Apastil Balna Warknina 26
26
Pal witing silp yulni yulwiking Agripa muhni yakat
1Kaput laih Agripa yaklauwi Pal yakat kalyulna:
—Sipman namatdaknam.
Pal tingni dulauwi aput yulna: 2“Isinglak kaldakayang warmani king man muhma yakat yulbaunik kidika, king Agripa, takitdaknin, ju balna yang nikingkauh yul manas yuyulna kidika, 3kat king nuhniman kidika, yamni amanglataman ju balna lanina kidika, dawak ais yulni kat yultayangna kidika. Kidika bahang mayultayang kulnam laihwatta yadakama.
Pal sangnika, baisa wiryaklawas tanit kauh
4“Ju balna bitik amanglalawi, witingna pasyakat amput yalahnayang kidika, yang sauki yakat dawak Jerusalén yakat bik, wahmayang kaupak. 5Kidika bik amanglalawi, dawak witingna kaput kukulwarang kat sipki yulnin, yang laih parisiyang,#Ap.w 23:6; Fil 3:5. bahang kidika aslah kalahna kidika laih lani parasni duwi Papang yakat barangni kulnin lani kidika. 6Dawak waralaih akat yaduahaiwi lakau, yangna muihkinabararak balna kau Papang yaklauwi pramis yamna kidika yakat kultik dutayang kidika yulni. 7Israel sulani 12 kidika balna tahahawi kidika pranimis kiwi kawak talna atnin, kidika bahang Papang ayangni nuhni yayamwi, dawak dini bik yayamwi pukta madah. Sihm kidika tahanin yulni, king Agripa, ju balna yaklauwi yulki yayakwi. 8¿Amput dawak manna kultasmanah, Papang laih muih dauna kaupak dulauwa kidika?
Pal yulna amput kristian balna yakat laihnin uiwi kiuna kidika
9“Yang kulnayang, tatuna kaupak, Jisas Nazaret kaupak kidika niningyakat di manas yamnin, 10dawak kaput yamnayang Jerusalén yakat. Sumalyang balna taninatuna yaklauwi parasni yayawak, kulyang muihni balna kidika manas silak yakat ānayang; ihiwakat, yang yamni talnayang. 11Manas wah dianayang, witingna kasak kukulwa kidika dana atnin. Kidika laih yamtayang dai, sumamalwa ūni balna bitik yakat, dawak witingna niningna yakat kulnik daukalnayang, dawak pa ūk kau tawan nunuhni balna yakat bik uitik yawanayang.#Ap.w 8:3; 22:4-5.
Pal watwi yulwi wiryaklana kidika yulni
(Ap.w 9:1-19; 22:6-16)
12“Kidika yamnin yulni Damasco tawanni nuhni yakat yawanayang, sumalyang taninatuna balna kidika yaklauwi parasni yayawak. 13Kaunah ta yakat, king, matunak kat makau kisang kidika kaupak yaringni as kaina, kidika laih ma yaringni kidika karak tanit yaringni dai, yang yaihkit yakat, dawak bik yang karak uiwa balna kidika bitik laih yaringni kidika yana- awaihdakna dai. 14Yangna bitik sau yakat buknayangna, dawak dakanayang hibru tuni kau yayulwak: ‘Saulo, Saulo, ¿ais yamta yauita aiwamahn? Man alas dutni kalyamtaman, di subangni niningkauh kalma parasni wauhtaman kapat ki.’ 15Kaput dawak yulnayang: ‘¿Dawan man kidika waismahn?’ Dawan yaklauwi nangkitlana: ‘Yang kuduh Jisas, laihkuhti uitaman kidika. 16Kaunah kalma kau lawah, kat man kidika matalayang wark as manik, yang diki yamyang atnin dawak witkinis bik āwanam, waradika talada kidik, dawak baisa talma kidika yang kaupak. 17Ju balna kaupak malaihtik yakki, dawak ju awas balna kidika kaupak bik, kidika balna yakat waradika masihtayang adika. 18Witingna yakat masihtayang miniknapa uluhnam, baisa puksani yakat lapaknin awaski, kaunah yaringni yakat kalahnin; kaput laih baisa Sitan parasni dinit yakat awas karang, kaunah nawatkauh laih Papang yakat usnit uhuiwang; dawak yang akat kukulwang, kaput laih dutnina kidika dawak disna karang, dawak Papang tawanni holi kidika dinina karang.’
