Masalmo 10
10
Mkombelo wo kombelela wululamo
1 Mkoma, nji txani u txi emela kule kani?
Nji txani u txi sisala
ka sikhati so xanisa kani?
2Kutikulisani kwawe, vabihi va xanisa sisiwana;
va na bzwetwe ngu milawu yi va nga riya.
3M'thu wa kubiha wa ti dhumisa ngu minavelo yakwe;
m'thu wa makolo wa ruketela
ni kunyenya Mkoma.
4Kutikulisani kwakwe m'thu wo biha
kha khatali ngu Mkoma, a khene:
“Txizimu kha txi mahi txilo ngu kuhenya ka txona.”
Ene a pimisa tito; Txizimu kha txi nga ho.
5Mithumo yakwe ya nyawula txotshe txikhati.
Kulamula kwako, Mkoma, ku txitimwi ngutu kwakwe;
ene wa poyilela valala vakwe votshe.
6Mbilu yakwe ya womba yi txi kha yona: “Kha ni na mbi nga va ni kuwiswa,
kha ni na mbi welwa ngu dikhombo, ni ditshiku ni da dimwedo.”
7 # Wona ni ka: Var. 3:14. Txisofu txakwe txi tate
ngu kuruketela, ni makuhu ni sipoyilelo;
kuwombawombani kwakwe
ku ni tshofu ni wubihi.
8Wa khalahatsha a txi baramela vathu hafuhi ni miti;
wa sisala kasi kudaya vavanene;
maso akwe ma solelela txisiwana.
9A fana ni ngonyamo yi ku diphalani ka yona;
ene wa riya milawu kasi kubzweta txisiwana;
mbimo yi a txi bzwetako wa txi ruruvisa,
e txi ndinda ngu mlawu wakwe.
10Wa bukhwama, a txi mbzwingamela,
a txi pfinya ngu syala sakwe avale va ku ni dikhombo.
11Ngu msana, a womba mbiluni kwakwe, a txi khene:
“Txizimu txa divala, txa sisa khohe ya txona, kha txi woni txilo.”
12Khukha u txi ema, Mkoma, va tsayise!
U nga divale sikulungu!
13Ngu kutxani m'bihi a txi kunyenya, awe Txizimu,
a txi womba mbiluni kwakwe, a txi khene:
“Txizimu kha txi na mbi tsayisa?”
14Aniko awe wa wona kupandiseka ni kuxaniseka,
totshe wa ti wonisisa, ni kukhatala ngu tona.
Va tutumela kwako ava vo mbi na
m'vhikeli ni va vo felwa;
awe ngawe m'vhuneteli wawe.
15Fuvisa mtamo wa vabihi ni wa vaonhi;
tsayisa kubiha kwawe, kala kuza ve fuva votshe.
16 Mkoma wa fuma kala kupinduka;
mahedheni ma na humiswe ditikoni kwakwe.
17 Mkoma, engisa mikombelo ya sisiwana;
si mbuwetele u txi si amukela.
18Lamulela ava vo felwa
ngu vaveleki, ni va va xanisekako,
ku nga ve ni wammweyo m'thu wa mafu awa,
a tshumelako a txi va xanisa.
Currently Selected:
Masalmo 10: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
