Popular Bible Verses from Mavingu 16

Share

Veka themba ya simaho sako ka MKOMA, se mipimiso yako yi na maheka.

M'thu a londisa nzila ya mbilu yakwe, kambe matsimbilelo a kona a kombwa ngu MKOMA.

Mapswi o maheka dihesa da wulombe: Ma lombela muhefemuloni, me hanyisa marambu.

Kulongisela kuhuma mbiluni ka m'thu, aniko xamulo yita ngu txisofuni ka MKOMA.

I txhuko m'thu wo timisela kupinda ndena, ni wule a fumelako moya wakwe, kupinda wule a tekako didhoropa.

Kutikukumukisa kuthangela kufuva, ni kutikulisa ngu moya kuthangela kuwa.

Tinzila ta m'thu ti basile masoni kwakwe ene nyamne, aniko MKOMA a kala mimoya.

Awule a pfisisako dipswi ngu wutxhari a na mana wunene, ni wule a thembako ka MKOMA a na kateka.

I txhuko kuva ni sa sidotho ni wululamo, kupinda kuva funyela so tala ku si nga ni wululamo.

Ku ni nzila yile yi ku nga njinene ka m'thu, aniko magwito akwe ngu tinzila ta lifo.

M'thu wa wubihi a wusa mazunga, se awule wo hemba a hambanisa vale va ku ni wungana ngutu.