19“Kaput bahang king Agripa, makau kisang kaupak di talnayang kidika kaput yamnayang, 20tatuna laih Damasco kau bangkidika yakat sumalnayang,#Ap.w 9:20. kidika kaupak Jerusalén yakat#Ap.w 9:28-29. dawak Judea sauni bitik yakat bik, diyulnayang wiryaklana atnin, dawak Papang yakat kiunin, dawak bik wiryaklalana kidika warkni balna yamnin. 21Kidika yulni, ju balna yalalaihna makatyulnin ūni yakat sakyang kat, dawak bik yaīnin yayamna. 22Kaunah Papang ilpni kau baisa sangka sakyang waradika kat, Papang tannika kidika muih bitik kau yultayang, dibinina dawak nunuhni balna yakat bik. Prapit balna dawak Moses, kidika balna di kalahwarang atwi yuyulna kidik kaupak yul ūk yultasyang: 23Mesías kidika laih daunin dai, kaunah dauna kaupak usnit kat witing tatuna yaklaunin dai dauna balna kidika paskaupak,#1 Kor 15:20. dawak laihwi yaknin yaringni kidika sumalnin dai, mayang matawanki akat, dawak bik nisan ūk balna yakat bik.”#Is 42:6; 49:6.
Agripa yulna
24Pal witing tanit dakwi yulwak, Festo sarahwi kalyulna:
—¡Pal, sinsma yamni awasyah! Uba di lan alahwang sinsma daukalna.
25Kaunah Pal yaklauwi nangnitlana:
—Sinski daukalwas ki, yamni palni man kidika Festo; nawatkauh laih, yultayang kidika laih rahm ki. 26Yakat sakki king Agripa kidika, adika yulni balna yamni amanglawi, kidika bahang pri yulbautayang witing muhni yakat; kat yang rahm yultayang, witing bik adika yulni yamni amanglawi, kat adika dini kalahna kidika sau bangni malnikau kalahwas dai bahang. 27¿King prapit balna yuyulna dai kidika rahm kultamahn? Yang amanglatayang witing rahm kulwi.
28Agripa yaklauwi nangnitlana:
—Kulnik wirlana dataman, yang bik kristian alahwinik.
29Pal yulna:
—Ma bulah kidika awaskat ma mahni karang bik, Papang dukih kalawarang, king man manah awaski, kaunah warmani yadakawabang adika balna bitik, yang apat kakalwarang kat, adika sīnni dis.
30Kaput laih king kidika yaklauna, dawak kabamint tunan muihni bik, Berenice karak kalpakwi, dawak kidika yakat muih yalahna bangdai kidika balna bitik, 31naikau uiwi yulbauwi dakakana. Witingna biri biri yulwi dakakana kidika laih:
—Adika alni di as bik dutni yamwaski dauna atnin; dawak silak yakat atnin bik sip-awaski.
32Dawak Agripa yaklauwi Festo yakat kalyulna:
—Adika alni sipdai uluhnin, witing palni yulwasdai katlaih king tanit nuhni kidika yaklauwi lani yamnin.
Currently Selected:
Apastil Balna Warknina 26: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
Apastil Balna Warknina 26
26
Pal witing silp yulni yulwiking Agripa muhni yakat
1Kaput laih Agripa yaklauwi Pal yakat kalyulna:
—Sipman namatdaknam.
Pal tingni dulauwi aput yulna: 2“Isinglak kaldakayang warmani king man muhma yakat yulbaunik kidika, king Agripa, takitdaknin, ju balna yang nikingkauh yul manas yuyulna kidika, 3kat king nuhniman kidika, yamni amanglataman ju balna lanina kidika, dawak ais yulni kat yultayangna kidika. Kidika bahang mayultayang kulnam laihwatta yadakama.
Pal sangnika, baisa wiryaklawas tanit kauh
4“Ju balna bitik amanglalawi, witingna pasyakat amput yalahnayang kidika, yang sauki yakat dawak Jerusalén yakat bik, wahmayang kaupak. 5Kidika bik amanglalawi, dawak witingna kaput kukulwarang kat sipki yulnin, yang laih parisiyang,#Ap.w 23:6; Fil 3:5. bahang kidika aslah kalahna kidika laih lani parasni duwi Papang yakat barangni kulnin lani kidika. 6Dawak waralaih akat yaduahaiwi lakau, yangna muihkinabararak balna kau Papang yaklauwi pramis yamna kidika yakat kultik dutayang kidika yulni. 7Israel sulani 12 kidika balna tahahawi kidika pranimis kiwi kawak talna atnin, kidika bahang Papang ayangni nuhni yayamwi, dawak dini bik yayamwi pukta madah. Sihm kidika tahanin yulni, king Agripa, ju balna yaklauwi yulki yayakwi. 8¿Amput dawak manna kultasmanah, Papang laih muih dauna kaupak dulauwa kidika?
Pal yulna amput kristian balna yakat laihnin uiwi kiuna kidika
9“Yang kulnayang, tatuna kaupak, Jisas Nazaret kaupak kidika niningyakat di manas yamnin, 10dawak kaput yamnayang Jerusalén yakat. Sumalyang balna taninatuna yaklauwi parasni yayawak, kulyang muihni balna kidika manas silak yakat ānayang; ihiwakat, yang yamni talnayang. 11Manas wah dianayang, witingna kasak kukulwa kidika dana atnin. Kidika laih yamtayang dai, sumamalwa ūni balna bitik yakat, dawak witingna niningna yakat kulnik daukalnayang, dawak pa ūk kau tawan nunuhni balna yakat bik uitik yawanayang.#Ap.w 8:3; 22:4-5.
