Mavingu 2
2
Hakhelo ya wutxhari
1Mwanangu, ngako u txi tumela mapswi angu, ni kuveketa milayo yangu, 2kasi ku nzeve yako yi duketa kupfisisa wutxhari, ni kuva u namisa mbilu yako ka mapimo, 3se ngako u txi vilela mapimo, ni kuguleta dipswi dako ngu kulava wutxhari, 4u txi si xotisa kufana ni silivhela, u si lava kufana ni nzalama yo siswa, 5ngu kona u no pfisisa mhaka ya kuthava Mkoma, kambe u na mana kuziva Txizimu. 6Nguko Mkoma wa ninga wutxhari, kambe wuzivi ni mapimo sita ngu txisofuni kwakwe. 7Avale vo lulama, ene wa va vekela wutxhari wa ditshuri; txitxhavangu nja vale va tsimbilako ngu kuthembeka, 8kasi ku e veketa ditshuri ni wulamuli, ni kuxayisa nzila ya vasawuleki vakwe.
9Sekoko u na ziva wululamo, ni wulamuli, ni kudinganisa, ni dotshe ditshuri da dinene. 10Nguko wutxhari wu na wulela mbiluni kwako, ni wuzivi wu na va wa wunene amu ka dihika dako. 11U na vekiswa ngu mialakanyo ya yinene, ni wutxhari wu na kuxayisa; 12kasi ku kutxhatxhisa ka wubihi, ni ka m'thu wo womba-womba kuhambana; 13ka vale va lekako ditshuri da wululamo, ve tsimbila ngu tinzila ta txidema; 14va tsakiswako ngu kumaha to biha, kambe va hefemula wuonhi wa vobiha, 15emo ditshuri da kona i ku do xanisa ni mithumo yawe i kuyo timetwa;
16kasi ku kutxhatxhisa ka wamsikati wa walo, kambe wa mamwani matiko, a tshambiselako ngu mapswi akwe, 17awule a lekako mngana wa wuphya wakwe, kambe e divala txitumelelano txa Txizimu txakwe; 18nguko nyumba yakwe yi wekelela kufani, ni tinzila takwe ka vafi; 19votshe vale va yako kona kha va na mbi wuya, kambe kha va na mbi yi mana nzila ya wutomi. 20Kasi ku u na tsimbila ngu nzila ya vale vavanene, ni kuvekisa ditshuri da vo lulama. 21Nguko vo lulama va na zumba ha mafuni, ni vale vo thembeka va na zumba ka ona yotshe mbimo. 22Aniko vaonhi va na dulwa ha mafuni, ni vakanganyisi va na lumbwa ngu kufuviswa.
Currently Selected:
Mavingu 2: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Mavingu 2
2
Hakhelo ya wutxhari
1Mwanangu, ngako u txi tumela mapswi angu, ni kuveketa milayo yangu, 2kasi ku nzeve yako yi duketa kupfisisa wutxhari, ni kuva u namisa mbilu yako ka mapimo, 3se ngako u txi vilela mapimo, ni kuguleta dipswi dako ngu kulava wutxhari, 4u txi si xotisa kufana ni silivhela, u si lava kufana ni nzalama yo siswa, 5ngu kona u no pfisisa mhaka ya kuthava Mkoma, kambe u na mana kuziva Txizimu. 6Nguko Mkoma wa ninga wutxhari, kambe wuzivi ni mapimo sita ngu txisofuni kwakwe. 7Avale vo lulama, ene wa va vekela wutxhari wa ditshuri; txitxhavangu nja vale va tsimbilako ngu kuthembeka, 8kasi ku e veketa ditshuri ni wulamuli, ni kuxayisa nzila ya vasawuleki vakwe.
9Sekoko u na ziva wululamo, ni wulamuli, ni kudinganisa, ni dotshe ditshuri da dinene. 10Nguko wutxhari wu na wulela mbiluni kwako, ni wuzivi wu na va wa wunene amu ka dihika dako. 11U na vekiswa ngu mialakanyo ya yinene, ni wutxhari wu na kuxayisa; 12kasi ku kutxhatxhisa ka wubihi, ni ka m'thu wo womba-womba kuhambana; 13ka vale va lekako ditshuri da wululamo, ve tsimbila ngu tinzila ta txidema; 14va tsakiswako ngu kumaha to biha, kambe va hefemula wuonhi wa vobiha, 15emo ditshuri da kona i ku do xanisa ni mithumo yawe i kuyo timetwa;
16kasi ku kutxhatxhisa ka wamsikati wa walo, kambe wa mamwani matiko, a tshambiselako ngu mapswi akwe, 17awule a lekako mngana wa wuphya wakwe, kambe e divala txitumelelano txa Txizimu txakwe; 18nguko nyumba yakwe yi wekelela kufani, ni tinzila takwe ka vafi; 19votshe vale va yako kona kha va na mbi wuya, kambe kha va na mbi yi mana nzila ya wutomi. 20Kasi ku u na tsimbila ngu nzila ya vale vavanene, ni kuvekisa ditshuri da vo lulama. 21Nguko vo lulama va na zumba ha mafuni, ni vale vo thembeka va na zumba ka ona yotshe mbimo. 22Aniko vaonhi va na dulwa ha mafuni, ni vakanganyisi va na lumbwa ngu kufuviswa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.