Masalmo 106
106
Wunene wa Txizimu ka Israyeli
1 # Wona ni ka: 1 Mak. 16:34; 2 Mak. 5:13; 7:3; Mas. 100:5; 107:1; 118:1; 136:1; Jer. 33:11. Dhumisani Mkoma!
Bongani Mkoma, nguko ene mbwa mnene,
nguko lirando lakwe kha li nga ni magwito.
2I mani a sikotako kuxawutela
mithumo ya hombe ya Mkoma?
I mani a sikotako kupfalisa
wotshe wudhumo wakwe kani?
3Va katekile avale va vekisako milayo yakwe
avale va mahako kululama yotshe mbimo.
4Ni alakanye, Mkoma,
ngu lirando li u ku nalo ka vathu vako.
Ngono u ta ni hanyisa,
5kasiku ni wona kuhumelela ka vale u nga va sawula,
ni txi tsakela makatekwa a vathu vako,
ni txi ti guleta kumweko ni vale va kulumbako.
6Hi onhile kufana ni vakale vathu;
hi onhile, hi mahile kubiha.
7 # Wona ni ka: Eks. 14:10-12. Vatate vathu, mbimo yi va nga ti Egipta,
kha va khatala ngu sidiwukiso sako;
kha va alakanya lirando lako la hombe
aniko va kuwukete,
hafuhi ka linene lo Bhilivila.
8Aniko Txizimu txi va hanyisile, kasi kudhumisa ditina da txona
ni kumaha ti to wu txi ziwa mtamo wa txona.
9Txizimu txi kawukile Linene lo Bhilivila,
se linene li txi phwa.
Txi va txhatukisile ngu ha kuetani ka linene,
va txi nga vo tsimbila txiwulani.
10Ngu toneto, txi va hulukisile ka vale va nga ti va venga
txi va tirula mtamoni ka valala.
11Mati ma mitile valala vawe;
ve fa, ku si sali ni wammweyo.
12Sekoko va to kholwa ka mapswi a Txizimu
ve txi dhumisa ngu kuembelela tindando.
13Aniko va kuluvetile ve divala mithumo ya Txizimu
se kha va rinzela kuwona makungo a txona.
14Va di txiwulani, va to xengwa ngu minavelo yo biha,
ve duka Txizimu kona.
15Txizimu txi va ningile asi va nga kombela,
aniko txi va pekile ngu mtungu mimindini kwawe.
16Se va di wugoveloni kwawe,
va to bavela Mosi ni Aroni,
msawuleki wa Mkoma.
17Se mafu ma to tuleka, me mita Dhatani;
Abhiramu ni ngamu yakwe va mitilwe ni vona;
18Ku to relela mndilo wu txi wa txitimwi kwawe,
wu hisa votshe avale va nga txi mahetela to biha.
19Mmangoni ka Horebhi va mahile dirole da nzalama
ve khozela txithombe txile txa simbi yo nyivilikiswa;
20va to leka Txizimu, txi i ku wudhumo wawe,
ve khozela txithombe txa txihari txi txi dyako mwasi.
21Va divate Txizimu, Muhanyisi wawe,
atxi txi nga va mahela sixamaliso ditikoni ka Egipta.
22Txi nga va mahela sidiwukiso ditikoni ka Kamu
ni simaha so thisa lineneni ko Bhilivila.
23Txizimu txi pimisile ku va lovisa.
Aniko, Mosi, msawuleki wa Txizimu, a va kombelete,
kasiku Txizimu txi kuthutha,
txi si va lovisi.
24Kha va khatala ngu ditiko dile do tshura,
kambe kha va kholwa ka sithembiso sa Txizimu.
25Va to khata kungungurukela
va di matendani kwakwe,
ve eyisa sileleto sa Mkoma.
26Ngu toneto, Txizimu txi to gula diwoko, txi xambanya
ti to txi na va leka va txi fa txiwulani,
27ti to txi na hangalasa vanana vawe hagari ka vamatiko,
txi va hangalasa hagari ka mifumo.
28Se va to khozela Bhahali-Peyori,
va txi dya timhamba to mahelwa vafi.
29Ngu simaho sawe so biha va wusile kuhenya ka Txizimu,
se ngu mhaka yeto mtungu wu hangalakile hagari kwawe.
30Konako ku humelete Finiyasi a txi va lamula
se mtungu wu to guma.
31Mhakeyo yi mahile ti to ene
e maneka i di wo lulama
awu a no simama e alakanywa
ka liveleko ni liveleko yotshe mbimo.
32Va to henyisa Txizimu kambe milongani ka Meribha,
se ngu mhaka yawe, Mosi a tsayisilwe,
33nguko va m'henyisile Mosi aha koza,
e womba-womba mapswi o mbi lulama.
