Jeremiya 5
5
Txionho txa Jerusalema
1“Horolokelani ka magondo a Jerusalema;
mi xolisisa mi wona amuwa sidingeni;
ngako mi txi sikota kumana m'thu,
hambi ni wammweyo wu a mahako wululamo, ni kuthembeka,
ani ni na divalela dotshe didhoropa.”
2Hambiko va ku kha vona: Mkoma a hanyako;
vona va xambanya ngu makuhu
3O Mkoma, ina maso ako kha ma vereli tinene kani?
Awe u va pekile, aniko kha vapfa kupanda.
U va lovisile, aniko kha va tumela kulaywa.
Va bangisile tikhohe tawe kupinda ni dirigwi
Va lambile kuhunduluka.
4Se ni txi alakanya ku khani:
“Ngu ditshuri, avava i vathu va hahatshi,
vona nzipumbu, nguko kha va yi zivi nzila ya Mkoma,
ni milayo ya Txizimu txawe.
5Naya ka vahombe,
ni naya womba-womba navo;
nguko va ziva nzila ya Mkoma,
ni milayo ya Txizimu txawe.”
Aniko votshe va ti ti funyile dikange,
ni kubhenula majoke.
6Ngu toneto, koko, ngonyamo ya txitingani yi na va daya,
hambi dixolwa da mu txiwulani di na va heta,
Yingwe yi na mbzwingamela madhoropa awe;
mmweyo ni mmweyo a no huma hahanze a na vhandamulelwa;
nguko sihambunyeto sawe si tate,
ni sionho sawe nzingi.
7“Ni nga ku divalelisa kutxani kani?
Vanana vako va ni lekile,
va xambanya ngu va i singako sizimu!
Hambi ni di va khurisile ngu kudingana,
vona va mahile wugango,
va to sengeletana nyumbani ka wugango
na i di vangi ngutu.
8Vo nga vamatune va mahantxhi ma nga khura;
mmwani ni mmwani a emba
ngu kunavela msikati wa mwakelani.
9Ina ani kha ni na ku si tsayisa soneso kani?
Kuwomba Mkoma.
Na mbi pharela ka ditiko daku nga diya kani?
10Kwelani magumani kwawe,
mi txi ma khundumusela
aniko mi nga ma heteleni magwito.
Thaviselani tidhavi tawe nguko hi nga ta Mkoma.
11Nguko nyumba ya ka Israyeli ni nyumba ya ka Judha
ti ni ongile ngutu, kuwomba Mkoma!”
Txizimu txa tsukula vathu va ka Israyeli
12Va kaneta Mkoma, va txi kha vona: “Hi nga ene!
Lambi, kha ku na mbi wa dikhombo txitimwi kwathu; hambi ditxhari mwendo nzala, kha hi na mbi si wona!
13Hambi vaprofeti va na nga moya, nguko kha va nga ni dipswi; ati va wombako ti na humelela kwawe.”
14Ngu konaho, Mkoma, Txizimu txa Mabutho a Tiyimbi, a khene:
Ngako va nga womba mhaka ya ku nga tiya, wona taku ni na phemberusa mapswi angu me maha mndilo txisofuni kwako, se vathu vava ve maha tikhuni, se vona va na tshokomiswa.
15Wonani taku ni na mi tisela vathu va kule, anu va nyumba ya ka Israyeli, kuwomba Mkoma, ditiko da hombe, ditiko da kale, adiya lidimi la kona mi no li timelela; kambe khu na mbi ti pima ti va no womba-womba. 16Msava wawe wo nga diyiva di nga tuleka, votshe ndindena. 17Vona va na dya siyalo sako ni dipawu dako; va na daya vafana vako ni sihoranana sako; va na dayela tinvuta tako ni tihomu tako, va na dya mivhina yako ni mixanvu yako. Madhoropa ako a mikhokhola awa u ma thembako, va na ma lovisa ngu ditxhari.
18Hambi ti di ngeto, kuwomba Mkoma. Kha ni na mbi ku fuvisela magwito keyo masiku! 19Ngako va txi kha vona: Ngu kutxani Mkoma Txizimu txathu a nga hi mahela tiya kani? U na va gela u txi khawe: Kunganu mi nga ni leka, mi phaxela simwani sizimu ditikoni kwanu; ngutoneto, mi na thumela vamatiko ditikoni kova i si nga kwanu.
Txizimu txi zivisa vathu va txona
20Zivisani ka nyumba ya ka Jakobe, kambe pfalisani ka Judha, mi txi khanu: 21Engisani koko, anu vathu vo bharuka, mi singako ni mapimo, mi ku ni maso ma si woniko, ni tinzeve ti si engisiko! 22#Wona ni ka: Job. 38:8-11. Ina kha mi ni thavi kani? Kuwomba Mkoma; kha mi na mbi dhudhumela masoni kwangu kani? Ani wu ni nga veka mtxhefa kuva muhingano wa Linene wa kala kupinduka, ti taku li si sikoti ku wu ndaka. Hambi mavimbi ma txo peka ngu mtamo kha ma sikoti ku wu xula; hambi li nga dhindadhinda ngu mtamo kha li na mbi pinda. 23Aniko ava vathu va ni tutumile, kambe va ni mbilu ya wukaneti; va tiwukile, ve tsula. 24Kha va wombi timbiluni kwawe, va txi kha vona: A hi thaveni Mkoma Txizimu txathu, awu a ningako mati o khata ni a wuxika ngu timbimo ta kona, awu a hi xayiselako mavhiki a kufunyela kwathu. 25Ngu sionho sanu si nga hambukisa sotshe siya, mi pwata makatekwa ngu mhaka ya sionho sanu.
26Nguko amu ditikoni kwangu vaho vathu va nga biha, va nyanimela nga vambzingameli va sinyana; va riya milawu ve bzweta vathu. 27Nga txikavila txo tala ngu sinyana, ngu toneto ni tinyumba tawe ti tate ngu wuviyaku. Ngu kota ya ku va nga tikulisa ni ku tifumisa, 28va enile, va tote mafura. Kubiha kwawe kha ku na magwito. Kha vaemeli ti to sisiwana si na humelele; kha va wili mahungu a sisiwana ngu fanelo.
29Ina ani na mbi tsayisa silo siya kani? Kuwomba Mkoma. Na mbi pharela ka ditiko do nga dona diya kani? 30Nzilo sa mahanjalati ni sa manyala si mahwako kona ditikoni muwa. 31Vaprofeti va profeta makuhu, hambi vaphaxeli va fumela va txi laywa ngu vona; ngu toneto vathu vangu va ti lavako. Aniko mi na maha txani magwito ka kona kani?
Currently Selected:
Jeremiya 5: BEC2016
Highlight
Share
Compare
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
