin manahki.
10“Yang, Papangyang kat yultayang: Babilon kingni Nebokatnesar yakat paktingkat Etiopía ritsni kidika daukalpamna karang. 11Witing kalbauyang muihni balna duwa kidika karak uiwarang, bahang kidika balna laih muih tanit dudutni ki, sauni kidika daukalna atnin. Witingna isninaparah kat kalbabauwarang, dawak panina kidika yakat muih dauna manah bunghdana karang. 12Yamtingkat Nilo wasni kidika buhlakna karang, dawak sauni kidika muih dudutni balna tingnina yakat āki, muih pa ukkaupak aina muihni balna tingnina yakat ātingkat daukakalwarang, paskau di bangkidika bitik. Yang Papangyang kat yultayang.
13“Yang Papang yang kat yultayang:
dawan dauh balna kidika bahtikdis yamki,
dawak Menfis daniwan dauh alas muihni kidika bik daukalmukki.
Egipto kidika yakat muih as bik diskarang king kana atnin,
dawak sauni kidika bitik laih yamadunin manah yamna awaki.
14Egipto kau wadah niningkauh kidika laih daukalpamki ki,
Zoán kidika kuhkau busna awaki,
dawak Tebas niningyakat bik la yamna awaki.
15“Kulnik daukalna kidika Sin minit yakat sihna awaki, Egipto parasni kidika, dawak Tebas ritsni balna kidika daukalki. 16Egipto kidika kuhkau busna awaki, dawak Sin kidika nawatna karang dalani karuk; dawak Tebas kau daklana yakat kuhrwi ahlwarang, dawak Menfis kidika laih madah palni witing yakat uiwi kalbabauwarang. 17On dawak Bubastis wawahnima balna kidika laih war kau dadauna karang, dawak muih ūk balna kidika laihwi silak ahana karang. 18Egipto parasni kidika daukalpamki dawak dahn yamki, kidika kau witing manah kapat kaldakawadai kidika, Tafnes yakat ma kidika puksani lakna karang, mukus as Egipto yakat muklakna karang, dawak tawanni nunuhni muihni balna kidika laihwi silak kau duwi uina karang. 19Yang lawik Egipto lani kidika yamki, dawak kaput laih yang adika amangkilalana karang Papangyang kidika.”
20Kurih salap minitkau as laihwak, kaupak waiku tatuna kidika kaupak ma tiaskaubu yakat, Papang yang akat kaiwi yayulna: 21“Yang lawik Egipto kingni fero tingni bahnayang, dawak muih as bik laihwi sitwi kalawas ki, watwi parasni duwi isparah kidika laihna atnin. 22Kidika bahang Yang, Papangyang kat yultayang: Egipto kingni fero kidika witing karak waihlayang. Tingni bupak bahna awaki, tingni yamni kidika dawak uman bahna dai kidika bik, dawak yamtingkat isparah kidika witing tingni kaupak bukna karang. 23Egipto muihni balna kidika kalating ruhwi kiwarang nisan balna pasningna yakat, dawak sau ūk balna yakat. 24Parasni kalana awaki, Babilon kingni tingni kidika, dawak yang iskiparah kidika witing tingni yakat āki. Dawak fero tingni balna kidika bahki, dawak witing dalani wauhwarang waihnila muhni yakat. 25Babilon kingni tingni kidika yakat parasni kalaki, dawak fero tingni kaupak parasni kidika dakyakki. Yang iskiparah kidika Babilon kingni tingni yakat ātingkat witing dulauwarang Egipto niningyakat, kaput laih watwi amangkilalana karang yang laih Papangyang. 26Egipto muihni balna kidika sihting uiwarang nisan balna pasyakat, dawak sau ūk balna yakat, kaput dawak laih watwi amangkilalawarang, yang adika Papangyang.”
Currently Selected:
Ezequiel 30: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
