Mavingu 6
6
Simwani sileleto
1Mwanangu, ngako u di ti emisete kudiha mnandu wa mwakelani, ni kuva u di vhuni mmwani m'thu, 2u tandeka ka mapswi a txisofu txako, tile u nga thembisa ngu mapswi a txisofu txako. 3Maha tiya koko awe mwanangu, ti txhatxhise nguko, se u wite manzani ka mwakelani wako: Tsula u ya ti namisa, u khongotela mwakelani wako; 4u nga ninge wukohe maso ako, hambi kupfhumisa timboni tako; 5ti txhatxhise, kufana ni mhoti manzani ka mxoti, ni ku nga txinyana manzani ka mriyeli.
6Tsula u ya wonana ni titshokoti, awe mkara; wona tinzila ta tona, u na txhariha. 7Eto ti singako ni wa hombe, hambi mthangeli, mwendo mfumeli. 8Lulamisela sakudya sako ngu mbimo ya kuhisa; ngu kuverela mbimo ya pheho. 9Mkarawe, u na otela kala yihi mbimo kani? U na wuka ngu mbimo muni, ngu wukoheni kwako kani?
10Na nga khudhahela ka kudotho, ni otela ka kudotho, ni khutarelanyana mawoko, ni otela,
11ngu kumaha keto, wu nata kwako wusiwana kufana ni dikhamba, ni kuvilela kwako ku nga m'thu a nga xoma.
12M'thu wa wubihi, m'thu wo tolovela kumaha to biha, txisofu txakwe txi tsimbila ngu kuonhetela. 13A valutela ngu maso, e womba-womba ngu mikondo, ni kumaha sikombiso ngu titiho. 14Kuonha kuho mbiluni kwakwe; yotshe mbimo a pimisela wubihi; e tsimbila e phaya mazunga. 15Ngu kumaha keto, kukhundumuswa kwakwe ku nata ngu txidhukisa; a na funyeletelwa ngu txikavikavi, ku si maneki ni kukalamuka.
16Mtxhanu ni tximwetxo si Mkoma asi vengako, ni txa wutxhanu ni simbidi moya wakwe wu txi nyenyako:
17Maso o ti guleta,
lidimi la makuhu,
manza o theketa mnoha wo mbi na mnandu,
18mbilu yo luka mipimiso ya wubihi,
ni mikondo yo tutumela to biha,
19wufakazi wa walo wo womba-womba makuhu,
ni wule a phayako mazunga ka vanawe.
Tiphango ta wugango
20Mwanangu, vekisa txirumo txa tate wako, kambe u nga leke mlayo wa mwamwako. 21Si sungelele mbiluni kwako kala kupinduka, si hayeke thamoni kwako. 22Mbimo yi u no tsimbila, txi na kutsimbitisa; aha u no otela, txi na kuxayisa; u txi wuka txi na womba-womba ni nawe. 23Nguko txirumo ndilambu, se mlayo liwoningo, kambe kukawuka ko lulamisa i nzila ya wutomi, 24kasi ku kuvhikela ka wamsikati wa wubihi, ni ka kutshambisela ka lidimi la walo. 25Ngu mbiluni kwako u nga navele kutshura kwakwe, hambi ku ku ndindetela ngu maso akwe. 26Nguko wamsikati wa wugango, wa hoka ku kukombela hambi dipawu da didotho; kambe digelegele, di tsimbila di lava wutomi wa wunene. 27Ina m'thu a nga veka mndilo hammidi kwakwe, syambalo sakwe si sihyi kani? 28Niku mwendo wokari a nga tsimbila txitimwi ka makala a mndilo, asi mani ni kuhya mikondo yakwe kani? 29Ti na nga toneto ka wule a wulelako ka msikati wa mwakelani wakwe; ni wihi wule a no m'gwesa kha na mbi pwata mnandu. 30Dikhamba do pa ngu kulava kukhurisa muhefemulo wa dona kha di ruketelwi, ngu pfa nzala; 31aniko di txi manwa, di na diha ngu kupinda mtxhanu wa makhati ni mambidi; di na ningela yotshe thomba ya m'tini ka dona. 32Awule a mahako wugango ni wamsikati, wa kelelelwa ngu mapimo; awule a mahako to nga eto, wa haxula muhefemulo wakwe. 33A na mana kutsayiswa ni kuwa tingana, kambe wubihi wakwe kha wu na mbi dhuka wu pfhiteka. 34Nguko txiluse txa mwamna wakwe txi na m'henyisa; kambe ditshiku da kuphota kwakwe, kha na mbi m'divalela. 35Kha na mbi amukela txo kombela ngu txona divalelo, hambi ku txi tumela, hambi u txo engetela so mxava ngu sona.
