Masalmo 105
105
Txizimu ni vathu va txona
(1 Makronika 16:8-22)
1Bongani Mkoma, huwelelani wuhombe wakwe;
nuwelani hagari ka vathu
atile ene a nga ti maha.
2Embelelani tindando ta kum'dhumisa;
womba-wombani ngu mithumo yakwe ya kuxamalisa!
3Ti guleteni ngu ngene,
nguko Njxizimu txo sawuleka.
Tsakani motshenu anu mi lavako Mkoma!
4Tutumelani ka Mkoma ni ka mtamo wakwe;
lavani khohe yakwe yotshe mbimo.
5Alakanyani mithumo yakwe ya kuxamalisa,
sidiwukiso sakwe ni kulamula ka txisofu txakwe,
6Anu vanana va Abrahamu, txithumi txakwe,
ni nanu vanana va Jakobe, msawulwa wakwe.
7Kambe ene ngene Mkoma, Txizimu txathu;
wulamuli wakwe wu ka otshe mafu!
8 Mkoma wa alakanya yotshe mbimo txitumelelano txi a nga tximaha,
txitumelelano txi a nga xambanya ku txi veketa
ka tiveleko ta magumi a mazana.
9Txitumelelano txi a nga txi maha ni Abrahamu,
txixambanyo txi a nga txi maha ka Isaake.
10A txi tsanisile txi maha mlayo ka Jakobe,
txi maha txitumelelano txo mbi guma ka Israyeli,
11mbimo yi a nga womba a txi khene:
“Ni na kuninga ditiko da Kanana,
di maha thomba yi yi kulumbako.”
12Mbimo yi Vaisrayeli i nga ti vavadotho,
i nga ti valuveli ditikoni ka Kanana;
13mbimo yi va nga ti tsimbilatsimbila ka ditiko ni ditiko
va txi penga ngu ka mfumo ni mfumo,
14Txizimu kha txa tumela ti to ni wammweyo e va xupha.
Ngu mhaka yawe txi kawukile vafumeli, txi txi kha txona:
15“Mi nga gweseni ava ni nga va sawula,
mi nga xupheni vaprofeti vangu.”
16Txizimu txi vangile nzala txitimwi ka otshe mafu
txi lovisile tithembwe totshe ta fulaho.
17 # Wona ni ka: Gen. 37:28; 45:5. Aniko txona txi rumete m'thu masoni kwawe:
Josefa a nga xaviswa nga khumbi,
18va txi msunga ngu titxhini mikondoni
ni dikhodha da simbi thamoni kwakwe,
19kala kuza ti maheka atiya Josefa a nga ti ti wombile,
se dipswi da Mkoma di kombisile
ti to Josefa a womba ditshuri.
20Mfumeli a rumile ti to ve m'humisa;
mkhozisi wa vathu a to mtxhatxha;
21a to muemisela ku e va mthangeli wa nyumba yakwe
eva i di mxayisi wa totshe tithomba takwe,
22a txi va ni mtamo wo gondisa tinduna ta mfumeli
ni kugondisa wuzivi ka madhota.
23 # Wona ni ka: Gen. 46:6; 47:11. Sekoko Jakobe a to tsula ditikoni ka Egipta
a ti ya hanya koneyo kota mluveli.
24Txizimu txi andisile ngutu vathu va txona,
txi va ninga mtamo wo pinda valala vawe.
25Txi mahile ti to Vaegipta
ve venga vathu va txona
ve fumela ngu tshofu vathumi va txona.
26Se Txizimu txi to ruma txithumi txa txona Mosi ka Aroni,
awu txi nga msawula.
27Ve komba ka Vaegipta sidiwukiso si txi nga va gela
ve maha sixamaliso ditikoni ka Kamu.
28 # Wona ni ka: Eks. 10:21-23. Txizimu txi rumete txidema txi fenengeta Vaegipta,
aniko vona kha va khatala ngu txiziviso txiya.
29 # Wona ni ka: Eks. 7:17-21. Txizimu txi hindute mati a minambo me maha mnoha,
se txi daya sotshe sihaka;
30txi tatile ditiko ngu makhele,
awa ma nga hoka mndani ka tinyumba ta mfumeli.
