Apastil Balna Warknina 23
23
1Pal, witing talna kaluduhna nuhni muihni balna kidika, dawak diyulna:
—Wirah balna, warmani kat kulnik isinglak yang, Papang niningyakat.
2Ananías, sumalyang nuhni dai kidika, Pal yaihnitkau bangyakat pakna tinpas yakat tisnin. 3Kaunah Pal yaklauwi nangnitlana:
—¡Papang yaklauwi man yakat mawiswarang, alas muihni!#Mt 23:27. Man yakat yalahna sakman, lā karak muih lanina yamnin, ¿ais yamta lā niningkauh lawa paktamahn yawisnin?
4Yakat bangkidika yaklauwi kalyuyulna:
—¿Kaput bahang Papang sumalyang nuhni yakat kaput dutni kalyultamahn?
5Pal yaklauwi yulna:
—Wirah balna, yang amanglatasyang dai witing sumalyang nuhni kidika; Ulna yakat yulwi: ‘Man tawanma yakat kabamint kāwa muihni yakat dutni kalyulwinih.’#Ex 22:28.
6Usnit kat, amanglana uduhna nuhni kidika pasyakat saduceos dawak fariseo balna bik bangdai, bahang Pal yulni parasni yulna:
—Wirah balna yang laih parisi yang,#Ap.w 26:5; Fil 3:5. parisi balna sulaninayang; witingna la ya-ahawi kat dauna kaupak watwi yaklaunin kidika tahatayang bahang.
7Pal kidika yulwak, parisi balna dawak saduceos balna biri biri yulbauwi, wayahkalalahna kaluduhna dai kidika. 8Kat saduceos balna laih yuyulwādai, dauna kaupak sip yaklalauwaski,#Mt 22:23; Mk 12:18; Lc 20:27. insal bik diski, dawak spirit bik diski; nawatwak parisi balna laih kukulwādai, kidika balna bitik. 9Bitik sarahwi yuyulna; dawak lā maestro balna bik, parisi muihni balna dai kidika, yaklauwi yuyulna:
—Adika alni di as bik dutni yamwaski; sip spirit as, kidika awaskat insal as yulkalbauna atnin.
10Muih kiri yaklalauwa kidika baisa nuhni kalwak, kalbauyang balna taninatuna nuhni kidika yamaduna, Pal kidika iswi titihrwarang, bahang kaput laih soldado balna kidika baisa duwi kiuna Pal kidika yakwi duwi kiwi silak yakat watwi ānin.
11Kidika puknita, Dawan kiwi Pal yakat kalyulna: “Kulnam dulautah Pal, Jerusalén akat yang yulki yulnaman kaput bik, Roman yakat bik yamma ki.”
Pal inin yayamna
12Payahwakat, ju balna buas alah kalalahna Pal kidika ina atnin, dawak witingna latuhwi yuyulna, di kasdaskarang, didaskarang idarang kat. 13Kidika laih ahal 40 minitkau dai, witingna kaput pramis yayamna dai kidika. 14Sumalyang tanituna balna yakat, ju muihbararak balna yakat uiwi diyuyulna:
—Yangna latuhtik pramis yamnayangna, di kastas awanaki, Pal kidika itas awanaki kat. 15Waralaih, manna dawak kaluduhna nuhni muihni balna kidika karak kalpakta, kalbauyang balna taninatuna nuhni yakat kalyultanang Pal kidika yakwi duaiwang, yahan mani, manna muhmana yakat, witing tannika kidika yamni laihwi talnin yulni; dawak yangna laih ridi awanaki kaiwi kawas kat itanaki.
16Kauna Pal wirahni yal walanibis kidika dakana, bahang kalbauyang balna ūnina yakat kiwi isningpakna. 17dawak Pal, witing kalbauyang balna taninatuna as kau kalyulwak kiwak, kalyulna:
—Wahmabin adika kalbauyang balna tanina tuna nuhni yakat duyawah, witing di as kalyulnin duwi.
18Kalbauyang balna taninatuna as kidika duwi kiuna taninatuna tanit nuhni yakat, dawi kalyulna:
—Silak muihni Pal yaklauwi yayulna, adika wahmabin adik man akat duainik, witing yul as duwi mayulnin.
19Kalbauyang balna taninatuna nuhni kidika yaklauwi wahmabin kidika duwi kiwi kalyulwi dakana:
—¿Ais yayulnin dutamahn?
20Wahmabin kidika yaklauwi yulna:
—Ju balna kidika yulbauwi lanina aslah ahana, yahan mani man yakat mayuyulwak Pal kidika yakta duyawanam, kaluduhna nuhni muihni balna muhnina yakat, witing lani kidika yamni laihwi talnin yulni. 21Kaunah kidika laih rahm dikulwinih, kat muih ahal 40 minitkau yakmaldi tahawa bangki, witing latutuhna, di kakaswarang, didiwas karang, Pal kidika ihiwarang kat; dawak waradika ridi bangki, man lawa diyultang dakanin.
