Masalmo 35
35
Mkombelo wo kombela kuvhunwa ngu Txizimu
Disalmo da Dhavhidha
1 Mkoma, abanisa avale va ni mangalelako;
u txi lwa ni vale va ni lwisako.
2Teka txitxhavangu txako txa hombe ni txatxidotho
u txi ta u ta ni vhuna.
3Ñola ditxhari ni nzanga u txi lwa ni vale va ni hingako;
Gela muhefemulo wangu ku khawe:
Ani ngani ni muhanyisi wako!
4Va na thelwe tingana avale va lavako ku ni daya;
va na thave va di kanganyisekile
avale va ni pimiselako kubiha.
5Va na fane ni mwasi wu wu huhiswako ngu diphuho;
ni mtamo wa Mkoma wu na va tutumise.
6Nzila yawe yi nave ni txidema ni ku rithimuka;
ni mtamo wa Mkoma wu na va hinge.
7Nguko, va ni riyete, va si nga ni txigelo;
va kete diphala va si nga ni txigelo,
kasiku ni hojomela ka dona.
8Va na humelwe ngu dikhombo di di si ziviko kuwonwa!
Va na bzwetwe ngu mlawu
wu va nga ni riyela ngu wona!
Va txi wa mu ka diphala di va ngadi kela!
9Ani na tala ngu litsako,
nguko Mkoma a ni ningile kuxula.
10Ngu yotshe mbilu yangu ni na womba ni txi khani:
“Kha txi nga ho tximwani Txizimu hahanze kwako Mkoma!
Awe wa hulukisa sisiwana ni sikulungu
ka vale i ku va mtamo ngutu kupinda sona, avale va si dyelelako!”
11Tifakazi ta makuhu ti ni wukete,
ti ni wotisile ngu timhaka ti ani ni nga mbi ti maha.
12Va ni tshumetete wunene ngu wubihi,
ni sala ni si nga ni tangu.
13Kambe, mbimo yi vona va nga txi lwala,
ani ni ti ambala disaka ni txi va xanisekela
ngu kutitona sakudya
ni ku va kombelela.
14Ni txi zumba ni txi xaniseka,
kufana ni kupandisekela mngana mwendo mwanathu;
nga wo felwa ngu mame wakwe.
15Aniko mbimo yi ni nga humbwa,
va to tshangana va txi ni seka;
va to ni randela valala vangu, kasi ku ni lwisa,
vathu vale ni si va ziviko
va to ni peketela va si karali.
16Va ni randete va txi ni xowokisela;
ve gegeresela makwasa ngu txiviti ni nani.
17 Mkoma, u na wonetela tiya kala mbimo muni kani?
Ni hulukise manzani ka sigevenga siya;
ni hulukise ka mijembe ya tingonyamo tiya.
18Ni na kudhumisa masoni ka votshe vathu vako;
ni na kudhumisa hagari ka msengeletano.
19 # Wona ni ka: Mas. 69:4; Joh. 15:25. Va nga thuke ve tsaka ngu dikhombo dangu,
avale va ni nyenyako hahanze ka mnandu;
20Vona kha va nga ni mipimiso ya kudikha;
va wukela vathu va i ku sisiwana amu ditikoni;
ve maha sikungo sa wukanganyisi,
21va asama ngutu sisofu sawe, ve womba kwangu va txi kha vona:
“Athu hi ti woni ati u nga ti maha!”
22Aniko awe, Mkoma, u ti woni nawe! U nga malale!
U nga ti hambanise ni nani, Mkoma!
23Vhumuka u wuka uya kulamulwani kwangu,
kasi kuya ni emela,
Txizimu txangu ni Mkoma wangu!
24Awe u lulamile, Mkoma, Txizimu txangu. Ni lamule.
U nga va tumelele va txi ni seka!
25Va nga thuke ve womba timbiluni kwawe va txi kha vona:
“Hi tsakile! Hi mfuvisile!”
26Va na vhilinganyiswe ve thelwa tingana
votshe vale va tsakako ngu kuxupheka kwangu;
va na tale ngu kuxowoka ni tingana
votshe vale va ti guletako va txi ni wukela.
27Aniko va na tsake va txi giya
avale va ti zivako ti to ni wamnene;
kambe va na wombe yotshe mbimo va txi kha vona:
“Mkoma mbwa hombe!
Mkoma a dhunda wunene wa txithumi txakwe!”
28Konako ni na kudhumisa, Mkoma, ngu kululama kwako;
dotshe ditshiku ni na embelela wudhumo wako!
Currently Selected:
Masalmo 35: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
