Apastil Balna Warknina 22
22
1“Wirah dawak papang balna, yang silp takitdaknin yulni yultayang adika dakanauh.”
2Hibru tuni kau yulwak dakawi, baisa ap dadana. Dawak Pal yulbauna:
3“Yang laih ju yang. Cilicia sauni kau Tarso tawanni yakat batahnna yang, kaunah Jerusalén akat baraknayang, dawak Gamaliel#Ap.w 5:34-39. tingni dinit yakat skul āwanayang, kidika laih mamuihkibararak balna lānina. Papang dini yamkih yawa kidika ban ki, kulnik yakat, warmani balna akat manna yamtamana kaput. 4Muhnilau laih, wais kat adika Ta Wisam usnit uiwa balna kidika yakat, laihtik silak ānayang, ahal dawak yayal bik. 5Sumalyang balna taninatuna, dawak muihbararak balna bitik laih witnis. Witingna yaklauwi wauhtaya yayana dai, wirah balna Damasco kau yalalahwa balna dinina, bahang yakat waltik yawanayang kulyang balna, Jerusalén akat duaitik wah dianik yulni.#Ap.w 8:3; 26:9-11.
6“Yang ta yakat yawalikyang dai, Damasco ulis yakat, ma bik tunak dai, bahang sirihni palni yaringni as kaina yaihkit yakat, makau kisang kidika kaupak, 7dawak sau yakat buknayang. Dawak yulni as yulwak dakanayang: ‘Saulo, Saulo, ¿ais yamta yauita aiwamahn?’ 8Yultik dakanayang: ‘¿Waismahn, Dawan?’ Dawak dinit yulwakidika nangkitlana: ‘Yang laih Jisas Nazaret kaupak kidika yang, man uita aiwaman kidika.’ 9Yang karak uiwabangdai kidika balna tatalna, kaunah dinit as yang akat yulyabauwadai kidika laih dakakawasdai. 10Dawak yang yultik dakanayang: ‘¿Ais yamkiyah Dawan?’ Dawak yaklauwi yayulna: ‘Lawa Damasco yakat yawah. Dawak yakat mayulki ais yamnam kidika.’ 11Yaringni kaina kidika yaklauwi mikpa kidika puklakna, bahang yang karak bangdai kidika balna yaduwi uina Damasco yakat.
12“Kidika yakat al as sakdai ayangni laih Ananías, witing laih minikun talnin kidika duwadai, dawak bik Moses lāni kidika kat yamwādai; Damasco kau ju balna yalalahwa kidika bitik laih witing ayangni kidika yamni yuyulwādai. 13Ananías kiwi yatalna, bahang yayulna: ‘Wirah Saulo, watta mamakpa dutah.’ Kidika minitni yakat mikpa dunayang, bahang sipdai talnik. 14Kidika usnit kat yulna: ‘Mayang mapapangki balna Papangnina yaklauwi mawalwi yakna, witing ais yamnin kulwa kidika amanglanam, dawak bik talnam holi kidika, dawak witing palni dinit kidika bik dakanam. 15Kat man laih witing witninis alahwama bahang muih balna bitik muhnina yakat, dawak man talada, dawak dakada adika man amanglama. 16Dawak waralaih man baisa tahawinih. Lawah, dawak was kalutuh'alahwah, dawak dutma balna kidika suhta, Dawan ayangni kidika yultah.’
17“Jerusalén yakat nawattik aiwanayang kat, makatyulnin ūni yakat yawik mikit yulnayang, dawak amana kapat as talnayang. 18Dawan kidika talnayang, dawak yayulna: ‘Sirihni palni Jerusalén kaupak alahwah, kat man yang yulki yulma kidika kukulwas karangki.’ 19Yang lawik kalyulnayang: ‘Dawan, witingna yamni amanglalawi, yang, sumamalwa ūni balna bitik yakat yawik, man kau kukulwa balna kidika laihtik silak yakat duyawayang dai, dawak bik wiwiswādai, 20dawak bik man dima yamyang Esteban ihina kat, man witmanis yulwadai kidika, yang palni kidika yakat sakyang dai, yulnayang dai ina atnin, kaput bik iyang muihni balna asnina kidika bik maintalnayang dai.’#Ap.w 7:58. 21Kaunah Dawan yaklauwi yayulna: ‘Mahka ta yakat alahwah, pa naikau, nisan balna yakat masihki ki.’ ”
Pal kidika kalbauyang balnatunan nuhni kidika tingnina yakat
22Kidika yakat laih dakakana; kidika kaupak laih sararahna: “¡Adika alni laih sangka atnin awaski! ¡Adika sauni kaupak yakpamta!” 23Dawak ban sararahna, dawak asnina isisihna, sau yahamni bik mayakat ruruhmna, 24kalbauyang balna taninatuna nuhni kidika yaklawi pakna Pal kidika ū pasyakat ānin, dawak pakwak wiwisna, lāih yulna atnin, witing kidika ais yamna kat muih balna kidika kaput sararahwih, witing niningyakat. 25Wisnin yulni, uman tingni sisitna kat, Pal yaklauwi kalbauyang balna taninatuna as kau kalyulwi dakana:
—¿Man parasni manayah, Roman muihni as kidika wisnin, dawak bik baisa lani yamtasman tanitkauh?
