Masalmo 85
85
Kuhumelela ni wululamo
Disalmo da mtxawa wa Kora. Ka mthangeli wa vaembeleli
1 Mkoma, awe u katekisile vathu vako.
U tshumetete ka Israyeli tithomba takwe.
2U tsetselete minandu ya vathu vako,
u divate sotshe sionho sawe;
3u emisile kutsukula kwako;
u siwukisile dikhulo da kuhenya kwako.
4Hi wuyise kwako, Txizimu, muhanyisi wathu;
u txi leka ku hi henyela!
5Ina txiviti txako txi na simama kala kupinduka kani?
U na simama u txi hi henyela
ngu ka liveleko ni liveleko kani?
6Khu na mbiswa u txi hi hanyisa,
kasiku vathu vako va txi tsaka ngu ngawe kani?
7Hi kombe awe Mkoma, wumbilu wako
u hi ninga kuhanyisa kwako!
8Ni na engisa atile Txizimu txi no womba.
Kha ditshuri Mkoma a thembisile kudikha
ka vathu vakwe, ka vathu va va m'thembako
kasiku va si tshumeleli wupumbuni.
9Kha ditshuri kuhanyisa kwakwe
ku hafuhi ka vale va m'thavako
ni wudhumo wakwe wu na aka ditikoni kwathu.
10Lirando ni ditshuri si na manana;
kululama ni kudikha si na pswopswana.
11Ditshuri di na mila ngu ha mafuni
kululama ku na txhika ngu nzumani.
12Ene Mkoma a na hi ninga makatekwa
ni ditiko dathu di na ninga mihando ya dona.
13Kululama ku na thangela masoni ka Mkoma,
kasi ku mlulamisela tinzila takwe.
Currently Selected:
Masalmo 85: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
