Masalmo 32
32
Kutitshanza ni kudivalelwa
Txithokozelo txa Dhavhidha
1A katekile awule sionho sakwe si nga divalelwa,
awule minandu yakwe yi nga divalelwa.
2A katekile m'thu wule mbiluni kwakwe
ku singako ni wubihi
awule, Mkoma asi maniko kugombonyeka mbiluni kwakwe.
3Mbimo yi ni nga malala,
marambu angu ma to karala
ngu kudila kwangu dotshe ditshiku.
4Nguko wusiku ni mitshikari
dianza dako di ti ti ni nemela;
Ni hisilwe ngu lisani
nga tximilwa txa malanga.
5Ni ti tshanzile kwako sionho sangu,
kha na sisa wubihi wangu, ni txi khani:
“Ni na ti tshanza ka Mkoma,
sihambunyeto sangu”;
se u divalete mnandu wa txionho txangu.
6Ngu mhaka yeto, ka mbimo ya kuxaniseka,
votshe vale va kuthembako
va na khongela kwako,
u txi ngadi u maneka;
hambi mati amangi ma txi khulunga,
kha ma na mbi va hokela.
7Awe u wuthavelo wangu;
Awe wa ni xayisa kuxanisekani;
Awe wa ni tsanisa ngu tindando
To tsanikisa ti txhatxhisako.
8“Ni na kugondisa ni txi kukomba
nzila yi u fanelako ku yi londeta;
ni na kutsimbitisa ni si leki ku kulwela.
9U nga ti mahe ku nga dihantxhi
mwendo ku nga mbongola,
asi si ku si nga ni mapimo,
asi si lavako dijoke ni matomu,
kasiku u sikota ku si ñola ngu hafuhi.”
10Timhaka tatingi ta xanisa vathu vo biha,
aniko lirando la Mkoma,
li ranganyeta avale va mthembako.
11Tsakani, kambe giyani
ngu kualakanya Mkoma,
vathu vavanene vo dhundeka;
embelelani ngu kutsaka,
anu motshenu
mi ku vo lulama ni kuthembeka!
Currently Selected:
Masalmo 32: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
