Masalmo 107
107
DIBHUKU DA WUTXHANU
(Masalmo 107--150)
Kubonga Txizimu ngu mhaka ya wunene wa txona
1 # Wona ni ka: 1 Mak. 16:34; 2 Mak. 5:13; 7:3; Mas. 100:5; 106:1; 118:1; 136:1; Jer. 33:11. Bongani Mkoma, nguko ene mnene,
nguko wunene wakwe mbwa yotshe mbimo.
2Va na wombe toneto kwakwe avale ene a nga va tirula,
avale a nga va hulukisa mtamoni ka mlala,
3a va wuyisile ngu matikoni,
ka wutxani ni ka mswa-ditambo,
ka Wuphemba ni ka Wulambwe.
4Va to timela, ve pengapenga txiwulani,
va si mani nzila ya ku va yisa
ka didhoropa do zumba ka dona;
5va pfite nzala ni ditora;
mahika awe me khata kurereka.
6Aniko kupandisekani kwawe, va to dila ka Mkoma
se ene a to va hulukisa kuxanisekani kwawe.
7A to va tsimbitisa ngu nzila yo lulama,
e va yisa ka ditiko di va fanelako kuaka ka dona.
8Bongani Mkoma, ngu mhaka ya wunene wakwe
ni sidiwukiso sakwe a mahelako vathu!
9Nguko ene wa tima ditora ka vale va di pfako,
wa khurisa avale va pfako nzala.
10Vamwani va ti ti hanya mu txidemani ni mtsudini ka lifo,
na va di sungilwe ngu sixaniso ni titxhini,
11ngu kuva va di eyisile sileleto sa Txizimu
ni kunyenya mithetho ya Nyatxitimwi.
12Txizimu txi va rwekile sikarato so nemela,
ve humbwa ve wa, ku si maneki
ni wammweyo wa ku va vhuna.
13Sekoko, va to dila ka Mkoma kupandisekani kwawe,
se ene a to va xanguta kuxanisekani kwawe.
14A va humisile txidemani
ni mtsudini ka lifo,
kambe a bhenute makhodha awe.
15Bongani Mkoma, ngu mhaka ya lirando lakwe
ni sidiwukiso sakwe a mahelako vathu!
16Ene a bhandisete matimba a tisimbi
e komolela minaneko ya sikete.
17Vamwani va mahile sipumbu ngu mhaka ya sionho sawe,
ve xaniseka ngu mhaka ya minandu yawe
18sotshe sakudya si ti va xamukisa,
se va ti hafuhi ni kufa.
19Sekoko va to dila ka Mkoma kupandisekani kwawe,
se ene a to va xanguta kuxanisekani kwawe.
20Ngu dipswi da txona Txizimu txi va hanyisile
txi txi va hulukisa ka lifo!
21Bongani Mkoma ngu mhaka ya lirando lakwe
ni sidiwukiso sakwe a mahelako vathu!
22Phaxani timhamba ta kubonga
mi txi huwelela mithumo yakwe ngu litsako.
23Avale va tsimbilako mu lineneni ngu sitimela sa mati,
kasi kumaha wukwewu mu matini ka hombe,
24evo va woni mithumo ya Mkoma
ni sidiwukiso sakwe hagari ka linene.
25Ngu kurumwa ngu Mkoma,
diphuho da futeta ngu mtamo,
adi di kukumukisako mavimbi a linene;
26sitimela sa mati sa rinzwa si txi ya txitimwi,
si relela si txi ya hahatshi ka kueta.
Se vathu ve rereka ngu kuthava phango;
27va to pfa lizungu ve dhedhereka nga vo leva,
ni wotshe wutxhari wawe wu si va vhuni txilo.
28Sekoko va to dila ka Mkoma kupandisekani kwawe,
se ene a to va xanguta kuxanisekani kwawe.
29A malatile txihuhuri, ku txi tenga,
ni mavimbi a linene me renga.
30Mbimo yi va nga wona kurenga ka mavimbi va to tsaka
se Txizimu txi va hokisile txithoni mu va navelako kona.
31Bongani Mkoma, ngu mhaka ya lirando lakwe
ni sidiwukiso sakwe a mahelako vathu!
32Mu pfaliseni hagari ka msengeletano wa vathu,
m'dhumiseni hagari ka dibanza da madhota.
33 Mkoma wa txitxa minambo yi maha txiwula
ni milonga yi maha txigwangwa;
34wa hindula mafu o nona ma txi maha o savala,
ngu mhaka ya wubihi wa vaaki va kona;
35wa hindula siwula si maha maziva a mati
ni mafu a txigwangwa me maha milonga,
36kasi kuveka konemo avale va ku ni nzala
ti to ve aka kona madhoropa awe.
37Ve phaya tithembwe ta sakudya ni ta mivhinya
ve elula mihando yo tala.
38Se Mkoma a to va katekisa a txi va andisa ngutu
asi hunguli mtengo wa sihari sawe sa sifuyo.
39Vona va hungutwe ve maha vavadotho
ngu mhaka ya sixaniso, makhombo ni sikarato.
40Aniko Txizimu txi nyenya vaxanisi
txi va pengapengisa txiwulani ko mbi na tinzila.
41Txa humisa txisiwana mu kuxuphekani ka txona
txi andisa ngamu ya txona nga mtxhambi wa tinvuta.
42Vathu vavanene, ngako va txi wona tiya, va tsaka,
aniko avale i ku vo biha, va malala.
43Awule i ku wo ziva, a na yi wonisisa mhaka yiya,
e pimisa lirando la Mkoma.
