1 Tesalónica 3
3
1Baisa wauhnik kidika sip awas danayang bahang, kulnayang watnik, yang alas Atenas yakat,#Ap.w 17:15. 2dawak usnit kat wanaihkina Timoti Papang warkni yamyang Krais yulni wisam yamni yulwa muihni kidika sihnikna kulnayangna dai. Sihnayangna dai kiwi manayulna atnin dawak bik rahm kulnin lani dutamana kidika dulauna atnin yulni bik, 3dawak adika tranibil yulni muih as bik kulnin bukwas atnin yulni. Bahang manna yamni amanglatamana mayang laih adika wauhnin mayang kidika. 4Baisa kidika minityakat, manna karak baisa bangyangna dai kidika mani, ismangna paknayangna dai kuldi kalbaudarang kidika yulni; dawak kaput kalahna, manna uman amanglatamana kaput. 5Kidika bahang, yang laih, sip baisa minit bayaktas, muih sihnayang dai manayulwi dakana atnin rahm kulnin lani dutamana kidika ampat mana pa, bahang yamadunayang dai traini talnin kidika yaklau traimana talwakat yangna warkkina kidika dauh kalna kuduhtik.
6Kaunah waralaih Timoti laih Tesalónica#Ap.w 18:5. kaupak nawatwi kaina, dawak yul yayamni balna duaiwi yanana rahm kulnin lani dawak dalani lani dutamana kidika yulni. Yanayulna manna laih ban dalani karuk ismangnakatwa kidika yangna yulkina, dawak manna laih yangna yakat yanatalnin dukih manawi sihm yangna lawik manatalnikna dukih yanawa kaput. 7Kidika bahang, wanaihki balna, yangna trakinabil dawak kultik kalbautayangna balna kidika pasyakat, uba palni walaniānin dunayangna manna rahm kulnin lani yakat barangni mana kidika yulni. 8Manna Dawan yakat barangni mana kidika dakanayangna kat, sangka kaldakayangna. 9¿Mayang amput Madakiwan yakat tingkih lani minitbayak kaladarangyah manna yulmana dawak yangna bik manna yulmana witing muhni yakat alasna yangna kidika yulni? 10Madah dawak pukta yakat bik Papang kalni dinit buktayangna yanadawakat yangna palni manatalna atnikna dawak rahm kulnin lani dutamana kidika yakat baisa papatni awas kidika papatni yamna atnikna yulni.
11Yangna dukih yanawi Mapapangki dawak Madakiwan Jisas yaklau ilp yananawakat yawik manatalna atnikna yulni. 12Dawak Dawan yaklauwi ilp manawakat baraktanama dawak baisa dalani lani dutanama biri biri dawak muih bitik yakat bik, yangna lawik manna yakat dalani manatalayangna kaput. 13Manna ismangna kidika barangni manayamwarang, holi dawak dutni as bik dis Mapapangki muhni yakat, Madakiwan Jisas witing dini balna bitik karak nawatwi kaiwarang mani kat. Kaput karang.
Currently Selected:
1 Tesalónica 3: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