31 # Wona ni ka: Eks. 8:16-17,20-24. Txizimu txi rumile ku txi humelela mtungu wa tiphuka
ni tithwala ka dotshe ditiko da Egipta.
32Ha wukhaloni ka mati
Txizimu txi to nisa maralala
ni midhikila ya mndilo ha ditikoni kotshe.
33Txi fuvisile tithembwe tawe ta mivhinya ni mixanvu
txi komolela mindonga ya tithembweni kwawe.
34 # Wona ni ka: Eks. 10:12-15. Txizimu txi rumile, ku so humelela humbi;
ni txigoñwani txo mbi balwa.
35Si dyela wotshe mwasi wa tithembweni kwawe
ni yotshe mihando ya mafu awe.
36Txi tsayisile ngu lifo vanana va matiwula
vanana vo khata, ka totshe timwaya ta Vaegipta.
37Txizimu txi humisile vathu va txona,
va di rwate silivhela ni nzalama
ku ti si nga ho wo lwala hagari kwawe.
38Vaegipta va to tsaka
ngu ku va wona ve huma,
nguko va ti ti va thava ngutu.
39 # Wona ni ka: Eks. 13:21-22. Txizimu txi to nawuluta direfu txi fenengeta va ka Israyeli ni mitshikari
txi wuyisa mndilo wa ku va woninga ni wusiku.
40Va to txi kombela,
txi txi va ninga titshukwa;
txi va khurisa ngu m'baba wa nzumani.
41Txi to tula dirigwi, ku txi huma mati,
ma txi khulunga txiwulani nga mnambo.
42Txizimu txi to alakanya mapswi a txona o sawuleka,
awa txi nga xambanya ka Abrahamu msawulwa wa txona.
43Se txi humisile vathu va txona va di tsakile
vasawuleki va txona
va txi peka mikulungwani.
44Txi va ningile ditiko di i nga ti da vamwani vathu
ve dya mitxelo ya kudimwa ngu vamatiko,
45kasiku ve vekisa milayo ya txona
ni kuxonipha sileleto sa txona.
Dhumisani Mkoma!
Currently Selected:
Masalmo 105: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Masalmo 105
105
Txizimu ni vathu va txona
(1 Makronika 16:8-22)
1Bongani Mkoma, huwelelani wuhombe wakwe;
nuwelani hagari ka vathu
atile ene a nga ti maha.
2Embelelani tindando ta kum'dhumisa;
womba-wombani ngu mithumo yakwe ya kuxamalisa!
3Ti guleteni ngu ngene,
nguko Njxizimu txo sawuleka.
Tsakani motshenu anu mi lavako Mkoma!
4Tutumelani ka Mkoma ni ka mtamo wakwe;
lavani khohe yakwe yotshe mbimo.
5Alakanyani mithumo yakwe ya kuxamalisa,
sidiwukiso sakwe ni kulamula ka txisofu txakwe,
6Anu vanana va Abrahamu, txithumi txakwe,
ni nanu vanana va Jakobe, msawulwa wakwe.
7Kambe ene ngene Mkoma, Txizimu txathu;
wulamuli wakwe wu ka otshe mafu!
8 Mkoma wa alakanya yotshe mbimo txitumelelano txi a nga tximaha,
txitumelelano txi a nga xambanya ku txi veketa
ka tiveleko ta magumi a mazana.
9Txitumelelano txi a nga txi maha ni Abrahamu,
txixambanyo txi a nga txi maha ka Isaake.
10A txi tsanisile txi maha mlayo ka Jakobe,
txi maha txitumelelano txo mbi guma ka Israyeli,
11mbimo yi a nga womba a txi khene:
“Ni na kuninga ditiko da Kanana,
di maha thomba yi yi kulumbako.”
12Mbimo yi Vaisrayeli i nga ti vavadotho,
i nga ti valuveli ditikoni ka Kanana;
13mbimo yi va nga ti tsimbilatsimbila ka ditiko ni ditiko
va txi penga ngu ka mfumo ni mfumo,
14Txizimu kha txa tumela ti to ni wammweyo e va xupha.
Ngu mhaka yawe txi kawukile vafumeli, txi txi kha txona:
15“Mi nga gweseni ava ni nga va sawula,
mi nga xupheni vaprofeti vangu.”
