Masalmo 111
111
Kudhumiswa ka Txizimu
1Dhumisani Mkoma!
Ni na dhumisa Mkoma ngu yotshe mbilu yangu
txikungoni ka valulami ni msengeletanoni ka vathu.
2Mithumo ya Mkoma nja hombe
yi lawako ngu votshe vale va manako kutsaka ka yona.
3Mithumo yakwe yi tate ngu wunene ni kudhundeka
kululama kwakwe kusimama kala kupinduka.
4 Mkoma kha hi leki hi divala sidiwukiso sakwe;
ene a tate ngu wunene ni wumbilu;
5wa ninga sakudya ka vale va mthavako;
wa alakanya txitumelelano txakwe yotshe mbimo!
6A kombisile ka vathu vakwe mtamo wa mithumo yakwe,
ngu kuvaninga thomba ya vamatiko.
7Totshe ti a ti mahako nda ditshuri ni kululama;
milayo yakwe yi thembekile,
8nguko yi tsanisilwe kala kupinduka
yi mahilwe ngu ditshuri ni kululama.
9Ene a thusile vathu vakwe
e maha navo txitumelelano txo mbina magwito.
Txizimu txi sawulekile, txi ni mtamo!
10 # Wona ni ka: Job. 28:28; Mav. 1:7; 9:10. Wuzivi wa ditshuri ngu kuthava Txizimu;
avale va txi khozelako va na ni mapimo.
Txi na dhumiswe Txizimu kala kupinduka!
Currently Selected:
Masalmo 111: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