22Kaput laih kalbauyang balna taninatuna nuhni kidika yaklauwi kalyulna, kalyulwada kidika muih kau yulnin awas.
Pal kidika Piliks yakat sihna
23Kalbauyang balna taninatuna nuhni kidika tatuna muihni balna bu yulwak uina, dawak dipakna kalbauyang balna kal kau uiwarang kidika andat bu yaknin, dawak aras kilyang balna kidika 70, dawak andat bu kidika laih langsa duyang balna, bahang kidika balna laih Cesarea yakat uinin, pukta awar tiaskauarungka kat. 24Kidika minit yakat aras as ridi yamna Pal kilnin kidika, dawak bik dipakna sangka, yamni duwi kiunin kabamint Piliks yakat. 25Witingna karak wauhtaya as sihna, bahang wauhnitaya yakat aput ulna dai:
26“Claudio Lisias kaupak, kabamint yamni palni Piliks yakat: parastah. 27Ju balna lalaihna adika alni, dawak ihiwarang dai, kaunah yang dakanayang witing laih Roman al as ki, bahang soldado balna karak yawik laihtik yaknayang. 28Yang amanglakihyang dai bahang duyawanayang, ju balna aslah kalahna yakat, 29bahang amanglanayang witing lānina yulni kidika yuyulna, kaunah inin laih sip-awasdai, dawak silak ānin dini bik awasdai. 30kauna yang amanglanayang ju balna inin yayamwi bahang, man yakat masihtayang; kaput bik laih witing niningkauh muihni balna kidika bik man muhma yakat yuyulwang, witing nining yakat ais duduwa kidika.”
31Soldado balna yakat ais diyulna kaput, Pal kidika pukta duwi uina Antípatris yakat. 32Payahwak, soldado kalkau uina balna dai kidika laih nawatwi uina, dawak aras kau uina balna kidika laih tanit yakat bayakwi uina Pal karak. 33Cesarea yakat uina, kabamint yakat wauhtaya kidika kalalana, dawak Pal kidika bik tingni yakat ahana. 34Wauhnitaya kidika yulwi talna usnit kat, kabamint tunan muihni kidika kalyulwi dakana Pal kidika angdika pāni kaupak pa; witing amanglana Cilicia kaupak kidika, 35bahang kalyulna:
—Madakaki, namangkauh balna kidika aiwarang kat.
Usnit kat dipakna king ūni Herod kāwa kidika yakat āwi maintalnin.
Currently Selected:
Apastil Balna Warknina 23: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
Apastil Balna Warknina 23
23
1Pal, witing talna kaluduhna nuhni muihni balna kidika, dawak diyulna:
—Wirah balna, warmani kat kulnik isinglak yang, Papang niningyakat.
2Ananías, sumalyang nuhni dai kidika, Pal yaihnitkau bangyakat pakna tinpas yakat tisnin. 3Kaunah Pal yaklauwi nangnitlana:
—¡Papang yaklauwi man yakat mawiswarang, alas muihni!#Mt 23:27. Man yakat yalahna sakman, lā karak muih lanina yamnin, ¿ais yamta lā niningkauh lawa paktamahn yawisnin?
4Yakat bangkidika yaklauwi kalyuyulna:
—¿Kaput bahang Papang sumalyang nuhni yakat kaput dutni kalyultamahn?
5Pal yaklauwi yulna:
—Wirah balna, yang amanglatasyang dai witing sumalyang nuhni kidika; Ulna yakat yulwi: ‘Man tawanma yakat kabamint kāwa muihni yakat dutni kalyulwinih.’#Ex 22:28.
6Usnit kat, amanglana uduhna nuhni kidika pasyakat saduceos dawak fariseo balna bik bangdai, bahang Pal yulni parasni yulna:
—Wirah balna yang laih parisi yang,#Ap.w 26:5; Fil 3:5. parisi balna sulaninayang; witingna la ya-ahawi kat dauna kaupak watwi yaklaunin kidika tahatayang bahang.
7Pal kidika yulwak, parisi balna dawak saduceos balna biri biri yulbauwi, wayahkalalahna kaluduhna dai kidika. 8Kat saduceos balna laih yuyulwādai, dauna kaupak sip yaklalauwaski,#Mt 22:23; Mk 12:18; Lc 20:27. insal bik diski, dawak spirit bik diski; nawatwak parisi balna laih kukulwādai, kidika balna bitik. 9Bitik sarahwi yuyulna; dawak lā maestro balna bik, parisi muihni balna dai kidika, yaklauwi yuyulna:
—Adika alni di as bik dutni yamwaski; sip spirit as, kidika awaskat insal as yulkalbauna atnin.
10Muih kiri yaklalauwa kidika baisa nuhni kalwak, kalbauyang balna taninatuna nuhni kidika yamaduna, Pal kidika iswi titihrwarang, bahang kaput laih soldado balna kidika baisa duwi kiuna Pal kidika yakwi duwi kiwi silak yakat watwi ānin.
