Mavingu 4
4
Sivhuno sa wutxhari
1Engisani vanangu, silayelo sa tate wanu, kasi mi na mana kupfisisa wutxhari. 2Nguko na mi ninga gondo ya yinene; mi nga lekeni mlayo wangu. 3Nguko ani ni ti ti mwanana wa tate wangu, tximwananana tximwetxo txo randeka, ka mwamwangu. 4Se tate a ti ti ni gondisa a txi khene:
Mbilu yako yi na vekise mapswi angu; veketa sirumo sangu u na hanya. 5Mana wutxhari, mana mapimo, u nga divale hambi kuhambana ni mapswi a txisofu txangu. 6U nga hambane ni wutxhari, nguko wona wu na kuxayisa; wu dhunde, wona wu na kuxayisa. 7Wutxhari ngu txona tximaha txo khata; wu mane koko, wutxhari; ina, mana wuzivi ngu sotshe si u ku naso. 8Guleta wutxhari, ni wona wu na kuguleta; se ngako awe u txi khutarela wutxhari, wona wu na kudhumisa. 9Wu na veka m'bhoti wa wumbilu ha msungo kwako, kambe wu na kuninga m'bhoti wa wudhundo.
10Mwanangu, engisa, tumela mapswi angu, se u na engetelwa malembe a kuhanya kwako. 11Ni ku gondisile nzila ya wutxhari, kambe ni ku tsimbitisile ngu tinzila to lulama. 12U txi tsimbila ngu tona, kha ma na mbi karala mazambo ako; hambi u txi tutuma, khu na mbi humbwa. 13Tsana ka sileleto, kambe u nga si leke; si xayise nguko sona mbutomi wako. 14U nga wulele ka nzila ya vaonhi, hambi kutsimbila ngu nzila ya vo biha. 15Yi leke nzileyo, u nga tsimbile ngu yona; yi vayilele, u pinda ngu kule. 16Kha va oteli va si se maha to biha, se wukohe wa va tutuma, ngako va si se wisa m'thu. 17Nguko vadya dipawu da wuonhi, se ve sela vhinya ya mazunga.
18Aniko nzila ya vo lulama yi fana ni kuwoninga ka wuronga, ku woningako kambe ni kambe diza di hetiseka kutxa. 19Nzila ya vaonhi yi fana ni txidema; kha va txi zivi atxile va humbwako ngu txona.
20Mwanangu, pfisisa mapswi angu; ka ditshuri dangu namisa nzeve yako. 21U nga ma leke me khukha masoni kwako; ma vekete hagari ka mbilu yako. 22Nguko ona mbutomi ka vale va ma manako, ni kuhanya ka mimidi yawe. 23Txitimwi ka sotshe si si dinganako kuxayiswa, xayisa mbilu yako, nguko tita ngu ka yona tinzila ta wutomi. 24Vayilelisa txisofu txako ka mapswi o xanisa, u tsulisa kule ni nawe wubihi wa txisofuni. 25Maso ako ma na wone ngu kululama, timboni tako ti na wonetele masoni kwako kupune. 26Xayisisa nzila ya mikondo yako, ni totshe tinzila tako ti na mahe to longoloka kha kwati! 27U nga wekelele hambi txinene, mwendo txibhabha; thavisa mkondo wako kubihani.
Currently Selected:
Mavingu 4: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Mavingu 4
4
Sivhuno sa wutxhari
1Engisani vanangu, silayelo sa tate wanu, kasi mi na mana kupfisisa wutxhari. 2Nguko na mi ninga gondo ya yinene; mi nga lekeni mlayo wangu. 3Nguko ani ni ti ti mwanana wa tate wangu, tximwananana tximwetxo txo randeka, ka mwamwangu. 4Se tate a ti ti ni gondisa a txi khene:
Mbilu yako yi na vekise mapswi angu; veketa sirumo sangu u na hanya. 5Mana wutxhari, mana mapimo, u nga divale hambi kuhambana ni mapswi a txisofu txangu. 6U nga hambane ni wutxhari, nguko wona wu na kuxayisa; wu dhunde, wona wu na kuxayisa. 7Wutxhari ngu txona tximaha txo khata; wu mane koko, wutxhari; ina, mana wuzivi ngu sotshe si u ku naso. 8Guleta wutxhari, ni wona wu na kuguleta; se ngako awe u txi khutarela wutxhari, wona wu na kudhumisa. 9Wu na veka m'bhoti wa wumbilu ha msungo kwako, kambe wu na kuninga m'bhoti wa wudhundo.
10Mwanangu, engisa, tumela mapswi angu, se u na engetelwa malembe a kuhanya kwako. 11Ni ku gondisile nzila ya wutxhari, kambe ni ku tsimbitisile ngu tinzila to lulama. 12U txi tsimbila ngu tona, kha ma na mbi karala mazambo ako; hambi u txi tutuma, khu na mbi humbwa. 13Tsana ka sileleto, kambe u nga si leke; si xayise nguko sona mbutomi wako. 14U nga wulele ka nzila ya vaonhi, hambi kutsimbila ngu nzila ya vo biha. 15Yi leke nzileyo, u nga tsimbile ngu yona; yi vayilele, u pinda ngu kule. 16Kha va oteli va si se maha to biha, se wukohe wa va tutuma, ngako va si se wisa m'thu. 17Nguko vadya dipawu da wuonhi, se ve sela vhinya ya mazunga.
18Aniko nzila ya vo lulama yi fana ni kuwoninga ka wuronga, ku woningako kambe ni kambe diza di hetiseka kutxa. 19Nzila ya vaonhi yi fana ni txidema; kha va txi zivi atxile va humbwako ngu txona.
20Mwanangu, pfisisa mapswi angu; ka ditshuri dangu namisa nzeve yako. 21U nga ma leke me khukha masoni kwako; ma vekete hagari ka mbilu yako. 22Nguko ona mbutomi ka vale va ma manako, ni kuhanya ka mimidi yawe. 23Txitimwi ka sotshe si si dinganako kuxayiswa, xayisa mbilu yako, nguko tita ngu ka yona tinzila ta wutomi. 24Vayilelisa txisofu txako ka mapswi o xanisa, u tsulisa kule ni nawe wubihi wa txisofuni. 25Maso ako ma na wone ngu kululama, timboni tako ti na wonetele masoni kwako kupune. 26Xayisisa nzila ya mikondo yako, ni totshe tinzila tako ti na mahe to longoloka kha kwati! 27U nga wekelele hambi txinene, mwendo txibhabha; thavisa mkondo wako kubihani.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.