Mavingu 3
3
Sileleto ka mazambi
1Mwanangu, u nga divale kulaya kwangu, kambe mbilu yako yi na vekete milayo yangu. 2Nguko milayo yi na engetela masiku ako, kambe yi na kuengetela malembe a kuhanya ni kuthutha. 3Wunene ni kuthembeka si nga ku leke; si sungelele thamoni kwako; si bhale ka txileti txa mbilu yako. 4#Wona ni ka: Luk. 2:52. Se u na mana kukateka ni mapimo amanene, masoni ka Txizimu ni ka vathu vavanene.
5Themba ka Mkoma ngu yotshe mbilu yako, kambe u nga thembe mapimo ako upune. 6Alakanya ene ka totshe tinzila tako, se ene a na lulamisa tinzila tako. 7U nga ti wone u di txharihile upune; thava Mkoma, kambe hambana ni kubiha. 8Eto ti na maha mrende ka m'dhende wako, ni moloko ka marambu ako. 9Dhunda Mkoma ngu thomba yako, ni sotshe so khata sa mu ka dibhindu dako; 10se sisangala sako si na tala ngutu, kambe mapipa ako ma na thekelela ngu vhinya.
11Mwanangu, u nga eyise silayelo sa Mkoma, kambe u ngave ni txihenyisani va txi kukawuka. 12#Wona ni ka: Mtu. 3:19. Nguko Mkoma a kawuka wule a mrandako, kufana ni tate, ka mwanana wule a mnavelelako wunene. 13A katekile m'thu wule a manako wutxhari, ni m'thu wule a manako wuzivi. 14Nguko i txhuko siya sa wutxhari kupinda siya sa silivhela, ni dibhindu da kona kupinda nzalama yo hehuka. 15Wutxhari mbunene ngutu kupinda sotshe so navetisa, ni sotshe si u nga sikotako ku si navela, kha si na ku dinganiswa ni wutxhari. 16Kuengetelwa ka masiku ku ka dianza da txinene da wutxhari; ka da txibhabha kumaneka tithomba ni kudhundeka. 17Tinzila ta wutxhari ndinzila to tsakisa, ni tinzila ta kona nda kuthutha. 18Wutxhari mndonga wa wutomi ka vale va wu ñolisisako, kambe va katekile votshe vale va wu veketako.
19 Mkoma, ngu wutxhari, a vangile mafu;
e veketetela nzuma ngu wutxhari.
20Ngu wuzivi wakwe, ku tulekile kuhokoma,
se ni marefu ma tshatshela mwando.
21Mwanangu, atiya ti ngave kule ni maso ako; veketa wutxhari wa wunene, ni kupfisisa; 22nguko si na maha wutomi wa dihika dako, ni tikatekiso mkoloni kwako. 23Sekoko u na tsimbila ngu kutsana nzilani kwako, kambe kha wu na mbi gutwa mkondo wako. 24Mbimo yi u no otela, khu na mbi thava; ngako u txi na otela, ni wukohe wako wu na va wo tsakisa ka wusiku wotshe. 25U nga thave tiphango ti titako ngu txidhukisa, hambi kuxaselwa ka vaonhi kutxita. 26Nguko Mkoma a na va themba yako, kambe a na vhikela mikondo yako ti to yi si bzwetwi.
27U nga va tone somaha a vale si va lumbako, na mtamo wo maha eto wu di manzani kwako. 28U nga wombe ka mwakelani wako taku: Tsula, u na wuya, ni nata kuninga mangwana, na kuve u naso. 29U nga pimisele to biha ngu mwakelani wako, nguko a zumba ni nawe ngu kuthembeka. 30U ngalwe ni m'thu hahanze ka mhaka yokari, na asi zivi ku ku mahela to biha. 31U nga ve ni dibava ni m'thu wo lwisa, kambe u nga sawule ni ya yimweyo ka tinzila takwe. 32Nguko muonhi njinyenyeko ka Mkoma, aniko txihunja txakwe txi ni vale vo lulama. 33Txiruko txa Mkoma txi zumba nyumbani ka muonhi, aniko ene a na katekisa aha a zumbako kona m'thu wo lulama. 34Kha ditshuri ene a na xanisa vatseketseli, aniko a na ninga kukateka ka vale vo thutha. 35Thomba ya titxhari ngu wudhundo, aniko siphukuphuku sa ti lavela pfilu-pfilu.