11Kidika puknita, Dawan kiwi Pal yakat kalyulna: “Kulnam dulautah Pal, Jerusalén akat yang yulki yulnaman kaput bik, Roman yakat bik yamma ki.”
Pal inin yayamna
12Payahwakat, ju balna buas alah kalalahna Pal kidika ina atnin, dawak witingna latuhwi yuyulna, di kasdaskarang, didaskarang idarang kat. 13Kidika laih ahal 40 minitkau dai, witingna kaput pramis yayamna dai kidika. 14Sumalyang tanituna balna yakat, ju muihbararak balna yakat uiwi diyuyulna:
—Yangna latuhtik pramis yamnayangna, di kastas awanaki, Pal kidika itas awanaki kat. 15Waralaih, manna dawak kaluduhna nuhni muihni balna kidika karak kalpakta, kalbauyang balna taninatuna nuhni yakat kalyultanang Pal kidika yakwi duaiwang, yahan mani, manna muhmana yakat, witing tannika kidika yamni laihwi talnin yulni; dawak yangna laih ridi awanaki kaiwi kawas kat itanaki.
16Kauna Pal wirahni yal walanibis kidika dakana, bahang kalbauyang balna ūnina yakat kiwi isningpakna. 17dawak Pal, witing kalbauyang balna taninatuna as kau kalyulwak kiwak, kalyulna:
—Wahmabin adika kalbauyang balna tanina tuna nuhni yakat duyawah, witing di as kalyulnin duwi.
18Kalbauyang balna taninatuna as kidika duwi kiuna taninatuna tanit nuhni yakat, dawi kalyulna:
—Silak muihni Pal yaklauwi yayulna, adika wahmabin adik man akat duainik, witing yul as duwi mayulnin.
19Kalbauyang balna taninatuna nuhni kidika yaklauwi wahmabin kidika duwi kiwi kalyulwi dakana:
—¿Ais yayulnin dutamahn?
20Wahmabin kidika yaklauwi yulna:
—Ju balna kidika yulbauwi lanina aslah ahana, yahan mani man yakat mayuyulwak Pal kidika yakta duyawanam, kaluduhna nuhni muihni balna muhnina yakat, witing lani kidika yamni laihwi talnin yulni. 21Kaunah kidika laih rahm dikulwinih, kat muih ahal 40 minitkau yakmaldi tahawa bangki, witing latutuhna, di kakaswarang, didiwas karang, Pal kidika ihiwarang kat; dawak waradika ridi bangki, man lawa diyultang dakanin.
22Kaput laih kalbauyang balna taninatuna nuhni kidika yaklauwi kalyulna, kalyulwada kidika muih kau yulnin awas.
Pal kidika Piliks yakat sihna
23Kalbauyang balna taninatuna nuhni kidika tatuna muihni balna bu yulwak uina, dawak dipakna kalbauyang balna kal kau uiwarang kidika andat bu yaknin, dawak aras kilyang balna kidika 70, dawak andat bu kidika laih langsa duyang balna, bahang kidika balna laih Cesarea yakat uinin, pukta awar tiaskauarungka kat. 24Kidika minit yakat aras as ridi yamna Pal kilnin kidika, dawak bik dipakna sangka, yamni duwi kiunin kabamint Piliks yakat. 25Witingna karak wauhtaya as sihna, bahang wauhnitaya yakat aput ulna dai:
26“Claudio Lisias kaupak, kabamint yamni palni Piliks yakat: parastah. 27Ju balna lalaihna adika alni, dawak ihiwarang dai, kaunah yang dakanayang witing laih Roman al as ki, bahang soldado balna karak yawik laihtik yaknayang. 28Yang amanglakihyang dai bahang duyawanayang, ju balna aslah kalahna yakat, 29bahang amanglanayang witing lānina yulni kidika yuyulna, kaunah inin laih sip-awasdai, dawak silak ānin dini bik awasdai. 30kauna yang amanglanayang ju balna inin yayamwi bahang, man yakat masihtayang; kaput bik laih witing niningkauh muihni balna kidika bik man muhma yakat yuyulwang, witing nining yakat ais duduwa kidika.”
31Soldado balna yakat ais diyulna kaput, Pal kidika pukta duwi uina Antípatris yakat. 32Payahwak, soldado kalkau uina balna dai kidika laih nawatwi uina, dawak aras kau uina balna kidika laih tanit yakat bayakwi uina Pal karak. 33Cesarea yakat uina, kabamint yakat wauhtaya kidika kalalana, dawak Pal kidika bik tingni yakat ahana. 34Wauhnitaya kidika yulwi talna usnit kat, kabamint tunan muihni kidika kalyulwi dakana Pal kidika angdika pāni kaupak pa; witing amanglana Cilicia kaupak kidika, 35bahang kalyulna:
—Madakaki, namangkauh balna kidika aiwarang kat.
Usnit kat dipakna king ūni Herod kāwa kidika yakat āwi maintalnin.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998