Ezequiel 15
15
Israel kidika libitna ki wain dutni kapat
1Papang, yang yakat kiwi yayulna:
2“¿Angdika tanit yamni yah, wain panani saran kidika, kidika-awas kat pan as balna kidika?
3Panani saran manah kidika ilp diski.
¡Prak alahnin dini kidika bik yamnin sip-awas ki!
4Ilp diski, kauna kuh binina manah laih.
Dawak sutni balna kidika yakat kuh buswakat,
bani papus kidika laih kuhusmak manah ki,
¿Ais as ilp yah?
5Karauni kauna sakdai yakat ilp as dis dai,
¡waralaih kau kuihwas ki busyamna kidika,
sipyah di as ilp atnin!
6“Kidika bahang, yang, Papangyang kat yultayang:
Wain panani manah kuh yakat ruhm'ahawa kapat busna atnin,
sihm kaput bik, Jerusalén muihni balna kidika kuh yakat ruhm'āna awaki.
7Yang, witingna waihninala alahwaki.
Kuhpau as kau sip karang kiri yaklanin,
kauna kuhpau ūk kidika yaklauwi busna karang.
Yang witingna waihninala alahwaki kat,
manna amangkilatanama, yang adika Papangyang.
8Saumana kidika, walang kauhnimak yamna awaki,
yang yulki kat yamtas mana dai bahang,
yang, Papangyang kat yultayang.”
Currently Selected:
Ezequiel 15: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
