Masalmo 120
120
Kukombela kuvhunwa
Ndando ya vapfhumba
1Kuxanisekani kwangu,
ni pekile huwa ka Mkoma,
se ene a ni engisile.
2Ni hulukise, Mkoma,
ka vathu va makuhu ni ka vakanganyisi.
3U na wuyelwa ngu txani,
u na mana txhatxhazelo muni
awe lidimi la makuhu ni lo kanganyisa kani?
4U na fulwa ngu miseve yo lotwa ya yimbi.
Ya kuhiswa ha mndiloni ka makala a mndonga wa msonje.
5Dikhombo dangu ani ni hanyako Meseki,
ani ni zumbako ka matenda a Mkedhari!
6Se ni hanyile mbimo yayingi
hangari ka vale va nyenyako kudikha,
7Ani ni dikhile, ngu kuva ni womba-womba,
vona se va mndani ka yimbi!
Currently Selected:
Masalmo 120: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
