Apastil Balna Warknina 25
25
Pal Festo muhni yakat
1Festo kidika kiwi kana kabamint warkni kidika mahka tingni yakat duna atnin, kidika kaupak ma bās kat witing Cesarea kaupak Jerusalén yakat kiuna. 2Dawak kidika yakat, sumalyang balna taninatuna, ju balna nuhni dikukulna karak kalpakwi Pal niningyakat yuyulna. 3Witingna kalyuyulna, kulninna lani yamna atnin, pakwakat Pal kidika Jerusalén yakat duwi kiuna atnin. Witing yayamna kidika laih ta bamak yakat ina atnin; 4kaunah Festo yulna Pal laih ban silak yakat sakkarang Cesarea yakat, dawak witing palni kulwi naini awaskat kidika yakat kiunin. 5Diyulna:
—Kidika bahang, manna lā muihni balna dutamana kidika yang karak uinin ki Cesarea yakat, kidika alni di dutni as yamna kat, yulni yaktanama yakat.
6Festo kidika ma tiaskaubās sakdai Jerusalén yakat, kidika usnit kat Cesarea yakat kiuna. Payahwakat la yamwa pāni yakat yalahna, dawak dipakna Pal kidika yakwi duwi kiunin. 7Pal kiwi kana, dawak Ju balna Jerusalén kaupak uina dai kidika yaihnit yakat uiwi Pal niningyakat yul dutni manas yulni yayakna, kaunah kidika balna bitik laih sip lāih kalahwasdai. 8Pal, witing tanit dakwi yulna:
—Yang di dutni as bik yamtasyang, lā niningyakat, ju balna niningna yakat, makatyulnin ūni niningyakat, dawak Roman kingni tanit nuhni niningyakat bik.
9Kauna Festo kidika ju balna karak yamni atnin yulni, Pal yakat kalyulwi dakana:
—¿Jerusalén yakat yawinin kultamahn, man lama adika yakat yamnin?
10Pal yaklauwi nangnitlana:
—Roman kingni tanit nuhni la yamwa muhni yakat sakyang, kidika yakat laki yamnin ki. Man yamni amanglataman, ju balna niningna yakat dutni as bik yamtasyang. 11Yang di dutni as yamnayang kat daunin dini, dikah yultas awaki daunik kidika; kaunah yulki yayakwa balna kidika rahm awaskat, muih as bik rahmni duwaski witingna tingnina yakat yahanin. Yultayang, king tanit nuhni kidika laki yamwang.
12Kaput laih Festo witing yul sumalyang balna duwasakyakat yulwi dakana usnit kat kalyulna:
—King tanit nuhni kidika laki yamwang atnaman bahang, witing yakat yawama.
Pal, king Agripa muhni yakat
13Ma as as bayakwak, king Agripa dawak Berenice karak uina Cesarea yakat, Festo yakat parasna atnin. 14Kidika yakat ma manas wawatna dai bahang, Festo yaklauwi kalyulna Pal yulni kidika:
—Akat al as sakki silak kau, kidika Piliks yaklauwi dawi kalahwi kiuna. 15Jerusalén yakat yawanayang kat, sumalyang balna taninatuna dawak ju muihbararak balna karak kalpakwi, witing niningyakat yul yuyulna, yayuyulna daunin yakat wirlana atnik. 16Yang lawik nangnitnalanayang, Roman lani laih muih as bik daunin yakat wirlawaski, yulni yuyulwa muihni balna karak muhnina libitwas tanitkauh, dawak bik yulni yayakwa muihni kidika tanitdakwas tanitkauh. 17Kidika bahang, witingna akat aina kat, mahka la yamnin sinini yakat yalahnayang dawak paktingkat kidika alni duahaina. 18Kaunah yulni yakyang balna kidika witing niningyakat yuyulwasdai, yang kulnayang kaput. 19Witing niningyakat yuyulwa kidika laih daninawan lani kidika tanka yuyulna, dawak al as dauna, ayangni Jisas, bahang Pal laih yulwi sangka ki. 20Yang amanglatasyang bahang adika lani amput yamnin kidika, Pal yakat kalyultik dakanayang, witing Jerusalén yakat kiunin kulwapa lani adika yamnin yulni. 21Kaunah witing yulna, king tanit nuhniman kidika, witing lani yamma, kaput bahang yang lawik silak yakat danayang masihki kat.
