Masalmo 67
67
Kubonga ngu mhaka ya kuelula
Disalmo. Ndando. Ka mthangeli wa vaembeleli. Ngu siya so embelela ngu tingoti.
1Awe Txizimu, telwa ngu wumbilu ni nathu, u hi katekisa;
maha ti to khohe yako yi txi hi woninga
2kasiku ha mafuni ti txi ziwa tinzila tako
ni ka yotshe mifumo ku txi ziwa kuhanyisa kwako.
3 Vathu, va na ku dhumise, awe Txizimu!
Va na ku dhumise vathu votshe.
4Mifumo yi na giye ngu litsako,
nguko awe u fuma vathu ngu kululama
kambe wa xayisa mifumo ya ditiko!
5 Vathu, va na ku dhumise, awe Txizimu!
Va na ku dhumise vathu votshe!
6Sekoko mafu ma humisa mihando ya ona;
kambe Txizimu, Txizimu txathu, txa hi katekisa!
7Txizimu txi na hi katekise!
Mafu otshe ma na txi thave!
Currently Selected:
Masalmo 67: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