Currently Selected:
Masalmo 107: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Masalmo 107
107
DIBHUKU DA WUTXHANU
(Masalmo 107--150)
Kubonga Txizimu ngu mhaka ya wunene wa txona
1 # Wona ni ka: 1 Mak. 16:34; 2 Mak. 5:13; 7:3; Mas. 100:5; 106:1; 118:1; 136:1; Jer. 33:11. Bongani Mkoma, nguko ene mnene,
nguko wunene wakwe mbwa yotshe mbimo.
2Va na wombe toneto kwakwe avale ene a nga va tirula,
avale a nga va hulukisa mtamoni ka mlala,
3a va wuyisile ngu matikoni,
ka wutxani ni ka mswa-ditambo,
ka Wuphemba ni ka Wulambwe.
4Va to timela, ve pengapenga txiwulani,
va si mani nzila ya ku va yisa
ka didhoropa do zumba ka dona;
5va pfite nzala ni ditora;
mahika awe me khata kurereka.
6Aniko kupandisekani kwawe, va to dila ka Mkoma
se ene a to va hulukisa kuxanisekani kwawe.
7A to va tsimbitisa ngu nzila yo lulama,
e va yisa ka ditiko di va fanelako kuaka ka dona.
8Bongani Mkoma, ngu mhaka ya wunene wakwe
ni sidiwukiso sakwe a mahelako vathu!
9Nguko ene wa tima ditora ka vale va di pfako,
wa khurisa avale va pfako nzala.
10Vamwani va ti ti hanya mu txidemani ni mtsudini ka lifo,
na va di sungilwe ngu sixaniso ni titxhini,
11ngu kuva va di eyisile sileleto sa Txizimu
ni kunyenya mithetho ya Nyatxitimwi.
12Txizimu txi va rwekile sikarato so nemela,
ve humbwa ve wa, ku si maneki
ni wammweyo wa ku va vhuna.
13Sekoko, va to dila ka Mkoma kupandisekani kwawe,
se ene a to va xanguta kuxanisekani kwawe.
14A va humisile txidemani
ni mtsudini ka lifo,
kambe a bhenute makhodha awe.
15Bongani Mkoma, ngu mhaka ya lirando lakwe
ni sidiwukiso sakwe a mahelako vathu!
16Ene a bhandisete matimba a tisimbi
e komolela minaneko ya sikete.
17Vamwani va mahile sipumbu ngu mhaka ya sionho sawe,
ve xaniseka ngu mhaka ya minandu yawe
18sotshe sakudya si ti va xamukisa,
se va ti hafuhi ni kufa.
19Sekoko va to dila ka Mkoma kupandisekani kwawe,
se ene a to va xanguta kuxanisekani kwawe.
20Ngu dipswi da txona Txizimu txi va hanyisile
txi txi va hulukisa ka lifo!
21Bongani Mkoma ngu mhaka ya lirando lakwe
ni sidiwukiso sakwe a mahelako vathu!
22Phaxani timhamba ta kubonga
mi txi huwelela mithumo yakwe ngu litsako.
23Avale va tsimbilako mu lineneni ngu sitimela sa mati,
kasi kumaha wukwewu mu matini ka hombe,
24evo va woni mithumo ya Mkoma
ni sidiwukiso sakwe hagari ka linene.
25Ngu kurumwa ngu Mkoma,
diphuho da futeta ngu mtamo,
adi di kukumukisako mavimbi a linene;
26sitimela sa mati sa rinzwa si txi ya txitimwi,
si relela si txi ya hahatshi ka kueta.
Se vathu ve rereka ngu kuthava phango;
27va to pfa lizungu ve dhedhereka nga vo leva,
ni wotshe wutxhari wawe wu si va vhuni txilo.
28Sekoko va to dila ka Mkoma kupandisekani kwawe,
se ene a to va xanguta kuxanisekani kwawe.
29A malatile txihuhuri, ku txi tenga,
ni mavimbi a linene me renga.
30Mbimo yi va nga wona kurenga ka mavimbi va to tsaka
se Txizimu txi va hokisile txithoni mu va navelako kona.
31Bongani Mkoma, ngu mhaka ya lirando lakwe
ni sidiwukiso sakwe a mahelako vathu!
32Mu pfaliseni hagari ka msengeletano wa vathu,
m'dhumiseni hagari ka dibanza da madhota.
33 Mkoma wa txitxa minambo yi maha txiwula
ni milonga yi maha txigwangwa;
34wa hindula mafu o nona ma txi maha o savala,
ngu mhaka ya wubihi wa vaaki va kona;
35wa hindula siwula si maha maziva a mati
ni mafu a txigwangwa me maha milonga,
36kasi kuveka konemo avale va ku ni nzala
ti to ve aka kona madhoropa awe.
37Ve phaya tithembwe ta sakudya ni ta mivhinya
ve elula mihando yo tala.
38Se Mkoma a to va katekisa a txi va andisa ngutu
asi hunguli mtengo wa sihari sawe sa sifuyo.
39Vona va hungutwe ve maha vavadotho
ngu mhaka ya sixaniso, makhombo ni sikarato.
40Aniko Txizimu txi nyenya vaxanisi
txi va pengapengisa txiwulani ko mbi na tinzila.
41Txa humisa txisiwana mu kuxuphekani ka txona
txi andisa ngamu ya txona nga mtxhambi wa tinvuta.
42Vathu vavanene, ngako va txi wona tiya, va tsaka,
aniko avale i ku vo biha, va malala.
43Awule i ku wo ziva, a na yi wonisisa mhaka yiya,
e pimisa lirando la Mkoma.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.