Apastil Balna Warknina 24
24
Pal witing alas tanit daknaPiliks muhni yakat
1Ma singka bayakwak usnit kat, sumalyang nuhni Ananías, Cesarea yakat kiuna, muihbararak balna kidika buas duwi, dawak layar as bik duwi kiuna ayangni laih Tértulo. Adika balna kabamint muhni yakat uina, Pal yulni yaknin yulni. 2Pal duwi uiwak, Tértulo yaklauwi Pal yulni yakna, Piliks muhni yakat:
—Tingkih, kabamint tunan muihni, kulnin aslah lani dudi, dawak tingkih mayuldi sinsma nuhni dutaman kidika kau masauki akat di manas yamni yamnaman. 3Kidika bitik laih nining dudi pa bitik balna yakat, Piliks kabamint yamni palni man kidika, tingkih mayuldi. 4Baisa taimma disnin awas yulni, mayultayang yulkina adika apis dakah minit as. 5Adika alni yaknayangna, bahang witing laih di daukalyang as ki, pa bitik yakat kiwi ju balna kidika sahwi yakwi, dawak witing laih nazareno muihni balna taninatuna as ki. 6Makat yulnin ūni kidika bik risnipik dis yamnin kulna dai, kidika yulni yangna laihtik sitnayangna.#24.6 Tingkau ulna balna kidika minityakat lakwi: Mayang malaki kat lani yamnin kulnamayang; 7 kaunah Lisias kau kalbauyang balna taninatuna nuhni kidika kawi yanadakyakna 8 dawak yulna yulni yayakwa balna kidika man muhma yakat kiunin. 8Man silp sipman witing yakat taihta kalyulta dakanam, witing yulni yaktayangna kidika.
9Ju balna kidika yakat bangkidika bitik laih kaput yuyulna dai. 10Kabamint yaklauwi Pal yakat sain kalyamna yulbauna atnin, dawak Pal yulna:
—Man muhma yakat yang alas takitdaknin kidika yultayang, kat yang amanglatayang, man laih wihtaman adika sauni akat, kurih mahni. 11Man silp sipman tanka walta talnam, ma 12 dawi, Jerusalén yakat yawanayang, Papang yakat ayangni nuhni yamnik. 12Yang muih as karak bik kalbiltasyang, dawak bik makatyulnin ūni yakat muih balna kidika diyamtingkat kiri yaklalauwaski, sumamalwa ūni yakat dawak tawan nuhni paskau pa ūk yakat bik. 13Adika muihni balna, yang yulki yuyulwa kidika as bik rahm awaski. 14Kaunah yang lāih yultayang kidika laih, papangki balna Papangnina kidika yakat dini yamtayang, Ta Wisam kidika karak, witingna yuyulwa kidika uduhna dibin, kat kultayang bahang lā wauhnitaya yakat prapit balna uhulna kidika bitik. 15Dawak dutayang, witingna duduwa kidika bitik, tahanin dutayang Papang yakat, ma as kat dauna kaupak watwi dulauwarang kidika, muih yayamni balna dawak muih dudutni balna bik. 16Kidika bahang kulnik kidika maisihni dis dunin yamtayang, Papang muhni tani yakat dawak muih balna muhnina yakat bik.
17“Kurih as as bayakna yakat pa ūk balna yakat likyang dai, dawak sauki akat nawattik aiwanayang bahang kalik duyawanayang kaput bik minitdis kalanin kidika bik ditik yawanayang dai. 18-19Kidika yamtasakyang dai, maisihni dis alahwanayang usnit kat, amput yayamwa kidika yakat, kaput bik laih muih mahni awasdai, muih balna bik yamni bangdai, dawak Asia kaupak ju muihni balna buas yatatalna makatyulnin ūni yakat.#Ap.w 21:17-28. Bahang witingna kidika aiwi yulki yaknin dai akat, yang nikingkauh yul yulnin duduwakat. 20Dawak kaput awaskat, witingna akat bang-adika yuyulwang di dutni as yamnayangpa, ju balna kaluduhna nuhni duduwa kidika muihni balna muhnina yakat dutni yamnayang kat. 21Kidika awaskat witingna pasyakat yulki parasni kau yulnayang kidika: ‘Warmani lāki yamtamana dauna kaupak watwi yaklaunin kidika kultayang kidik yulni.’#Ap.w 23:6.
