1 Kurint 8
8
Di kasnin dini balna wayani dauh balna dini yakna kidika
1Waralaih di kasnin dini balna wayani dauh balna yakat sakripais yamwi diayana yulni kidika yultayang. Rahm ki aput yulwa kidika: muih bitik mayang kidika di amangladi; kaunah amanglanin kidika yaklau maiyamwakat nuhni kaldakadi, dalani lani kidika yaklau maiyamwakat spirit niningyakat barakda kapat. 2Muih as di amanglawa kaldakawa kidika, baisa amanglawas ki rahm palni amanglanin kaput. 3Kaunah muih as Papang yakat dalani kaltalwa kat, Papang yaklau witing yakat amangnilawi.
4Wayani dauh balna yakat di kasnin dini balna sakripais yamwi diawi usnit kat kasna atnin kidika niningkauh laih, mayang yamni amangladi wayani dauh as laih sau akat nuhni kalkulwas kidika, dawak bik amangladi Papang aslah sakkidika. 5Bahang kisang yakat dawak sau akat karang bik dawan ayangni duduwa balna kidika mahni bangkarang bik, (dawak adika kulnin lani kauh laih dawan dauh balna manas ki), 6mayang manikingkauh laih Papang aslah ki, witing kaupak di balna bitik kaiwi kalahwa kidika dawak kidika yulni mayang bik sau akat malahwana. Dawak Dawan bik aslah ki, Jisas Krais, witing munah di balna bitik kalahna kidika, mayang kat bik.#Mal 2:10; Jn 1:3; Rom 11:36; Ef 4:6; Col 1:16.
7Kaunah muih bitik amanglalawas ki di as rahm kidika. Muih balna buas wayani dauh balna yakat nining kaput minitna yuyulwadai kidika laih, kidika kasnin dini balna kaupak ban kakaswi dawan dauh balna yakat sakripais yayamna kuduh atwi; dawak kulninna lani laih yudutni bahang, wayani dauh kidika yaklau diyamwakat maisihni kaldakakawi. 8Papang yaklau maiduwarang kidika laih kasdarang kidika munah laih awas ki; bahang kasdarang kidika yulni yayamni laih kaldas karang ki, dawak kasdas karang kidika yulni bik dudutni laih kaldas karang ki. 9Kaunah manna rahm kulnin lani yudutni dutamana kidika tamatna daktanauh pri lani dutamana kidika yaklau manayamwakat dutni yakat buktas atnamna yulni. 10Kat man adika dini balna amanglataman kidika, wayani dauh balna panina yakat yalahta di kastaman, dawak mawanaihki as kulnin lani yudutni duwa kidika matalwi, sip ki witing bik kulnin dulauwi kidika kasnin dini wayani dauh yakat sakripais yamna kidika kasna atnin. 11Dawak kaput laih man, di amanglataman kidika munah yamtang kat sip ki wanaihma kulnin lani yudutni duwa muihni kidika disna atnin, witing yulni bik Krais dauna kidika. 12Mawanaihki balna rahm kulnin lani yudutni duduwa kidika yakat dutni diyamtamana kat, manna lawa Krais yakat dutni kalyamtamana.#Mt 25:45. 13Kidika bahang, yang kasnik dini kidika yulni wanaihki yakat kalyamtingkat dutni yakat bukwakat, wattik yang di muihni kasnik awas ki, yang lawik yamtingkat wanaihki kidika dutni yakat bukwas atnin yulni.
Currently Selected:
1 Kurint 8: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
