Mavingu 16
16
1Kulongisela kuhuma mbiluni ka m'thu, aniko xamulo yita ngu txisofuni ka Mkoma.
2Tinzila ta m'thu ti basile masoni kwakwe ene nyamne, aniko Mkoma a kala mimoya.
3Veka themba ya simaho sako ka Mkoma, se mipimiso yako yi na maheka.
4Sotshe si a nga si maha Mkoma asi emisete mithumo ya sona, hambi ni muonhi a mahetwe ditshiku do biha.
5Ni wihi a ku ni mbilu yo ti kulisa njinyenyeko ka Mkoma; hambi a txo pata dianza ka dianza, kha na mbi huluka kutsayiswa.
6Wubihi wu thaviswa ngu wumbilu ni ditshuri; kuthava Mkoma, ka hulukisa vathu kubihani.
7Ngako tinzila ta m'thu ti txi tsakisa Mkoma, a maha taku m'thu e mana kuthutha ni valala vakwe.
8I txhuko kuva ni sa sidotho ni wululamo, kupinda kuva funyela so tala ku si nga ni wululamo.
9M'thu a londisa nzila ya mbilu yakwe, kambe matsimbilelo a kona a kombwa ngu Mkoma.
10Kuhutetela kuhuma txisofuni ka mfumeli; ka mbimo ya kulamula kha sikizi.
11Lipimo la linene ni txikalo txo lulama nza Mkoma; otshe marigwi a kona ma mahilwe ngu ngene.
12Njinyenyeko ka vafumeli kumaha wubihi, nguko txikhalo txa wukoma txi tsaniswa ngu wululamo.
13Sisofu sa wululamo sa tsakisa vafumeli, se vona va dhunda wule a wombawombako timhaka to lulama.
14Txiviti txa mfumeli txi fanana ni mtumi wa lifo, kambe m'thu wo txhariha a na mmalata.
15Masoni ka khohe ya mfumeli ku ni wutomi, kambe wunene wakwe wu fana ni matshutshelo a nzuma.
16I txhuko ngutu kumana wutxhari kupinda kumana nzalama! Kambe i txhuko ngutu kumana mapimo kupinda silivhela.
17Nzila yo guleka ya vale vo lulama, ngu kuvayilela to biha; awule a veketako nzila yakwe a xayisa muhefemulo wakwe.
18Kutikukumukisa kuthangela kufuva, ni kutikulisa ngu moya kuthangela kuwa.
19I txhuko kuva wo ti namisa moyani ni vale vo divala, kupinda ku abanelana so handwa ni vale vo ti kukumukisa.
20Awule a pfisisako dipswi ngu wutxhari a na mana wunene, ni wule a thembako ka Mkoma a na kateka.
21Awule a ku ni mbilu yo txhariha a na dhanwa ku i txhari, ni kutshambisela ka sisofu ku na engetela.
22Avale va ku ni mapimo va ni txisima txa wutomi, aniko gondo ya siphukuphuku, njitsayiso ka sona sipune.
23Mbilu ya m'thu wo txhariha, ya gondisa txisofu txakwe, kambe ya engetela gondo ka txisofu txakwe.
24Mapswi o maheka dihesa da wulombe: Ma lombela muhefemuloni, me hanyisa marambu.
25Ku ni nzila yile yi ku nga njinene ka m'thu, aniko magwito akwe ngu tinzila ta lifo.
26Awule a thumako o ti thumela ene apune, nguko txisofu txakwe txa mkurumeta.
27M'thu wule i ku diphanga, a xota ta walo, se txisofuni kwakwe ku manekisa ngu nga mndilo wo tura.
28M'thu wa wubihi a wusa mazunga, se awule wo hemba a hambanisa vale va ku ni wungana ngutu.
29M'thu wo karata wa kujetela mkwawe, ni ku mtsimbitisa ngu nzila yo biha.
30A pfhumisa maso akwe e pimisela wubihi, e luma txisofu, e maha kubiha.
31Wunvi m'bhoti wo dhundeka, wu manekako ka mahanyelo o lulama.
32I txhuko m'thu wo timisela kupinda ndena, ni wule a fumelako moya wakwe, kupinda wule a tekako didhoropa.
33Xolo yi xaxuvelwa hammidi, aniko totshe ta tinene ti ta ngu ka Mkoma.
Currently Selected:
Mavingu 16: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