22Piliks kidika dakawi, dawak bik Ta Wisamni yulni kidika yamni amanglawa bahang, yulna, adika yulni datayang usnit kat laihwi talnin karang:
—Kalbauyang balna taninatuna Lisias kidika kaiwi manna yulmana adika yamni yayuldawak.
23Dawak Piliks sihna kalbauyang balna taninatuna as kau, Pal kidika laih ban laihwatna ki, kauna pri kidika apis kalanin, bahang witing kaltalyang balna yamni duwa kidika karak yulbaunin.
24Ma as as bayakwak Piliks kidika yalni Drusila karak kiuna, witing kidika laih ju yal dai. Dawak Pal yakat kalyulwak kiuna, dawak Pal yulbauwa kidika dakana Jisaskrais yakat kasak kulnin kidika yulni. 25Kaunah Pal yaklauwi yulna muih sangnika kidika barangni atnin, muihni nuhni kidika bik laihwatwi dunin dawak ma balna kaiwarang yakat la yamwarang kidika, Piliks kidika dakawi muihsak dauwi kalyulna:
—Waradika yawah. Wattik mayulki ma as yaktik duki kat.
26Piliks tahana kidika laih, Pal yaklauwi lalah kalawakat uluhpamna atnin; kidika bahang wat wat witing karak yulbauwādai. 27Kaput manah kurih bu bayakna; kidika usnit kat Piliks kabamint warkni yamwadai kidika dana, dawak witing pāni yakat kana kidika laih Porcio Festo. Piliks laih ju balna karak yamni atnin yulni, Pal kidika silak yakat dasakna.
Currently Selected:
Apastil Balna Warknina 24: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
Apastil Balna Warknina 24
24
Pal witing alas tanit daknaPiliks muhni yakat
1Ma singka bayakwak usnit kat, sumalyang nuhni Ananías, Cesarea yakat kiuna, muihbararak balna kidika buas duwi, dawak layar as bik duwi kiuna ayangni laih Tértulo. Adika balna kabamint muhni yakat uina, Pal yulni yaknin yulni. 2Pal duwi uiwak, Tértulo yaklauwi Pal yulni yakna, Piliks muhni yakat:
—Tingkih, kabamint tunan muihni, kulnin aslah lani dudi, dawak tingkih mayuldi sinsma nuhni dutaman kidika kau masauki akat di manas yamni yamnaman. 3Kidika bitik laih nining dudi pa bitik balna yakat, Piliks kabamint yamni palni man kidika, tingkih mayuldi. 4Baisa taimma disnin awas yulni, mayultayang yulkina adika apis dakah minit as. 5Adika alni yaknayangna, bahang witing laih di daukalyang as ki, pa bitik yakat kiwi ju balna kidika sahwi yakwi, dawak witing laih nazareno muihni balna taninatuna as ki. 6Makat yulnin ūni kidika bik risnipik dis yamnin kulna dai, kidika yulni yangna laihtik sitnayangna.#24.6 Tingkau ulna balna kidika minityakat lakwi: Mayang malaki kat lani yamnin kulnamayang; 7 kaunah Lisias kau kalbauyang balna taninatuna nuhni kidika kawi yanadakyakna 8 dawak yulna yulni yayakwa balna kidika man muhma yakat kiunin. 8Man silp sipman witing yakat taihta kalyulta dakanam, witing yulni yaktayangna kidika.