16Txizimu txi vangile nzala txitimwi ka otshe mafu
txi lovisile tithembwe totshe ta fulaho.
17 # Wona ni ka: Gen. 37:28; 45:5. Aniko txona txi rumete m'thu masoni kwawe:
Josefa a nga xaviswa nga khumbi,
18va txi msunga ngu titxhini mikondoni
ni dikhodha da simbi thamoni kwakwe,
19kala kuza ti maheka atiya Josefa a nga ti ti wombile,
se dipswi da Mkoma di kombisile
ti to Josefa a womba ditshuri.
20Mfumeli a rumile ti to ve m'humisa;
mkhozisi wa vathu a to mtxhatxha;
21a to muemisela ku e va mthangeli wa nyumba yakwe
eva i di mxayisi wa totshe tithomba takwe,
22a txi va ni mtamo wo gondisa tinduna ta mfumeli
ni kugondisa wuzivi ka madhota.
23 # Wona ni ka: Gen. 46:6; 47:11. Sekoko Jakobe a to tsula ditikoni ka Egipta
a ti ya hanya koneyo kota mluveli.
24Txizimu txi andisile ngutu vathu va txona,
txi va ninga mtamo wo pinda valala vawe.
25Txi mahile ti to Vaegipta
ve venga vathu va txona
ve fumela ngu tshofu vathumi va txona.
26Se Txizimu txi to ruma txithumi txa txona Mosi ka Aroni,
awu txi nga msawula.
27Ve komba ka Vaegipta sidiwukiso si txi nga va gela
ve maha sixamaliso ditikoni ka Kamu.
28 # Wona ni ka: Eks. 10:21-23. Txizimu txi rumete txidema txi fenengeta Vaegipta,
aniko vona kha va khatala ngu txiziviso txiya.
29 # Wona ni ka: Eks. 7:17-21. Txizimu txi hindute mati a minambo me maha mnoha,
se txi daya sotshe sihaka;
30txi tatile ditiko ngu makhele,
awa ma nga hoka mndani ka tinyumba ta mfumeli.
31 # Wona ni ka: Eks. 8:16-17,20-24. Txizimu txi rumile ku txi humelela mtungu wa tiphuka
ni tithwala ka dotshe ditiko da Egipta.
32Ha wukhaloni ka mati
Txizimu txi to nisa maralala
ni midhikila ya mndilo ha ditikoni kotshe.
33Txi fuvisile tithembwe tawe ta mivhinya ni mixanvu
txi komolela mindonga ya tithembweni kwawe.
34 # Wona ni ka: Eks. 10:12-15. Txizimu txi rumile, ku so humelela humbi;
ni txigoñwani txo mbi balwa.
35Si dyela wotshe mwasi wa tithembweni kwawe
ni yotshe mihando ya mafu awe.
36Txi tsayisile ngu lifo vanana va matiwula
vanana vo khata, ka totshe timwaya ta Vaegipta.
37Txizimu txi humisile vathu va txona,
va di rwate silivhela ni nzalama
ku ti si nga ho wo lwala hagari kwawe.
38Vaegipta va to tsaka
ngu ku va wona ve huma,
nguko va ti ti va thava ngutu.
39 # Wona ni ka: Eks. 13:21-22. Txizimu txi to nawuluta direfu txi fenengeta va ka Israyeli ni mitshikari
txi wuyisa mndilo wa ku va woninga ni wusiku.
40Va to txi kombela,
txi txi va ninga titshukwa;
txi va khurisa ngu m'baba wa nzumani.
41Txi to tula dirigwi, ku txi huma mati,
ma txi khulunga txiwulani nga mnambo.
42Txizimu txi to alakanya mapswi a txona o sawuleka,
awa txi nga xambanya ka Abrahamu msawulwa wa txona.
43Se txi humisile vathu va txona va di tsakile
vasawuleki va txona
va txi peka mikulungwani.
44Txi va ningile ditiko di i nga ti da vamwani vathu
ve dya mitxelo ya kudimwa ngu vamatiko,
45kasiku ve vekisa milayo ya txona
ni kuxonipha sileleto sa txona.
Dhumisani Mkoma!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.