34Kha va fuvisa vathu va matiko,
avava Mkoma a nga ti va rumile ku va fuvisa,
35se aniko va to ti patanisa kumweko navo,
ve tekelela mtumbuluko wa mahanyelo awe;
36ve khozela sithombe sawe,
asi si nga va khuvekisa.
37 # Wona ni ka: 2 Vafu. 17:17. Va ti phaxa ngu kuningela vanana vawe
vavafana ni vamahorana
ve va maha mhamba ka ona madhimoniyo.
38 # Wona ni ka: Mit. 35:33. Va theketile mnoha wo mbi na mnandu,
mnoha wa vanana vawe va vafana ni mahorana,
ve phaxela ngu wona ka sithombe sa Kanana
se ka toneto va nyenyezisile ditiko.
39Ka toneto ni vona va ti nyenyezisile ngu mithumo yawe
ve maneka va sa thembeka ka Txizimu.
40 # Wona ni ka: Val. 2:14-18. Ngu toneto, Mkoma a to henyela vathu vakwe,
e tsukula vathu va i kuthomba yakwe.
41A va ningete mtamoni ka vamatiko,
ve fumelwa ngu vale va nga ti va vengela.
42Vona va xanisilwe ngu valala vawe,
ve mahwa tikhumbi tawe.
43Sikhati so tala Mkoma a va hulukisile,
aniko vona va eyisile makungo akwe,
ve ti beta ngutu mu kubihani kwawe.
44Kambe Mkoma, mbimo yi a nga va wona va txi pandiseka,
e engisa kudila kwawe,
45a to alakanya txitumelelano
txi a nga maha navo
e telwa ngu wusiwana navo,
nguko lirando lakwe nda hombe.
46Ngu toneto, a mahile ti to va ka Israyeli ve pfelwa wusiwana
ngu vale va nga va maha tikhumbi.
47 # Wona ni ka: 1 Mak. 16:35-36. Hi hanyise, Mkoma, Txizimu txathu!
Hi humise hagari ka vamatiko, u txi hi sengeleta,
kasi ku hi txi kubonga, Txizimu txo Sawuleka
hi txi kutsakela ngu ku kudhumisa.
48A na bongwe Mkoma Txizimu txa Israyeli,
konkuwa ni yotshe mbimo!
Votshe vathu va na wombe va txi kha vona:
“Amen!”
Dhumisani Mkoma!
Currently Selected:
Masalmo 106: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Masalmo 106
106
Wunene wa Txizimu ka Israyeli
1 # Wona ni ka: 1 Mak. 16:34; 2 Mak. 5:13; 7:3; Mas. 100:5; 107:1; 118:1; 136:1; Jer. 33:11. Dhumisani Mkoma!
Bongani Mkoma, nguko ene mbwa mnene,
nguko lirando lakwe kha li nga ni magwito.
2I mani a sikotako kuxawutela
mithumo ya hombe ya Mkoma?
I mani a sikotako kupfalisa
wotshe wudhumo wakwe kani?
3Va katekile avale va vekisako milayo yakwe
avale va mahako kululama yotshe mbimo.
4Ni alakanye, Mkoma,
ngu lirando li u ku nalo ka vathu vako.
Ngono u ta ni hanyisa,
5kasiku ni wona kuhumelela ka vale u nga va sawula,
ni txi tsakela makatekwa a vathu vako,
ni txi ti guleta kumweko ni vale va kulumbako.
6Hi onhile kufana ni vakale vathu;
hi onhile, hi mahile kubiha.
7 # Wona ni ka: Eks. 14:10-12. Vatate vathu, mbimo yi va nga ti Egipta,
kha va khatala ngu sidiwukiso sako;
kha va alakanya lirando lako la hombe
aniko va kuwukete,
hafuhi ka linene lo Bhilivila.
8Aniko Txizimu txi va hanyisile, kasi kudhumisa ditina da txona
ni kumaha ti to wu txi ziwa mtamo wa txona.
9Txizimu txi kawukile Linene lo Bhilivila,
se linene li txi phwa.
Txi va txhatukisile ngu ha kuetani ka linene,
va txi nga vo tsimbila txiwulani.
10Ngu toneto, txi va hulukisile ka vale va nga ti va venga
txi va tirula mtamoni ka valala.
11Mati ma mitile valala vawe;
ve fa, ku si sali ni wammweyo.
12Sekoko va to kholwa ka mapswi a Txizimu
ve txi dhumisa ngu kuembelela tindando.
13Aniko va kuluvetile ve divala mithumo ya Txizimu
se kha va rinzela kuwona makungo a txona.
14Va di txiwulani, va to xengwa ngu minavelo yo biha,
ve duka Txizimu kona.
15Txizimu txi va ningile asi va nga kombela,
aniko txi va pekile ngu mtungu mimindini kwawe.