22Kaput dawak Agripa yaklauwi Festo yakat kalyulna:
—Yang bik kidika alni kaupak dakakih yawi.
Dawak Festo yaklauwi nangnitlana:
—Yahan mani dakama.
23Payahwak Agripa dawak Berenice karak uiwi kakana king lani kat risnipik nuhni karak, kalbauyang balna taninatuna balna karak, dawak tawan nuhni paskau muih balna nuhni dikukulna balna kidika karak bik. Festo yaklauwi pakwak Pal kidika duwi uina, 24dawak yulna:
—King Agripa dawak muih ūk balna bik bangmana adika kaluduhna akat: adika alni akat sakki. Ju balna bitik witing niningyakat yul duahaiwi yang akat, Jerusalén yakat dawak Cesarea akat bik, dawak bik dadawaski sararahwa kidika, adik alni daunin; 25kaunah yang talayang kidika laih witing di dutni as bik yamwaski daunin dini. Kaput kaunah, witing silp yulna man lawa lani kidika yamma, king tanit nuhniman kidika, bahang kulnayang masihnik. 26Kaunah, di lāih as disyang bahang dakiwan king tanit nuhniman yakat, adika alni yulni, manna muhmatna yakat duaitayang, baisa tanit kidika man muhma yakat, king Agripa, kalyulta dakama usnit kat yang sip awaki ulna atnik. 27Kat yamni awas kapat ki, silak muihni as sihnin, dawak di as bik yulwas atnin kidika muihni ais yulni yayakwa kidika.
Currently Selected:
Apastil Balna Warknina 25: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
Apastil Balna Warknina 25
25
Pal Festo muhni yakat
1Festo kidika kiwi kana kabamint warkni kidika mahka tingni yakat duna atnin, kidika kaupak ma bās kat witing Cesarea kaupak Jerusalén yakat kiuna. 2Dawak kidika yakat, sumalyang balna taninatuna, ju balna nuhni dikukulna karak kalpakwi Pal niningyakat yuyulna. 3Witingna kalyuyulna, kulninna lani yamna atnin, pakwakat Pal kidika Jerusalén yakat duwi kiuna atnin. Witing yayamna kidika laih ta bamak yakat ina atnin; 4kaunah Festo yulna Pal laih ban silak yakat sakkarang Cesarea yakat, dawak witing palni kulwi naini awaskat kidika yakat kiunin. 5Diyulna:
—Kidika bahang, manna lā muihni balna dutamana kidika yang karak uinin ki Cesarea yakat, kidika alni di dutni as yamna kat, yulni yaktanama yakat.
6Festo kidika ma tiaskaubās sakdai Jerusalén yakat, kidika usnit kat Cesarea yakat kiuna. Payahwakat la yamwa pāni yakat yalahna, dawak dipakna Pal kidika yakwi duwi kiunin. 7Pal kiwi kana, dawak Ju balna Jerusalén kaupak uina dai kidika yaihnit yakat uiwi Pal niningyakat yul dutni manas yulni yayakna, kaunah kidika balna bitik laih sip lāih kalahwasdai. 8Pal, witing tanit dakwi yulna:
—Yang di dutni as bik yamtasyang, lā niningyakat, ju balna niningna yakat, makatyulnin ūni niningyakat, dawak Roman kingni tanit nuhni niningyakat bik.
9Kauna Festo kidika ju balna karak yamni atnin yulni, Pal yakat kalyulwi dakana:
—¿Jerusalén yakat yawinin kultamahn, man lama adika yakat yamnin?
