Masalmo 28
28
Mkombelo wa kulava kuvhunwa ngu Txizimu
Disalmo da Dhavhidha
1Ni na kwangula kwako, Mkoma, awe dirigwi dangu;
u nga tsive tinzeve ka mkombelo wangu.
Ngako awe u si ni engisi,
ni na fana ni vale va relelako mathowoni.
2Engisa mikombelo yangu,
ngako ni txi kudhana,
nga ti ni txi guleta manza angu,
ni txi ma yisa nyumbani kwako ko sawuleka.
3U nga ni pate ni sigevenga,
ni vale va mahako kubiha;
vona va womba kuthutha ka mu akelani wawe,
aniko timbiluni kwawe, va na ni kubiha.
4 # Wona ni ka: Mtu. 22:12. Va hakele madingano ni mithumo yawe,
madingano ni kubiha ka simaho sawe.
Va tshumetele madingano ni simaho sawe so biha;
va ninge asile si va fanelako.
5Vona kha va khatali ngu tile Mkoma a nga ti maha,
kambe kha va wonisisi mithumo yakwe ya hombe;
ngu mhaka ya eto, a na va tsayisa,
a txi va lovisa kala kupinduka.
6A na dhumiswe Mkoma,
nguko a engisile mikombelo yangu.
7 Mkoma ngene m'vhikeli wangu wa mtamo;
ni themba ene ekha, ene a ni vhuni,
ngu toneto mbilu yangu yi tsakile,
se ni na dhumisa ngu kuembelela tindando.
8 Mkoma ngene i ku mtamo wa ngamu yakwe;
ene wa lwela ni kuhanyisa
mfumeli wu a nga msawula.
9 Mkoma, hulukisa ngamu yako,
u txi katekisa vathu va va kulumbako;
va xayise nga m'dyisi,
u txi va vekisa kala kupinduka.
Currently Selected:
Masalmo 28: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
