Nehemiya 1
1
Nehemiya a kombelela Jerusalema
1Mapswi a Nehemiya, mwana Hakaliya.
Se ku to maheka taku, ka mtxima wa Kisilewu, ka dilembe da magumi mambidi, ni txi maneka Susani, mkhokholani, 2Hanani, mmweyo wa vanathu, a to ta ni vokari va ka Judha; se ni to va wotisa madingano ni Vajudha va va nga huluka, ve sala kuya wukhumbini, ni madingano ni Jerusalema. 3Se va to kha vona kwangu: Avale va nga sala, va nga mbi tekwa ve yiswa wukhumbini, va nga aka ditikoni mule, va ha kuxanisekani ka hombe ni kueyiswani, kambe diguma da Jerusalema di khundumusetwe, ni matimba a dona ma hisilwe ngu mndilo.
4Se ku to maheka taku, mbimo yile ni nga pfa mapswi eyo, ni to khalahatsha ni dila,
ni karateka mndani ka masiku okari; ni to titona sakudya, ni kombela masoni ka Txizimu txa nzumani.
5Ni txi khani: Awe, Mkoma, Txizimu txa nzumani, Txizimu txa hombe txo thaviseka, awe u xayisako txitumelelano, ni kupfela wusiwana vale va ku randako, va xayisako sirumo sako! 6Ti na pfisise koko tinzeve tako, ni maso ako ma na tuleke, kasi ku u engisa mkombela wa txithumi txako, awu ni wu mahako masoni kwako, wusiku ni mitshikari, ngu vanana va ka Israyeli, sithumi sako; kambe na ti veka hahatshi ngu mhaka ya sionho sa vanana va ka Israyeli, si hi nga kuonhela ngu sona; hambi ani ni nyumba ya tate wangu hi onhile. 7Athu, ngu ka totshe hi kuonhete, kambe kha ha xayisa milayo yako, hambi sileleto, mwendo sirumo si u nga leleta Mosi, txithumi txako. 8Alakanya koko dipswi di u nga leleta Mosi txithumi txako, u txi khawe: Anu mi na hambuka, se ani ni na mi hangalasa#Wona ni ka: Levh. 26:33. hagari ka matiko. 9Se anu mi na hundulukela kwangu#Wona ni ka: Dhewut. 30:1-5. mi xayisa milayo yangu, mi txi yi maha; sekoko, hambi ngako avale va nga lekwa va txo va magwito ka nzuma, ni na va sengeleta koneyo, ni va wuyisa ka wukhalo wule ni nga wu sawula, kuva ditina dangu di txi zumba ka wona.
10Avava i ngadi sithumi sako, ni vathu vako, avale u nga va tirula ngu mtamo wako wa hombe, ni dianza dako da mtamo. 11O! Mkoma, ti na pfisise koko tinzeve tako mkombelo wa txithumi txako, ni mkombelo wa sithumi sako si si thavako ditina dako; humelelisa txithumi txako nyamsi, u txi ninga kukateka masoni ka wamwamna wuwa.
Sekoko ani ni ti ti mtheleli wa sa kusela sa mfumeli.
Currently Selected:
Nehemiya 1: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
