Masalmo 79
79
Kukombela wumbilu ka Txizimu
Disalmo da Asafe
1Txizimu, vamatiko va wulete ditikoni kwako,
va nyenyezisile dithepele dako do sawuleka,
didhoropa da Jerusalema va di mahile marumbi.
2 # Wona ni ka: 2 Mak. 36:17-19; Jer. 52:12-14. Va lekile sirumbi sa vathu vako
si dyiwa ngu magwana
ni mimidi ya vakhongeli vako
yi dyiwa ngu sihari sa txitinga.
3Va theketile mnoha wa vathu vako
nga mati ka otshe madhawa a Jerusalema
ku txi pwateka ni m'thu wo va tshotsha.
4Se hi maneka hi di sekisa hagari ka vaakelani vathu;
avale va nga hi randela va hiseka ni ku hi tseketsela.
5 Mkoma, u na hi henyela
kala mbimo muni kani?
Txiluse txako txi na fana
ni mndilo wo tura kani?
6Henyela vathu ni mifumo ya vamatiko,
ava va si ku ziviko,
kambe va si ku khozeliko!
7Nguko vona va dayetete vathu vako
se ditiko va di mahile marumbi.
8U nga hi tsayise ngu mhaka
ya sionho sa vakale vathu;
hi pfele wusiwana ngu kukuluveta,
nguko mtamo wathu wu gumile!
9Hi lwele, Txizimu, Muhanyisi wathu;
hi ponise u txi hi divalela,
ngu mhaka ya wudhumo wa ditina dako do Sawuleka!
10Nguko vamatiko va na wotisa
va txi kha vona:
“Txizimu txako txi hani kani?”
Va kombe vathuvo, masoni kwathu,
kuphotela ka mnoha wa vathu vako,
awu wu nga theketwa!
11Engisa tihuwa ta vale va nga sungwa
se, ngu konaho ka mtamo wako,
hanyisa avale va nga abaniselwa kufa.
12 Mkoma, va tsayise
ka mtxhanu ni kambidi vaakelani vathu
ngu mhaka ya sionho si va nga ku mahela.
13Athu hi ku vathu vako,
hi ku tinvuta ta mtxhambi wako,
hi na kudhumisa ngu ha ku si gwitiko,
hi na embelela wudhumo wako
ka liveleko ni liveleko!
Currently Selected:
Masalmo 79: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