Pal watwi yulwi wiryaklana kidika yulni
(Ap.w 9:1-19; 22:6-16)
12“Kidika yamnin yulni Damasco tawanni nuhni yakat yawanayang, sumalyang taninatuna balna kidika yaklauwi parasni yayawak. 13Kaunah ta yakat, king, matunak kat makau kisang kidika kaupak yaringni as kaina, kidika laih ma yaringni kidika karak tanit yaringni dai, yang yaihkit yakat, dawak bik yang karak uiwa balna kidika bitik laih yaringni kidika yana- awaihdakna dai. 14Yangna bitik sau yakat buknayangna, dawak dakanayang hibru tuni kau yayulwak: ‘Saulo, Saulo, ¿ais yamta yauita aiwamahn? Man alas dutni kalyamtaman, di subangni niningkauh kalma parasni wauhtaman kapat ki.’ 15Kaput dawak yulnayang: ‘¿Dawan man kidika waismahn?’ Dawan yaklauwi nangkitlana: ‘Yang kuduh Jisas, laihkuhti uitaman kidika. 16Kaunah kalma kau lawah, kat man kidika matalayang wark as manik, yang diki yamyang atnin dawak witkinis bik āwanam, waradika talada kidik, dawak baisa talma kidika yang kaupak. 17Ju balna kaupak malaihtik yakki, dawak ju awas balna kidika kaupak bik, kidika balna yakat waradika masihtayang adika. 18Witingna yakat masihtayang miniknapa uluhnam, baisa puksani yakat lapaknin awaski, kaunah yaringni yakat kalahnin; kaput laih baisa Sitan parasni dinit yakat awas karang, kaunah nawatkauh laih Papang yakat usnit uhuiwang; dawak yang akat kukulwang, kaput laih dutnina kidika dawak disna karang, dawak Papang tawanni holi kidika dinina karang.’
19“Kaput bahang king Agripa, makau kisang kaupak di talnayang kidika kaput yamnayang, 20tatuna laih Damasco kau bangkidika yakat sumalnayang,#Ap.w 9:20. kidika kaupak Jerusalén yakat#Ap.w 9:28-29. dawak Judea sauni bitik yakat bik, diyulnayang wiryaklana atnin, dawak Papang yakat kiunin, dawak bik wiryaklalana kidika warkni balna yamnin. 21Kidika yulni, ju balna yalalaihna makatyulnin ūni yakat sakyang kat, dawak bik yaīnin yayamna. 22Kaunah Papang ilpni kau baisa sangka sakyang waradika kat, Papang tannika kidika muih bitik kau yultayang, dibinina dawak nunuhni balna yakat bik. Prapit balna dawak Moses, kidika balna di kalahwarang atwi yuyulna kidik kaupak yul ūk yultasyang: 23Mesías kidika laih daunin dai, kaunah dauna kaupak usnit kat witing tatuna yaklaunin dai dauna balna kidika paskaupak,#1 Kor 15:20. dawak laihwi yaknin yaringni kidika sumalnin dai, mayang matawanki akat, dawak bik nisan ūk balna yakat bik.”#Is 42:6; 49:6.
Agripa yulna
24Pal witing tanit dakwi yulwak, Festo sarahwi kalyulna:
—¡Pal, sinsma yamni awasyah! Uba di lan alahwang sinsma daukalna.
25Kaunah Pal yaklauwi nangnitlana:
—Sinski daukalwas ki, yamni palni man kidika Festo; nawatkauh laih, yultayang kidika laih rahm ki. 26Yakat sakki king Agripa kidika, adika yulni balna yamni amanglawi, kidika bahang pri yulbautayang witing muhni yakat; kat yang rahm yultayang, witing bik adika yulni yamni amanglawi, kat adika dini kalahna kidika sau bangni malnikau kalahwas dai bahang. 27¿King prapit balna yuyulna dai kidika rahm kultamahn? Yang amanglatayang witing rahm kulwi.
28Agripa yaklauwi nangnitlana:
—Kulnik wirlana dataman, yang bik kristian alahwinik.
29Pal yulna:
—Ma bulah kidika awaskat ma mahni karang bik, Papang dukih kalawarang, king man manah awaski, kaunah warmani yadakawabang adika balna bitik, yang apat kakalwarang kat, adika sīnni dis.
30Kaput laih king kidika yaklauna, dawak kabamint tunan muihni bik, Berenice karak kalpakwi, dawak kidika yakat muih yalahna bangdai kidika balna bitik, 31naikau uiwi yulbauwi dakakana. Witingna biri biri yulwi dakakana kidika laih:
—Adika alni di as bik dutni yamwaski dauna atnin; dawak silak yakat atnin bik sip-awaski.
32Dawak Agripa yaklauwi Festo yakat kalyulna:
—Adika alni sipdai uluhnin, witing palni yulwasdai katlaih king tanit nuhni kidika yaklauwi lani yamnin.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998