Currently Selected:
Mavingu 6: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Mavingu 6
6
Simwani sileleto
1Mwanangu, ngako u di ti emisete kudiha mnandu wa mwakelani, ni kuva u di vhuni mmwani m'thu, 2u tandeka ka mapswi a txisofu txako, tile u nga thembisa ngu mapswi a txisofu txako. 3Maha tiya koko awe mwanangu, ti txhatxhise nguko, se u wite manzani ka mwakelani wako: Tsula u ya ti namisa, u khongotela mwakelani wako; 4u nga ninge wukohe maso ako, hambi kupfhumisa timboni tako; 5ti txhatxhise, kufana ni mhoti manzani ka mxoti, ni ku nga txinyana manzani ka mriyeli.
6Tsula u ya wonana ni titshokoti, awe mkara; wona tinzila ta tona, u na txhariha. 7Eto ti singako ni wa hombe, hambi mthangeli, mwendo mfumeli. 8Lulamisela sakudya sako ngu mbimo ya kuhisa; ngu kuverela mbimo ya pheho. 9Mkarawe, u na otela kala yihi mbimo kani? U na wuka ngu mbimo muni, ngu wukoheni kwako kani?
10Na nga khudhahela ka kudotho, ni otela ka kudotho, ni khutarelanyana mawoko, ni otela,
11ngu kumaha keto, wu nata kwako wusiwana kufana ni dikhamba, ni kuvilela kwako ku nga m'thu a nga xoma.
12M'thu wa wubihi, m'thu wo tolovela kumaha to biha, txisofu txakwe txi tsimbila ngu kuonhetela. 13A valutela ngu maso, e womba-womba ngu mikondo, ni kumaha sikombiso ngu titiho. 14Kuonha kuho mbiluni kwakwe; yotshe mbimo a pimisela wubihi; e tsimbila e phaya mazunga. 15Ngu kumaha keto, kukhundumuswa kwakwe ku nata ngu txidhukisa; a na funyeletelwa ngu txikavikavi, ku si maneki ni kukalamuka.
16Mtxhanu ni tximwetxo si Mkoma asi vengako, ni txa wutxhanu ni simbidi moya wakwe wu txi nyenyako:
17Maso o ti guleta,
lidimi la makuhu,
manza o theketa mnoha wo mbi na mnandu,
18mbilu yo luka mipimiso ya wubihi,
ni mikondo yo tutumela to biha,
19wufakazi wa walo wo womba-womba makuhu,
ni wule a phayako mazunga ka vanawe.
Tiphango ta wugango
20Mwanangu, vekisa txirumo txa tate wako, kambe u nga leke mlayo wa mwamwako. 21Si sungelele mbiluni kwako kala kupinduka, si hayeke thamoni kwako. 22Mbimo yi u no tsimbila, txi na kutsimbitisa; aha u no otela, txi na kuxayisa; u txi wuka txi na womba-womba ni nawe. 23Nguko txirumo ndilambu, se mlayo liwoningo, kambe kukawuka ko lulamisa i nzila ya wutomi, 24kasi ku kuvhikela ka wamsikati wa wubihi, ni ka kutshambisela ka lidimi la walo. 25Ngu mbiluni kwako u nga navele kutshura kwakwe, hambi ku ku ndindetela ngu maso akwe. 26Nguko wamsikati wa wugango, wa hoka ku kukombela hambi dipawu da didotho; kambe digelegele, di tsimbila di lava wutomi wa wunene. 27Ina m'thu a nga veka mndilo hammidi kwakwe, syambalo sakwe si sihyi kani? 28Niku mwendo wokari a nga tsimbila txitimwi ka makala a mndilo, asi mani ni kuhya mikondo yakwe kani? 29Ti na nga toneto ka wule a wulelako ka msikati wa mwakelani wakwe; ni wihi wule a no m'gwesa kha na mbi pwata mnandu. 30Dikhamba do pa ngu kulava kukhurisa muhefemulo wa dona kha di ruketelwi, ngu pfa nzala; 31aniko di txi manwa, di na diha ngu kupinda mtxhanu wa makhati ni mambidi; di na ningela yotshe thomba ya m'tini ka dona. 32Awule a mahako wugango ni wamsikati, wa kelelelwa ngu mapimo; awule a mahako to nga eto, wa haxula muhefemulo wakwe. 33A na mana kutsayiswa ni kuwa tingana, kambe wubihi wakwe kha wu na mbi dhuka wu pfhiteka. 34Nguko txiluse txa mwamna wakwe txi na m'henyisa; kambe ditshiku da kuphota kwakwe, kha na mbi m'divalela. 35Kha na mbi amukela txo kombela ngu txona divalelo, hambi ku txi tumela, hambi u txo engetela so mxava ngu sona.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.