26Kidika dakawi, kalbauyang balna tanina tuna kidika yaklauwi sihna isningpaknin, kalbauyang balna taninatuna tanit nuhni yakat, aput kalyulwi:
—¿Man ais yammayah? Adika alni laih Roman muihni as ki.
27Kaput laih kalbauyang balna taninatuna tanit nuhni kidika, Pal yaihnit yakat kiwi kalyulwi dakana:
—¿Rahmyah, man Roman muihni asmahn?
Pal yaklauwi nangnitlana:
—Agha.
28Kalbauyang taninatuna nuhni kidika kalyulna:
—Yang lalah nuhni disnayang, Roman muihni alahwinik kidika.
Dawak Pal nangnitlana:
—Yang laih batahndanayang kaupak ban kaputyang.
29Kidika karak, Pal yakat wisnin yulni yaihnit yakat bangdai kidika naikau yaklalana, kalbauyang taninatuna nuhni kidika bik; witing amanglana kat Pal kidika laih Roman muihni as kidika, dawak sīn kau sitna kidika yulni bik yamaduna.
Pal, ju balna kaluduhna tanit nuhni kidikamuhni yakat
30Payahwak, kalbauyang balna taninatuna nuhni kidika, yamni amanglanin kulna, Pal kidika ais yulni kaput kalyuyulwapa, bahang sīn sitna kidika yakwi dawi, sumalyang balna taninatuna bitik uduhna, dawak kaluduhna tanit nuhni kidika muihni balna bik. Kidika usnit kat Pal kidika witingna muhnitna yakat yakwi dulauna.
Currently Selected:
Apastil Balna Warknina 22: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
Apastil Balna Warknina 22
22
1“Wirah dawak papang balna, yang silp takitdaknin yulni yultayang adika dakanauh.”
2Hibru tuni kau yulwak dakawi, baisa ap dadana. Dawak Pal yulbauna:
3“Yang laih ju yang. Cilicia sauni kau Tarso tawanni yakat batahnna yang, kaunah Jerusalén akat baraknayang, dawak Gamaliel#Ap.w 5:34-39. tingni dinit yakat skul āwanayang, kidika laih mamuihkibararak balna lānina. Papang dini yamkih yawa kidika ban ki, kulnik yakat, warmani balna akat manna yamtamana kaput. 4Muhnilau laih, wais kat adika Ta Wisam usnit uiwa balna kidika yakat, laihtik silak ānayang, ahal dawak yayal bik. 5Sumalyang balna taninatuna, dawak muihbararak balna bitik laih witnis. Witingna yaklauwi wauhtaya yayana dai, wirah balna Damasco kau yalalahwa balna dinina, bahang yakat waltik yawanayang kulyang balna, Jerusalén akat duaitik wah dianik yulni.#Ap.w 8:3; 26:9-11.
6“Yang ta yakat yawalikyang dai, Damasco ulis yakat, ma bik tunak dai, bahang sirihni palni yaringni as kaina yaihkit yakat, makau kisang kidika kaupak, 7dawak sau yakat buknayang. Dawak yulni as yulwak dakanayang: ‘Saulo, Saulo, ¿ais yamta yauita aiwamahn?’ 8Yultik dakanayang: ‘¿Waismahn, Dawan?’ Dawak dinit yulwakidika nangkitlana: ‘Yang laih Jisas Nazaret kaupak kidika yang, man uita aiwaman kidika.’ 9Yang karak uiwabangdai kidika balna tatalna, kaunah dinit as yang akat yulyabauwadai kidika laih dakakawasdai. 10Dawak yang yultik dakanayang: ‘¿Ais yamkiyah Dawan?’ Dawak yaklauwi yayulna: ‘Lawa Damasco yakat yawah. Dawak yakat mayulki ais yamnam kidika.’ 11Yaringni kaina kidika yaklauwi mikpa kidika puklakna, bahang yang karak bangdai kidika balna yaduwi uina Damasco yakat.
