Jeremiya 30
30
Sithembiso sa Txizimu
1Mhaka yi nga ta ka Jeremiya, yi txi kha yona: 2Mkoma, Txizimu txa Israyeli a khene:
Bhala amu ka dibhuku totshe timhaka tiya ni nga kugela. 3Nguko ma ngadi ma txi ta masiku, kuwomba Mkoma, ayo ni no tshumeta ngu ona ava vo sungwa, i ku Israyeli ni Judha, kuwomba Mkoma. Ni na va wuyisa ditikoni mu ni nga ha vakokwani vawe, va na di fumela.
4Se aawa ngu ona mapswi a nga womba Mkoma, madingano ni Israyeli ni Judha:
5 Mkoma a khene: Hi pfite dipswi da kudhudhumela;
kuho kuthava, kuthutha kuwalo.
6Wotisani koko, ina wamwamna a nga sikota kuveleka kani?
Ngu kutxani ni wonako vavamna
mmweyo ni mmweyo a ti ñolako txiwunu
nga wamsikati a lumwako kani?
Nguko txani tikhohe totshe ti nga thuvika kani?
7Yowe! Ani sikwangu!
Ditshiku diya da hombe, kha ku na dimwani do fana nado!
Kambe i mbimo ya dikhombo ka Jakobe;
hambi keto, ka dona, a na huluka.
8Nguko ka ditshikwedo, kuwomba Mkoma wa Mabutho a Tiyimbi,
ni na funya dikange thamoni kwako, ni bhenula majoke ako, kha va na mbiswa ve fumwa ngu vamatiko. 9Aniko va na thumela Mkoma, Txizimu txawe, ni Dhavhidha mfumeli wawe, awu ni no va wusela ene.
10 # Wona ni ka: Jer. 46:27-28. U nga thave koko, awe txithumi txangu Jakobe, kuwomba Mkoma,
kambe u nga xamale, awe Israyeli;
nguko ni na kuhumisa ka matiko a kule,
ni vanana vako, ngu ditikoni ka wukhumbi wawe;
se Jakobe a na wuya, e ta humula,
kambe a na zumbiseka,
kha ku na mbi vaho wo m'dhukisela.
11Nguko ani ni kumweko ni nawe,
kuva ni txi kuhanyisa, kuwomba Mkoma.
Nguko ni na heta otshe matiko awa
ni nga ti ku hangalasile ka ona;
aniko awe kha ni na mbi kuhetisa;
ni na kulaya ngu wululamo,
kha ni sikoti ku kuleka u sa pekwa.
12Nguko Mkoma a khene:
Mbanga yako kha yi kalamuki,
hambi m'zoko wako kha wu holi.
13Kha nga ho a ku emelako,
ni alaha txilonda txako,
ku nga ni mrende wo thuma.
14Votshe va va kurandako va ku divate,
kha va ku khataleli.
Nguko ni ku dayisisile ku nga wo va mlala,
ngu txitsayiso txa timbiti;
ngu kukula ka wubihi wako,
ni wungi wa sionho sako.
15Ngu kutxani u ketiswako ngu mbanga yako kani?
Kambe kupanda kwako kha kumalali.
Ngu mhaka ya kukula ka wubihi wako,
ni wungi wa sionho sako,
ni ku mahete siya silo.
16Votshe ava va ku kakatxulako
va na kakatxulwa ni vona,
ni votshe valala vako va na yiswa wukhumbini,
ava va ku handako va na handwa ni vona,
ni vale va ku honyolako va na honyolwa ni vona.
17Nguko ni na kuthuma,
ni txi holisa timbanga tako, kuwomba Mkoma;
nguko u wombwa to u m'dhindiriki,
Siyoni wu va si mkhataleliko.
18 Mkoma a khene:
Ni na wuyisa vo ñolwa va matenda a Jakobe,
ni na pfela wusiwana dizumbo dakwe;
didhoropa di na aketwa txizani ka dona,
nyumba ya wukoma yi na nga tontile ta kale.
19Ku na huma ngu konemo kudhunda ni
mapswi a litsako; ni na va andisa,
va si hunguleki; ni na va kulisa,
kha va na mbiswa ve kanyiswa.
20Vanana vawe va na nga kale,
msengeletano wawe wu na tsana masoni kwangu;
ni na peka votshe vatsindaveti vawe.
21Mthangeli wawe a na huma ngu ka vona vanyamne,
ni mfumeli wawe, a na huma hagari kwawe vapune.
Ni na mtshuketisa, a nata kwangu;
nguko i mani a khalako kutshuketa kwangu kani?
Kuwomba Mkoma.
22Anu mi na va vathu vangu,
nani ni na va Txizimu txanu.
23Wonani txihuhuri txa Mkoma, i ku txiviti txakwe, txi vhinjukile ngu mtamo, txi fanana ni txingulu; txi na wela txitimwi ka misungo ya va vo biha. 24Kuhenya ko thisa ka Mkoma kha ku na mbi boxa, na asi se dinganisa mixuvo ya mbilu yakwe; mi na ti zivisisa kha kwati, ka masiku ma ku ngadi ma txita.
Currently Selected:
Jeremiya 30: BEC2016
Highlight
Share
Compare
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
