Colosas 2
2
1Dukih yawi manna amanglanamna, manna yulmana parasni kalbautayang, Laodicea#Rib 3:14-22. balna yulnin dawak ūk balna yatatalwas balna kidika yulnina bik. 2Yang kalbautayang witingna kulninna dulaunin yulni, kaput laih dalani lani yakat aslah atnin, dawak di amanglanin barangni kidika manawak Papang warkni balna malni kau kidika namangna kanin, bahang kidika laih Krais yakat sakki;#2.2 Papang warkni balna malni kau...Krais yakat sakki: tingkau ulna kidika yulwi: Papang dawak Krais, witingna di malni kau duduwa kidika. 3kat witing yakat kuduh sins tuhni dawak amanglanin kidika bik duwa sakkidika. 4Adika laih manna yakat manayultayang, bahang muih as bik yul dauh balna kidika kau alas manayulnin awas yulni. 5Yang muihki nuhni adika manna karak awasyang kaunah, spiritki kau laih manna karak yang, dawak alasnayang manna yamni mana kidika yulni, dawak Krais yakat kasak kultamana kidika yulni bik.
Krais yakat sangnika wisam as
6Kaput bahang, Jisaskrais kidika manna Damanawan kapat dunamana, bahang Krais dini balna amput kidika kaput atnamna ki, manna bik, 7rikmana kidika witing yakat pasluihni anamna ki, witing yakat atnamna ki kasak kulnin karak, manasumalna kaput, dawak nining ban kaput Papang yakat tingkih kalyulnin.
8Amungtalnauh, datanangkat manaduwi kiunin awaski, yul dauh balna kau alas manayulnin yayamwa kidika, witingna laih Krais yakat wawalwaski, kaunah muih kulnin kidika wawalwi, dawak adika sauni parasni duwa yakat wawalwi.#Gal 4:3,9.
9Kat Papang kidika bitik laih lāih palni ki Krais yakat, 10dawak witing yakat Papang parasni kidika bitik kalawi, kat Krais laih spirit duwa balna dawak parasni duduwa balna kidika bitik taninatuna. 11Dawak witing munah manna Papang sainni dunamana, kaunah muih al yaklauwi Papang sainni yamwa kapat laih awaski, kaunah mayang Krais karak kalpakdak Papang sainni mayawa kidika, dawak mamuihki dutni yamwa kidika bitik dapamnin. 12Was manautuh'yakwak, manna laih Krais karak mananuna ki, dawak bik witing karak dauna kaupak watwi manadulauna,#Rom 6:4. kat Papang parasni yakat kulnamana bahang, watwi dauna kaupak manadulauna. 13Manna, ma ūk balna yakat, spirit niningkauh laih daunamana dai, dutni yamnamana kidika yulni, dutni yamtamana kidika kaupak dakta alahwasmana dai bahang; kaunah waralaih Krais karak manalibitwi sangmanaka manana,#Ef 2:1-5. dawak dutmana balna bitik dāwak disna. 14Papang yaklauwi, mayang tras dudadai kidika bitik dauh yampamna, kidika yaklauwi maitaihwadai kidik; kidika laih pan prihni yakat pawi dispamna. 15Papang yaklauwi spirit parasni balna kidika bitik dakyakna, dawak Krais munah#2.15 Krais munah: satuk wirlanin sipki: pan prihni yakat, Krais. sau yakat lakmukna, muih bitik muhnina yakat silak kau duwi kiuna, witing minit bayakna mani kat.#Ef 2:15.
Makau kisang dini balna kidikwaltanauh
16Kaput bahang, muih as bik dutni yamtanangkat yulmana yulnin awaski, yuldarangkat alasna mani balna, waiku wisam mani, kidika awasbik yakurupdinin mani#2.16 Yakurupdinin mani: kidika laih satadi mani. satni balna kidika.#Rom 14:1-6. 17Adika bitik laih puksani as kaiwarang kidika yulni, kaunah di as rahm kidika laih Krais. 18Datanangkat dutni yakat manatuk'anin awaski, muih limahni kapat yayamwa balna kidika yaklauwi, dawak kidika balna laih insal balna yakat prininaias yayamwi, dawak bik amana kapat bik tatalwi atwi, dawak witingna manah kapat kaldakakawi sinsnina lani duduwa kidika yulni. 19Witingna laih tunan karak libitni awaski, kidika yaklauwi yamwak muihni bitik barakwa kidika di bayahwak, dawak muihni pīsni balna kidika libitnin Papang warkni yamnin kulwa kaput.#Ef 1:22; 4:15-16.
20Manna laih Krais karak daunamana,#Rom 6:6-11; Gal 2:19-20. bahang adika sauni parasni kidika laih manalaihwaski. ¿Bahang amput dawak adika sauni muihni balna kapat yalahdamanah, kidika lani dinit yakat manah: 21“Adika laihwinih, kidika kaswinih, tingma balna kidika laihwinih”? 22Adika lani balna bitik laih talnin karangki yus yayamwa kidika, kidika laih muih kulnin lani manah ki. 23Rahm kidika laih, adika dini balna adik sins tuhni duwakapat ki, kat Dawan lani kapatki, kat limahni atnin bik yulwi, mamuihki nuhni kidika wark parasni ānin, kauna kidika dini balna laih muih as bik rispik kalawas ki, kat kidika laih mamuihki nuhni dukih kalawa kidika manah kalawa bahang.
Currently Selected:
Colosas 2: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