12“Kidika yakat al as sakdai ayangni laih Ananías, witing laih minikun talnin kidika duwadai, dawak bik Moses lāni kidika kat yamwādai; Damasco kau ju balna yalalahwa kidika bitik laih witing ayangni kidika yamni yuyulwādai. 13Ananías kiwi yatalna, bahang yayulna: ‘Wirah Saulo, watta mamakpa dutah.’ Kidika minitni yakat mikpa dunayang, bahang sipdai talnik. 14Kidika usnit kat yulna: ‘Mayang mapapangki balna Papangnina yaklauwi mawalwi yakna, witing ais yamnin kulwa kidika amanglanam, dawak bik talnam holi kidika, dawak witing palni dinit kidika bik dakanam. 15Kat man laih witing witninis alahwama bahang muih balna bitik muhnina yakat, dawak man talada, dawak dakada adika man amanglama. 16Dawak waralaih man baisa tahawinih. Lawah, dawak was kalutuh'alahwah, dawak dutma balna kidika suhta, Dawan ayangni kidika yultah.’
17“Jerusalén yakat nawattik aiwanayang kat, makatyulnin ūni yakat yawik mikit yulnayang, dawak amana kapat as talnayang. 18Dawan kidika talnayang, dawak yayulna: ‘Sirihni palni Jerusalén kaupak alahwah, kat man yang yulki yulma kidika kukulwas karangki.’ 19Yang lawik kalyulnayang: ‘Dawan, witingna yamni amanglalawi, yang, sumamalwa ūni balna bitik yakat yawik, man kau kukulwa balna kidika laihtik silak yakat duyawayang dai, dawak bik wiwiswādai, 20dawak bik man dima yamyang Esteban ihina kat, man witmanis yulwadai kidika, yang palni kidika yakat sakyang dai, yulnayang dai ina atnin, kaput bik iyang muihni balna asnina kidika bik maintalnayang dai.’#Ap.w 7:58. 21Kaunah Dawan yaklauwi yayulna: ‘Mahka ta yakat alahwah, pa naikau, nisan balna yakat masihki ki.’ ”
Pal kidika kalbauyang balnatunan nuhni kidika tingnina yakat
22Kidika yakat laih dakakana; kidika kaupak laih sararahna: “¡Adika alni laih sangka atnin awaski! ¡Adika sauni kaupak yakpamta!” 23Dawak ban sararahna, dawak asnina isisihna, sau yahamni bik mayakat ruruhmna, 24kalbauyang balna taninatuna nuhni kidika yaklawi pakna Pal kidika ū pasyakat ānin, dawak pakwak wiwisna, lāih yulna atnin, witing kidika ais yamna kat muih balna kidika kaput sararahwih, witing niningyakat. 25Wisnin yulni, uman tingni sisitna kat, Pal yaklauwi kalbauyang balna taninatuna as kau kalyulwi dakana:
—¿Man parasni manayah, Roman muihni as kidika wisnin, dawak bik baisa lani yamtasman tanitkauh?
26Kidika dakawi, kalbauyang balna tanina tuna kidika yaklauwi sihna isningpaknin, kalbauyang balna taninatuna tanit nuhni yakat, aput kalyulwi:
—¿Man ais yammayah? Adika alni laih Roman muihni as ki.
27Kaput laih kalbauyang balna taninatuna tanit nuhni kidika, Pal yaihnit yakat kiwi kalyulwi dakana:
—¿Rahmyah, man Roman muihni asmahn?
Pal yaklauwi nangnitlana:
—Agha.
28Kalbauyang taninatuna nuhni kidika kalyulna:
—Yang lalah nuhni disnayang, Roman muihni alahwinik kidika.
Dawak Pal nangnitlana:
—Yang laih batahndanayang kaupak ban kaputyang.
29Kidika karak, Pal yakat wisnin yulni yaihnit yakat bangdai kidika naikau yaklalana, kalbauyang taninatuna nuhni kidika bik; witing amanglana kat Pal kidika laih Roman muihni as kidika, dawak sīn kau sitna kidika yulni bik yamaduna.
Pal, ju balna kaluduhna tanit nuhni kidikamuhni yakat
30Payahwak, kalbauyang balna taninatuna nuhni kidika, yamni amanglanin kulna, Pal kidika ais yulni kaput kalyuyulwapa, bahang sīn sitna kidika yakwi dawi, sumalyang balna taninatuna bitik uduhna, dawak kaluduhna tanit nuhni kidika muihni balna bik. Kidika usnit kat Pal kidika witingna muhnitna yakat yakwi dulauna.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998