Masalmo 9
9
Kudhumisa Txizimu ngu kululama ka txona
Disalmo da Dhavhidha. Ka mthangeli wa vaembeleli - ni dipswi do khene “Kufa ka Mwanana.”
1Ani ni lava ku kudhumisa, Mkoma, ngu yotshe mbilu yangu,
ni xawutela yotshe mithumo yako yo xamalisa.
2Ni na tsaka ngu litsako la hombe ngu ngawe,
ni na embelela tindando ta
kudhumisa ditina dako, awe Txizimu Nyatxitimwi.
3Valala vangu va tutuma masoni kwako,
va humbwa, ve wa, va txi fa.
4Nguko wa vhikela fanelo yangu ni mhaka yangu,
u di khalahatshile ha txikhaloni ka wukoma,
u txi lamula ngu kululama.
5U kawukile mahedheni, u lovisile vabihi,
u pfhita matina awe, kala kupinduka.
6Valala va fite, va lovile kala kupinduka;
u khundumusete madhoropa awe,
kuwalo wu a no va alakanya kambe.
7Aniko Mkoma a na fuma yotshe mbimo.
Ene a longisete txikhalo txakwe txa wulamuli.
8A na lamula ditiko ngu kululama;
e lamula mifumo ngu nzila ya ditshuri.
9 Mkoma mbuthavelo wa va vo xaniswa,
mbuthavelo ka mbimo yo pandiseka.
10Va kuthemba avale va ku zivako,
nguko awe, Mkoma,
khu tshuraleli ava va ku lavako.
11Embelelani ka Mkoma, a fumako Siyoni,
huwelelani mithumo yakwe hagari ka mifumo.
12Ene a alakanyela ava va
xuphekako a txi va xayisa
kha divali huwa ya va va xaniswako.
13Telwa ngu wumbilu ngu ngani, Mkoma!
Wona kuxaniswa kwangu ngu vale va ni nyenyako.
Ni khukhise ha ka matimba ya lifo,
14kasi ni na sikota kuembelela
wudhumo wako ni di Siyoni
ni txi tsaka ngu kuwa u nga ni hulukisa.
15Mahedheni ma hujumete
ka diphala di ma ngadi kela;
litshenga li va nga li riya
li va bzwetile mikondo.
16 Mkoma a ti wonekisile, kambe a lamute;
nene m'bihi a bzwetilwe
ngu mithumo yakwe yo biha.
17Vathu vo biha ni mahedheni,
va kanetako Txizimu,
magwito awe ngu kuya mndiloni.
18Kambe awu i ku txisiwana
kha na mbi divalwa yotshe mbimo,
ni kuthemba kwakwe
kha ku na mbi luza ka yotshe mbimo.
19Khukha u txi ema, Mkoma,
u nga leke vathu va txi kueyisa!
Nguko m'thu kha nga ka wutxhukwana!
Mahedheni ma na lamulwe masoni kwako.
20 Mkoma, va dhukise,
va na ti zive ti to vona mbathu dwe.
Currently Selected:
Masalmo 9: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
