Mavingu 5
5
Sileleto sa kulwa ni wugango
1Mwanangu, pfisisa wutxhari wangu; dingeta nzeve yako ka ditshuri dangu; 2kasi ku u na xayisa siziviso sangu, ni txisofu txako txi vekete wuzivi. 3Nguko txisofu txa wamsikati wa dibhemba txi humisa sihesa sa wulombe, mkanani kwakwe ku rawula kupinda mafura; 4aniko magwito a kona ngu bava ko pinda txibhaha, ni kuhinda ko fana ni ka ditxhari do lotwa madhawa mambidi. 5Mikondo yakwe yi relela kufani; mikondo yakwe yi tserama mndiloni. 6Ene kha nga ni mhaka ni ditshuri da wutomi; tinzila takwe ndingi, kambe kha ti zivi.
7Konkuwa koko vanangu, ni pfisiseni, mi nga vayileleni mapswi a txisofu txangu. 8Vayilelisa nzila yako kwakwe, kambe u nga tshukete ha txikeni ka nyumba yakwe; 9kasi ku u si ningeli wudhundo wako ka vamwani, hambi malembe ako ka sidayi. 10Kasi kuthomba yako yi si dyiwi ngu va walo, ni yotshe mithumo yako yi vhuna vamwani; 11se ngu magwito kwako u keta, mbimo yile yi gumako nyama yako ni mmidi wako, 12se u txi khawe:
Ni nyenyile walo kulaywa! Ni mbilu yangu yi lambile kukawukwa! 13Kambe kha na pfisisa dipswi da vagondisi, hambi ku riya nzeve yangu ka valayeli vangu! 14Ni lavile kuwela kubihani masoni ka msengeletano ni ka mtalo wa vathu.
15Sela mati a txisima txako, ni a minambo ya txisima txako. 16Ma ndi na thekelela hahanze mati a sisima sako, ni tinzilani sinambwana sako sa mati kani? 17Ma nave ako dwe, hi nga o siyetisana ni vamwani vathu. 18Txiziva txako txa mati txi na kateke, tsakiswa ngu msikati wa wuphya wako, 19kufana ni mhoti yo randeka, ni mhoti yo tsakisa; titshumbu takwe ti na ku tsakise yotshe mbimo; ndindwa ngu lirando lakwe ngu ha ku si gwitiko. 20Se mwanangu, u ndi na navetiswa kutxani ngu dibhemba, se u khutarela titshumbu ta wa matiko kani? 21Nguko tinzila ta m'thu ti wonwa ngu maso a Mkoma, kambe ene wa xaxameta totshe tinzila ta m'thu. 22Kasi muonhi, wubihi wakwe wu na msungelela, kambe ngu tingoti ta sionho sakwe, a na ñolwa. 23Ene a na fa nguko kha londeta silayelo, kambe a na mwalatwa ngu kutala ka tinzila takwe ta walo.
Currently Selected:
Mavingu 5: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Mavingu 5
5
Sileleto sa kulwa ni wugango
1Mwanangu, pfisisa wutxhari wangu; dingeta nzeve yako ka ditshuri dangu; 2kasi ku u na xayisa siziviso sangu, ni txisofu txako txi vekete wuzivi. 3Nguko txisofu txa wamsikati wa dibhemba txi humisa sihesa sa wulombe, mkanani kwakwe ku rawula kupinda mafura; 4aniko magwito a kona ngu bava ko pinda txibhaha, ni kuhinda ko fana ni ka ditxhari do lotwa madhawa mambidi. 5Mikondo yakwe yi relela kufani; mikondo yakwe yi tserama mndiloni. 6Ene kha nga ni mhaka ni ditshuri da wutomi; tinzila takwe ndingi, kambe kha ti zivi.
7Konkuwa koko vanangu, ni pfisiseni, mi nga vayileleni mapswi a txisofu txangu. 8Vayilelisa nzila yako kwakwe, kambe u nga tshukete ha txikeni ka nyumba yakwe; 9kasi ku u si ningeli wudhundo wako ka vamwani, hambi malembe ako ka sidayi. 10Kasi kuthomba yako yi si dyiwi ngu va walo, ni yotshe mithumo yako yi vhuna vamwani; 11se ngu magwito kwako u keta, mbimo yile yi gumako nyama yako ni mmidi wako, 12se u txi khawe:
Ni nyenyile walo kulaywa! Ni mbilu yangu yi lambile kukawukwa! 13Kambe kha na pfisisa dipswi da vagondisi, hambi ku riya nzeve yangu ka valayeli vangu! 14Ni lavile kuwela kubihani masoni ka msengeletano ni ka mtalo wa vathu.
15Sela mati a txisima txako, ni a minambo ya txisima txako. 16Ma ndi na thekelela hahanze mati a sisima sako, ni tinzilani sinambwana sako sa mati kani? 17Ma nave ako dwe, hi nga o siyetisana ni vamwani vathu. 18Txiziva txako txa mati txi na kateke, tsakiswa ngu msikati wa wuphya wako, 19kufana ni mhoti yo randeka, ni mhoti yo tsakisa; titshumbu takwe ti na ku tsakise yotshe mbimo; ndindwa ngu lirando lakwe ngu ha ku si gwitiko. 20Se mwanangu, u ndi na navetiswa kutxani ngu dibhemba, se u khutarela titshumbu ta wa matiko kani? 21Nguko tinzila ta m'thu ti wonwa ngu maso a Mkoma, kambe ene wa xaxameta totshe tinzila ta m'thu. 22Kasi muonhi, wubihi wakwe wu na msungelela, kambe ngu tingoti ta sionho sakwe, a na ñolwa. 23Ene a na fa nguko kha londeta silayelo, kambe a na mwalatwa ngu kutala ka tinzila takwe ta walo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.