9Ju balna kidika yakat bangkidika bitik laih kaput yuyulna dai. 10Kabamint yaklauwi Pal yakat sain kalyamna yulbauna atnin, dawak Pal yulna:
—Man muhma yakat yang alas takitdaknin kidika yultayang, kat yang amanglatayang, man laih wihtaman adika sauni akat, kurih mahni. 11Man silp sipman tanka walta talnam, ma 12 dawi, Jerusalén yakat yawanayang, Papang yakat ayangni nuhni yamnik. 12Yang muih as karak bik kalbiltasyang, dawak bik makatyulnin ūni yakat muih balna kidika diyamtingkat kiri yaklalauwaski, sumamalwa ūni yakat dawak tawan nuhni paskau pa ūk yakat bik. 13Adika muihni balna, yang yulki yuyulwa kidika as bik rahm awaski. 14Kaunah yang lāih yultayang kidika laih, papangki balna Papangnina kidika yakat dini yamtayang, Ta Wisam kidika karak, witingna yuyulwa kidika uduhna dibin, kat kultayang bahang lā wauhnitaya yakat prapit balna uhulna kidika bitik. 15Dawak dutayang, witingna duduwa kidika bitik, tahanin dutayang Papang yakat, ma as kat dauna kaupak watwi dulauwarang kidika, muih yayamni balna dawak muih dudutni balna bik. 16Kidika bahang kulnik kidika maisihni dis dunin yamtayang, Papang muhni tani yakat dawak muih balna muhnina yakat bik.
17“Kurih as as bayakna yakat pa ūk balna yakat likyang dai, dawak sauki akat nawattik aiwanayang bahang kalik duyawanayang kaput bik minitdis kalanin kidika bik ditik yawanayang dai. 18-19Kidika yamtasakyang dai, maisihni dis alahwanayang usnit kat, amput yayamwa kidika yakat, kaput bik laih muih mahni awasdai, muih balna bik yamni bangdai, dawak Asia kaupak ju muihni balna buas yatatalna makatyulnin ūni yakat.#Ap.w 21:17-28. Bahang witingna kidika aiwi yulki yaknin dai akat, yang nikingkauh yul yulnin duduwakat. 20Dawak kaput awaskat, witingna akat bang-adika yuyulwang di dutni as yamnayangpa, ju balna kaluduhna nuhni duduwa kidika muihni balna muhnina yakat dutni yamnayang kat. 21Kidika awaskat witingna pasyakat yulki parasni kau yulnayang kidika: ‘Warmani lāki yamtamana dauna kaupak watwi yaklaunin kidika kultayang kidik yulni.’#Ap.w 23:6.
22Piliks kidika dakawi, dawak bik Ta Wisamni yulni kidika yamni amanglawa bahang, yulna, adika yulni datayang usnit kat laihwi talnin karang:
—Kalbauyang balna taninatuna Lisias kidika kaiwi manna yulmana adika yamni yayuldawak.
23Dawak Piliks sihna kalbauyang balna taninatuna as kau, Pal kidika laih ban laihwatna ki, kauna pri kidika apis kalanin, bahang witing kaltalyang balna yamni duwa kidika karak yulbaunin.
24Ma as as bayakwak Piliks kidika yalni Drusila karak kiuna, witing kidika laih ju yal dai. Dawak Pal yakat kalyulwak kiuna, dawak Pal yulbauwa kidika dakana Jisaskrais yakat kasak kulnin kidika yulni. 25Kaunah Pal yaklauwi yulna muih sangnika kidika barangni atnin, muihni nuhni kidika bik laihwatwi dunin dawak ma balna kaiwarang yakat la yamwarang kidika, Piliks kidika dakawi muihsak dauwi kalyulna:
—Waradika yawah. Wattik mayulki ma as yaktik duki kat.
26Piliks tahana kidika laih, Pal yaklauwi lalah kalawakat uluhpamna atnin; kidika bahang wat wat witing karak yulbauwādai. 27Kaput manah kurih bu bayakna; kidika usnit kat Piliks kabamint warkni yamwadai kidika dana, dawak witing pāni yakat kana kidika laih Porcio Festo. Piliks laih ju balna karak yamni atnin yulni, Pal kidika silak yakat dasakna.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998