Masalmo 112
112
Litsako la wule a thembekako ka Txizimu
1Dhumisani Mkoma!
A katekile m'thu wule a thavako Mkoma
a dhundako kuvekisa milayo yakwe.
2Liveleko lakwe li nava ni mtamo ha mafuni;
li na katekiswa liveleko la vo lulama.
3Mtini kwawe ku na tala ngu kupfuna ni tithomba
kuhumelela kwawe ku na simama kala kupinduka.
4M'thu wo lulama a fana ni liwoningo li woningako txidemani;
ene ana ni wuxinji, ni wumbilu, ni wunene.
5A katekile m'thu wu a pfelako wusiwana e lombisa
a tsimbitisako mabhindu ngu kululama ni ditshuri;
6ene i ku wo thembeka, kha na mbi wa hahatshi
a na zumba a txi alakanywa yotshe mbimo.
7Kha kanakani ngako a txi engisa timhaka to biha,
nguko mbilu yakwe yi tsani ni kuthemba Mkoma.
8Mbilu yakwe yi tsani, kha yi thavi txilo,
ene wa themba ti to valala vakwe va na xulwa.
9 # Wona ni ka: 2 Vak. 9:9. Silo sakwe a abana ni sisiwana,
aniko thomba yakwe yi na simama kala kupinduka
a na va wa mtamo ni kuxonipheka.
10M'thu wo biha, a txi na ti wona tiya, a na henya;
a na gegeresela makwasa e ti sotela;
Kunavela ka vathu vo biha ku na fuva.
Currently Selected:
Masalmo 112: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