Currently Selected:
Mavingu 3: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Mavingu 3
3
Sileleto ka mazambi
1Mwanangu, u nga divale kulaya kwangu, kambe mbilu yako yi na vekete milayo yangu. 2Nguko milayo yi na engetela masiku ako, kambe yi na kuengetela malembe a kuhanya ni kuthutha. 3Wunene ni kuthembeka si nga ku leke; si sungelele thamoni kwako; si bhale ka txileti txa mbilu yako. 4#Wona ni ka: Luk. 2:52. Se u na mana kukateka ni mapimo amanene, masoni ka Txizimu ni ka vathu vavanene.
5Themba ka Mkoma ngu yotshe mbilu yako, kambe u nga thembe mapimo ako upune. 6Alakanya ene ka totshe tinzila tako, se ene a na lulamisa tinzila tako. 7U nga ti wone u di txharihile upune; thava Mkoma, kambe hambana ni kubiha. 8Eto ti na maha mrende ka m'dhende wako, ni moloko ka marambu ako. 9Dhunda Mkoma ngu thomba yako, ni sotshe so khata sa mu ka dibhindu dako; 10se sisangala sako si na tala ngutu, kambe mapipa ako ma na thekelela ngu vhinya.
11Mwanangu, u nga eyise silayelo sa Mkoma, kambe u ngave ni txihenyisani va txi kukawuka. 12#Wona ni ka: Mtu. 3:19. Nguko Mkoma a kawuka wule a mrandako, kufana ni tate, ka mwanana wule a mnavelelako wunene. 13A katekile m'thu wule a manako wutxhari, ni m'thu wule a manako wuzivi. 14Nguko i txhuko siya sa wutxhari kupinda siya sa silivhela, ni dibhindu da kona kupinda nzalama yo hehuka. 15Wutxhari mbunene ngutu kupinda sotshe so navetisa, ni sotshe si u nga sikotako ku si navela, kha si na ku dinganiswa ni wutxhari. 16Kuengetelwa ka masiku ku ka dianza da txinene da wutxhari; ka da txibhabha kumaneka tithomba ni kudhundeka. 17Tinzila ta wutxhari ndinzila to tsakisa, ni tinzila ta kona nda kuthutha. 18Wutxhari mndonga wa wutomi ka vale va wu ñolisisako, kambe va katekile votshe vale va wu veketako.
19 Mkoma, ngu wutxhari, a vangile mafu;
e veketetela nzuma ngu wutxhari.
20Ngu wuzivi wakwe, ku tulekile kuhokoma,
se ni marefu ma tshatshela mwando.
21Mwanangu, atiya ti ngave kule ni maso ako; veketa wutxhari wa wunene, ni kupfisisa; 22nguko si na maha wutomi wa dihika dako, ni tikatekiso mkoloni kwako. 23Sekoko u na tsimbila ngu kutsana nzilani kwako, kambe kha wu na mbi gutwa mkondo wako. 24Mbimo yi u no otela, khu na mbi thava; ngako u txi na otela, ni wukohe wako wu na va wo tsakisa ka wusiku wotshe. 25U nga thave tiphango ti titako ngu txidhukisa, hambi kuxaselwa ka vaonhi kutxita. 26Nguko Mkoma a na va themba yako, kambe a na vhikela mikondo yako ti to yi si bzwetwi.
27U nga va tone somaha a vale si va lumbako, na mtamo wo maha eto wu di manzani kwako. 28U nga wombe ka mwakelani wako taku: Tsula, u na wuya, ni nata kuninga mangwana, na kuve u naso. 29U nga pimisele to biha ngu mwakelani wako, nguko a zumba ni nawe ngu kuthembeka. 30U ngalwe ni m'thu hahanze ka mhaka yokari, na asi zivi ku ku mahela to biha. 31U nga ve ni dibava ni m'thu wo lwisa, kambe u nga sawule ni ya yimweyo ka tinzila takwe. 32Nguko muonhi njinyenyeko ka Mkoma, aniko txihunja txakwe txi ni vale vo lulama. 33Txiruko txa Mkoma txi zumba nyumbani ka muonhi, aniko ene a na katekisa aha a zumbako kona m'thu wo lulama. 34Kha ditshuri ene a na xanisa vatseketseli, aniko a na ninga kukateka ka vale vo thutha. 35Thomba ya titxhari ngu wudhundo, aniko siphukuphuku sa ti lavela pfilu-pfilu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.