16Se va di wugoveloni kwawe,
va to bavela Mosi ni Aroni,
msawuleki wa Mkoma.
17Se mafu ma to tuleka, me mita Dhatani;
Abhiramu ni ngamu yakwe va mitilwe ni vona;
18Ku to relela mndilo wu txi wa txitimwi kwawe,
wu hisa votshe avale va nga txi mahetela to biha.
19Mmangoni ka Horebhi va mahile dirole da nzalama
ve khozela txithombe txile txa simbi yo nyivilikiswa;
20va to leka Txizimu, txi i ku wudhumo wawe,
ve khozela txithombe txa txihari txi txi dyako mwasi.
21Va divate Txizimu, Muhanyisi wawe,
atxi txi nga va mahela sixamaliso ditikoni ka Egipta.
22Txi nga va mahela sidiwukiso ditikoni ka Kamu
ni simaha so thisa lineneni ko Bhilivila.
23Txizimu txi pimisile ku va lovisa.
Aniko, Mosi, msawuleki wa Txizimu, a va kombelete,
kasiku Txizimu txi kuthutha,
txi si va lovisi.
24Kha va khatala ngu ditiko dile do tshura,
kambe kha va kholwa ka sithembiso sa Txizimu.
25Va to khata kungungurukela
va di matendani kwakwe,
ve eyisa sileleto sa Mkoma.
26Ngu toneto, Txizimu txi to gula diwoko, txi xambanya
ti to txi na va leka va txi fa txiwulani,
27ti to txi na hangalasa vanana vawe hagari ka vamatiko,
txi va hangalasa hagari ka mifumo.
28Se va to khozela Bhahali-Peyori,
va txi dya timhamba to mahelwa vafi.
29Ngu simaho sawe so biha va wusile kuhenya ka Txizimu,
se ngu mhaka yeto mtungu wu hangalakile hagari kwawe.
30Konako ku humelete Finiyasi a txi va lamula
se mtungu wu to guma.
31Mhakeyo yi mahile ti to ene
e maneka i di wo lulama
awu a no simama e alakanywa
ka liveleko ni liveleko yotshe mbimo.
32Va to henyisa Txizimu kambe milongani ka Meribha,
se ngu mhaka yawe, Mosi a tsayisilwe,
33nguko va m'henyisile Mosi aha koza,
e womba-womba mapswi o mbi lulama.
34Kha va fuvisa vathu va matiko,
avava Mkoma a nga ti va rumile ku va fuvisa,
35se aniko va to ti patanisa kumweko navo,
ve tekelela mtumbuluko wa mahanyelo awe;
36ve khozela sithombe sawe,
asi si nga va khuvekisa.
37 # Wona ni ka: 2 Vafu. 17:17. Va ti phaxa ngu kuningela vanana vawe
vavafana ni vamahorana
ve va maha mhamba ka ona madhimoniyo.
38 # Wona ni ka: Mit. 35:33. Va theketile mnoha wo mbi na mnandu,
mnoha wa vanana vawe va vafana ni mahorana,
ve phaxela ngu wona ka sithombe sa Kanana
se ka toneto va nyenyezisile ditiko.
39Ka toneto ni vona va ti nyenyezisile ngu mithumo yawe
ve maneka va sa thembeka ka Txizimu.
40 # Wona ni ka: Val. 2:14-18. Ngu toneto, Mkoma a to henyela vathu vakwe,
e tsukula vathu va i kuthomba yakwe.
41A va ningete mtamoni ka vamatiko,
ve fumelwa ngu vale va nga ti va vengela.
42Vona va xanisilwe ngu valala vawe,
ve mahwa tikhumbi tawe.
43Sikhati so tala Mkoma a va hulukisile,
aniko vona va eyisile makungo akwe,
ve ti beta ngutu mu kubihani kwawe.
44Kambe Mkoma, mbimo yi a nga va wona va txi pandiseka,
e engisa kudila kwawe,
45a to alakanya txitumelelano
txi a nga maha navo
e telwa ngu wusiwana navo,
nguko lirando lakwe nda hombe.
46Ngu toneto, a mahile ti to va ka Israyeli ve pfelwa wusiwana
ngu vale va nga va maha tikhumbi.
47 # Wona ni ka: 1 Mak. 16:35-36. Hi hanyise, Mkoma, Txizimu txathu!
Hi humise hagari ka vamatiko, u txi hi sengeleta,
kasi ku hi txi kubonga, Txizimu txo Sawuleka
hi txi kutsakela ngu ku kudhumisa.
48A na bongwe Mkoma Txizimu txa Israyeli,
konkuwa ni yotshe mbimo!
Votshe vathu va na wombe va txi kha vona:
“Amen!”
Dhumisani Mkoma!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.