Ezequiel 26
26
Prapit yulni yulna Tiro nining yakat
1Kurih salap minitkau as laihwi, dawak waiku tatuna kidika, dawak ma as laihwa yakat, Papang yang akat kaiwi yayulna: 2“Tiro#Is 23; Jl 3:4-8; Am 1:9-10; Zac 9:1-4; Mt 11:21-22; Lc 10:13-14. yulna Jerusalén yulni:
‘¡Nisan balna pasyakat di wauhwi bakanyang balna dūrnina kidika bahwi bikisni kalna!
¡waralaih yang ma ki kiwi kana!
Ritsni balna kidika yabungdana kauna witing laih di dis daukalna.’
3“Kidika bahang yang Papangyang kat yultayang:
Tiro, mayultayang, yang laih man waihmala yang.
Yamtingkat nisan balna manas man namangyakat yaklalauwarang,
sihm kuma lalamwi dulauwa kapat,
4dawak man daklanaman balna kidika babahna karang,
kaput bik makau kilwi maintatalwa pāni balna kidika tuklalakna karang.
Man pama kaupak sau yahamni balna kidika bitik bittik yakki,
dawak kipala nuhni aslah dasakki,
minit kidika di dis salaini karang.
5Kuma papus yakat watna karang,
waspa dini lalaihwa dini balna kidika buhnin pāni kapat.
Yang Papangyang kat yultayang.
Tiro dini balna kidika nisan balna yaklauwi duduna karang,
6witingna panina balna minit yakat isparah baini kidika bukna karang.
Kaput dawak watwi amanglalawarang, yang adika Papangyang.
7“Yang Papangyang kat yultayang:
Tingpal niningkaupak yulting kaiwarang Babilon kingni Nebokatnesar kidika,
king as tanit parasni kidika,
Tiro niningyakat kalbauna atnin.
Aras kau kaiwarang, kar kau kaiwarang dawak aras kau kilwi kalbauyang balna balna bik duaiwarang,
kalbauyang muihni balna mahni bik duwi kaiwarang.
8Isparah kau man tawanma kidika daukalna karang;
dawak yaihmat awaih yakat daklana karang,
dawak sau uhwak bang-ilwak kidika munah kilwi makalbauna karang,
dawak namangyakat kalbauyang balna nanitna daknin duwa balna kidika sihwak kawi uiwarang.
9Dawak daklanaman balna kidika,
kalbaunin dini nunuhni kau duwi niningyakat kalbabauna karang,
dawak ayan kau duwi makau kilwi maintalwa pāni balna kidika babahna karang.
10Babilon kingni kidika man dūrma munah kawarang,
sihm tawanni nuhni as isning-aiwas kat kawi duduwa kapat,
aras balna kidika mahni karang,
bahang kalnina kau sau yahamni dulalauwa kidika mamat yakat uhna karang;
daklanaman balna kidika isihna karang,
kar balna dawak aras balna kikirak parasni yulwa kidika yulni;
11witingna aninaras balna kidika tawanma paskau ta balna kidika atatakna karang.
Tawanma muihni balna kidika isparah kau ihina karang,
dawak uma rahni pararasni balna kidika tuk'lalakna karang.
12Ritsni balna kidika dis madadawang,
dima balna bitik mamalwarang,
daklana balna kidika tuklalakwarang,
dawak uma yaksinh balna kidika tuklalakna karang;
kinipala balna kidika kuma yakat ruruhmna karang,
dawak panan bahwi uhna balna kidika bitik.
13Kaput laih, man unbautang parasni yulwa kidika dahnkalna karang,
kaput bik unbauwi paswi yakisdinin dina balna kidika bik dakas daki.#Rib 18:22.
14Kipala as minit yakat didis kapat mayamki,
pa as kat waspa dini laihnin dini balna ilwi mabuhnin pāni kapat,
dawak watwi laihwi dulauwi yayamwas karang.
Yang, Papangyang kat yulbaunayang;
yang Papangyang kat yultayang.
15“Yang Papangyang kat kalyultayang Tiro yakat: Kuma paskau muihni balna man buknaman kidika dakakawarang kat diyukwarang, muihnina dihina balna kakaida kidika dawak muih balna ihina kidika balna bik. 16Kuma paskau king balna kidika bitik tronnina kaupak yaklalakna karang, dawak praknina balna bik yayakna karang; muihsak dauwi sau yakat yalalahna karang, awar bitik yakat diyukna karang man yakat matalwi. 17Kaput laih dauwak unbabauwa kidika unbabauna karang:
‘¡Ampat madaukalpamna yah, amput distadah#26.17 Distadah: grik kau laiha kaput ulna. Hibru kau laih asakna. kuma kaupak,
tawan nuhni ayangma nuhni dai kidika!
¡Man, dawak muihma balna karak parasma nuhni dutaman dai kuma yakat,
kidika sauni nuhni#26.17 Sauni nuhni: kaput ulna kidika yamni kapat ki. Hibru kau laih yulwi muihni balna. bitik yakat yamadunin kidika dahnaman dai!
18Waralaih buknaman bahang,
kuma kau muih balna kidika bitik yamaduduwi.
Waradika laih pini disnaman bahang,
kuma kau sau wirni balna kidika bitik yamaduduwi.’#Rib 18:9-10.
19“Ampadawak kaput yultayang, yang Papang: Madaukalpamki, tawan nunuhni balna kau muih as bik yalalahwas kapat. Yamtingkat kuma was tuhni kidika mamatyakat saramna karang, 20dawak ayawama tuhni kau dauna balna bangyakat, sara mani muihni balna. Dawak bik sau kudungni tanit tuhni yakat mahaki, daukalna ban kaput atnin pāni yakat, dawak dadauna balna karak yalahma. Dawak watta muih dutas awama, dawak watwi bik malaihwi mayamwas karang#26.20 Watwi bik malaihwi mayamwas karang: grik kau kidika kaput ulna. Hibru kau laih yaksinh yamna awaki. kidika sauni yakat yalahyang balna kidika. 21Di wayakani dutni yakat mawirlaki, dawak disma. Mawawalwarang, kauna watwi mayayakwas karang.#Rib 18:21. Yang Papangyang kat yultayang.”
Currently Selected:
Ezequiel 26: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
