Amós 3
3
Prapit warkni yamnin kidika
1Israel balna dakanauh, Papang tawan as Egipto kaupak yakna yakat aput kalyulwa kidika:
2“Manna manah manawaltik yaknayang,
sau akat tawan balna bangkidika paskaupak.#Dt 7:6.
Kidika bahang man kau mayulnik karang ki
dutma bitik yamnaman kidika yulni.”
3Manna muih bu kalpakta lapaktamana kidika tanka laih kulnamna kidik kapapatki;
4layan kidika asangpas yakat ihwi,
kat witing di as laihna bahang;
layan bin kidika urkwi pāni sulihni yakat,
kat witing di as laihna bahang.
5Uhu kidika sau yakat bukwi,
kat laihnin dini as sakbahang;
laihnin dini sau yakat bukwa kidika tanka laih umna di as laihna;
6trumpit kidika tawan pasyakat puhwakat muih balna kidika kiri yaklalauwi;
tawan pasyakat di dutni as kalahwa kidika laih Papang yaklauwi sihwa bahang.#Job 2:10; Is 45:7.
7Papang kidika di as bik yamwas ki,
baisa pranipit balna yakat niningnakawas tanit yakat.#Gn 18:17-19; Jr 7:25; Dn 9:10.
8¿Wais kidika yamaduwasyah layan ihwak?
¿Wais kidika Papang ayangni kau yulwas yah,
witing yaklauwi pakwakat?#Jr 20:9; 1 Kor 9:16.
Samaria bahwi disna
9Manna Asdod kingni uni balna yakat lawa yultanauh,
dawak Egipto yakat king uni balna yakat bik:
“Samaria asangni balna yakat aiwanauh;
dawak talnauh kidika pasyakat di pini manah kidika,
dawak kidika pasyakat kalbaunin lani manah wawauhna kidika.”
10Papang yaklauwi yulwi:
“Witingna barangni atnin kidika sip awaski;
witingna kingnina ūnina balna yakat
muih kaupak taihwi dinina dakyayakna kidika puwi duduwi.”
11Kaput bahang, Papang aput yulwi:
“Dutni makulwa muihni as yaklauwi kidika sauni yak awaihdakwarang,
tamat daknam parasni balna kidika bahwidis yamwarang,
dawak kingma ūnipas kau di bangkidika bitik duwi uiwarang.”
12Papang aput yulwi:
“Sīp maintalyang as, layan tinpas kaupak sīp kalni bik,
awaskat tapan sutni manah bik laihwi yakwa kapat,
kaput Israel muihni balna Samaria kau bangkidika kiri yaklalawarang,
kidika muihni balna Damasco kau yalahnin pāni yudutni yamni kau yalalahwa balna kidika.”#3.12 Kidika muihni balna Damasco...balna kidika: kaput wirlana kidika yamni ki. Hibru kau laih amangladas ki.
13Papang parasni nuhni duwa kidika yulwi:
“Manna dakanauh dawak, Jacob tawanni yakat yul balna kidika di yultanauh,
14kat angdika mani yang lawik Israel witing dutni yamna kidika minit kalyulki yakat,
Betel#2 Re 23:15. kau sakripais busnin pāni balna kidika bitik dis yamki;
sakripais busnin pāni tamni balna kidika dakna karang,
dawak sau yakat bukwarang.
15Wasma dawi kurih uni balna kidika bitik disyamki,
ilipan anan kau ū yamna balna kidika bitik bahtik dis yamki,
dawak king uni balna bitik bik daukalmukki.”
Papang kaput yulwi.
Currently Selected:
Amós 3: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