10Pal yaklauwi nangnitlana:
—Roman kingni tanit nuhni la yamwa muhni yakat sakyang, kidika yakat laki yamnin ki. Man yamni amanglataman, ju balna niningna yakat dutni as bik yamtasyang. 11Yang di dutni as yamnayang kat daunin dini, dikah yultas awaki daunik kidika; kaunah yulki yayakwa balna kidika rahm awaskat, muih as bik rahmni duwaski witingna tingnina yakat yahanin. Yultayang, king tanit nuhni kidika laki yamwang.
12Kaput laih Festo witing yul sumalyang balna duwasakyakat yulwi dakana usnit kat kalyulna:
—King tanit nuhni kidika laki yamwang atnaman bahang, witing yakat yawama.
Pal, king Agripa muhni yakat
13Ma as as bayakwak, king Agripa dawak Berenice karak uina Cesarea yakat, Festo yakat parasna atnin. 14Kidika yakat ma manas wawatna dai bahang, Festo yaklauwi kalyulna Pal yulni kidika:
—Akat al as sakki silak kau, kidika Piliks yaklauwi dawi kalahwi kiuna. 15Jerusalén yakat yawanayang kat, sumalyang balna taninatuna dawak ju muihbararak balna karak kalpakwi, witing niningyakat yul yuyulna, yayuyulna daunin yakat wirlana atnik. 16Yang lawik nangnitnalanayang, Roman lani laih muih as bik daunin yakat wirlawaski, yulni yuyulwa muihni balna karak muhnina libitwas tanitkauh, dawak bik yulni yayakwa muihni kidika tanitdakwas tanitkauh. 17Kidika bahang, witingna akat aina kat, mahka la yamnin sinini yakat yalahnayang dawak paktingkat kidika alni duahaina. 18Kaunah yulni yakyang balna kidika witing niningyakat yuyulwasdai, yang kulnayang kaput. 19Witing niningyakat yuyulwa kidika laih daninawan lani kidika tanka yuyulna, dawak al as dauna, ayangni Jisas, bahang Pal laih yulwi sangka ki. 20Yang amanglatasyang bahang adika lani amput yamnin kidika, Pal yakat kalyultik dakanayang, witing Jerusalén yakat kiunin kulwapa lani adika yamnin yulni. 21Kaunah witing yulna, king tanit nuhniman kidika, witing lani yamma, kaput bahang yang lawik silak yakat danayang masihki kat.
22Kaput dawak Agripa yaklauwi Festo yakat kalyulna:
—Yang bik kidika alni kaupak dakakih yawi.
Dawak Festo yaklauwi nangnitlana:
—Yahan mani dakama.
23Payahwak Agripa dawak Berenice karak uiwi kakana king lani kat risnipik nuhni karak, kalbauyang balna taninatuna balna karak, dawak tawan nuhni paskau muih balna nuhni dikukulna balna kidika karak bik. Festo yaklauwi pakwak Pal kidika duwi uina, 24dawak yulna:
—King Agripa dawak muih ūk balna bik bangmana adika kaluduhna akat: adika alni akat sakki. Ju balna bitik witing niningyakat yul duahaiwi yang akat, Jerusalén yakat dawak Cesarea akat bik, dawak bik dadawaski sararahwa kidika, adik alni daunin; 25kaunah yang talayang kidika laih witing di dutni as bik yamwaski daunin dini. Kaput kaunah, witing silp yulna man lawa lani kidika yamma, king tanit nuhniman kidika, bahang kulnayang masihnik. 26Kaunah, di lāih as disyang bahang dakiwan king tanit nuhniman yakat, adika alni yulni, manna muhmatna yakat duaitayang, baisa tanit kidika man muhma yakat, king Agripa, kalyulta dakama usnit kat yang sip awaki ulna atnik. 27Kat yamni awas kapat ki, silak muihni as sihnin, dawak di as bik yulwas atnin kidika muihni ais yulni yayakwa kidika.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998